مكدوس الباذنجان
من الوصفات الخريفية واللي بالعادة يستغل فيها موسم الباذنجان هي وصفة المكدوس انا متأكدة انه هاي الوصفة بكل تفاصيلها رح تعجبكم خاصة انه انا الي سنين بعمل مكدوس وببيعه لزبايني ودائما ولله الحمد يلاقي الاستحسان ملاحظات مهمة هاي النصائح مهمة كتيرللي حابين يعملوا مكدوس يضل مثل كأنه معمول هلأ افضل انواع الباذنجان هو الاسود اللي حجمه وسط (مش كبير ولا صغير) لانه بيضل من السنة للسنة اما البتيري (اللي لونه نهدي) ممكن يهلط بعد عدة اشهر افضل الاوقات لعمل المكدوس هو بباذنجان شهر 9 و10 واول 11 لانه بس تشتي الدنيا بيشرب الباذنجان مي كتير وممكن ما يطول ويهلط مهم استخدام الملح الخشن بالوصفة وليس ملح الطاولة ولا الملح البحري ولا الهملايا لانه الخاص بالمائدة فيه يود وهاد بيهري الباذنجان والثاني بيملح كتير اما الملح الصخري او الخشن الخاص بالتخليل فهو الافضل والمستخدم بهذه الوصفة يمكن استخدام زيت الزيتون او الزيت النباتي او خليط منهما في كبس المكدوس والافضل هو زيت الزيتون الافضل استخدام مرتبانات زجاجية او من نوع الضغط للحفاظ على المكدوس مدة طويلة عند فتح المرتبان بعد ان ينضج يفضل وضعه بالثلاجة او غمره بال
