اصابع زينب...حلو شرقي دارت حوله القصص

كنت بسمع الراديو (مزاج اف ام ) هديك اليوم وكان في مناقشة ومسابقة بين معن ورامي اذا اصابع زينب اكلة مصرية اوسورية...وبكذب اذا قلتلكم اني عرفت لانها مسابقة على مدار البرنامج وانا نزلت وقتها من السيارة وما عرفت...حاولت اشوف اصل الحكاية على المواقع المختلفة بس ما لقيت قصة واضحة واحدة...اشي بيقول انها نسبة لزينب بنت الحسين بن علي رضي الله عنهم واشي بيقول انها بنت مصرية عملت الحلو لخطيبها وصارت مثل و اشي بيقول انها زينب بنت حلوة وشبهوا الحلو باصابعها الجميلة...بغض النظر عن التسمية...كتير ناي بيحبوا اكلة اصابع زينب واليوم رح اشارككم الوصفة اللي انا بحبها وبتمنى تجربوها وتعجبكم...الوصفة بالمناسبة بتبرك...يعني ممكن عمل 1/2 الكمية بس...

اصابع زينب
المقادير:
3 اكواب سميد ناعم
3 اكواب طحين
ملعقة كبيرة خميرة
كوب ماء دافئ
ملعقة صغيرة سكر
كوب زيت نباتي
ملعقة صغيرة شومر ويانسون مطحون
ماء دافئ للعجن
قطر سميك شوي وبارد

الطريقة:
تخلط الخميرة والسكر والماء الدافئ
تخلط المواد الجافة ويفرك الخليط بالزيت
تضاف الخميرة ونعجن ونبدأ باضافة الماء الدافئ لنحصل على عجينة متوسطة الليونة
تترك لترتاح وهي مغطاة مدة ساعة
نأخذ كرات منها بحجم حبة الجوز ونشكلها كرول ونمررها على مصفاة باطراف الاصابع لتأخذ شكل اصابع زينب المعروف
تقلى بزيت حامي وغزير
وعندما تحمر تنقل الى القطر وتترك بضع دقائق ثم تسحب
ترش بالفستق الحلبي المفروم (اختياري)
وصيام مقبول ان شاء الله


Comments

  1. مشكوره كتيررررر منال على كل شي في المدونه كله رائع
    بدي اسالك عن طريقة للعوامه بتظل تقرش وما تطرى بسرعه

    ReplyDelete
  2. يا الله شو بحبها من ايدين ماما
    وكيف بتلفها على مصفاية وبعدين بتقليها بالزيت

    ReplyDelete
  3. منال يسعدك ويعطيكي الف عافيه المنيو لجديد مَش طبيعي اشي فاخر من الاخر الصوره بتحكي كيف الطعم ����

    ReplyDelete

Post a Comment

Popular Posts