Cinnamon rolls with 3 toppings لفائف القرفة (سينامون رولز) مع 3 انواع صوص ..جبنة وشوكولاتة وكراميل

English Version of this post is below

  القرفة من اكتر الاشياء اللي بتميز حلويات الشتاء...رائعة لحالها كشراب...مع تفاح، مع انجاص، مع الخبز، مع كتيييير ..اشياء...بوست اليوم برضه طلب كبير وبالحاح مع انه انعمل كتير بس ناس كتير بدهم طريقتي حاضر يا حلوين وبما انه شهر الطلبات فما رح اردلكم طلب ان شاء الله رنا يقدرني... اليوم رولات القرفة او بالعنجليزي...سينامون رولز او سنابون نسبة للمطعم الاكثر شهرة ببيعهم...


وطلبتوا صوصات السينامون رولز فاليوم رح احط صوص الجينة الكريمية وصوص الكراميل وصوص الشوكولاتة :)




لفائف القرفة (سينامون رولز)
المقادير:
      للعجين: كوب حليب دافئ
                2 بيضة بحرارة الغرفة
                6 ملاعق طعام زبدة
                ½ 4 كوب طحين
                ملعقة صغيرة ملح
                ½ كوب سكر
                2/1 2 ملعقة صغيرة خميرة
               
للحشو: كوب سكر بني
         ½ 2 ملعقة كبيرة قرفة مطحونة
         اصبع زبدة بحرارة الغرفة
  
  الطريقة:
تخلط مقادير العجينة معا وتعجن مدة 5-7 دقائق للحصول على عجينة متماسكة، تخمر في مكان دافئ مدة ساعة حتى يتضاعف حجمها. وعندما تخمر تفرد على سطح مرشوش بالدقيق على شكل مستطيل طويل بسماكة ½ سم. تدهن بالزبدة مع مراعاة ان لا تدهن الاطراف. تخلط القرفة والسكروترش عليها بشكل جيد.


تلف بشكل رول وتقفل جيدا من الاسفل بالضغط باطراف الاصابع

تقطع دوائر بسماكة 2 سم او اكثر حسب الرغبة.



تدهن الصينية وتوضع اللفائف عليها لترتاح مدة 1/3 ساعة او حتى يتضاعف 
حجمها. يحمى الفرن الى 400 ف او 200 مئوي وتخبز مدة 15 دقيقة او حتى يصبح لونها ذهبيا.






للوجة: 
صوص الجبنة الكريمية
المقادير:
125 غم جبنة كريمية
 اصبع زبدة
كوب ونصف سكر ناعم
ملعقة صغيرة فانيلا
1/8 ملعقة صغيرة ملح

الطريقة:
تخلط مكونات الوجة ويدهن عليها وهي دافئة.

صوص الكراميل
المقادير:
4 ملاعق طعام زبدة
6 ملاعق طعام كريما سائلة
كوب سكر بني
1/2 1 كوب سكر بودرة
ملعقة صغيرة فانيلا

الطريقة:
تذاب الزبدة  والكريما بقدر ثم نضيف السكر البني ونحرك ليذوب تماما ويرفع ويضاف السكر الناعم والفانيلا وتدهن على الرولز وهي ساخنة


اما صوص الشوكولاتة فهي الجناش..

صوص الشوكولاتة
المقادير:
115 غم شوكولاتة
1/2 كوب كريما
ملعقة طعام زبدة

الطريقة:
توضع الكريما بقدر على النار لتبدأ بالغليان من الجوانب
ترفع وتضاف الشوكولاتة المفرومة وتحرك لتذوب ثم الزبدة وتستخدم فوق اي شيء يحتاج لصوص الشوكولاتة


Cinnamon is just the spice of winter, isn't it? Its great with almost any and everything...apples, pears, bread ...etc. I just love it..as a drink..unbeatable for me with some walnuts on top...mmmmm...This is your month...so you asked for it..Cinnamon Rolls...I love this recipe so much as it is so easy and delicious...I hope you will try it with 3 sauces I am adding to it today...

So here we go:

Cinnamon Rolls
Ingredients:
1 cup warm milk
2 1/2 tsp yeast
1/2 cup sugar
6 Tbsp butter, room temp
2 large egggs
1 tsp salt
4 1/2 cups of flour (you might need a bit more or less)

Filling:
1 cup brown sugar
2 1/2 Tbsp cinnamon
1 stick of butter

Toppings:
Caramel:
4 Tbsp butter
6 Tbsp cream
1 cup brown sugar
1 1/2 cup icing sugar
1 tsp vanilla

Chocolate:

115 g chopped chocolate
1/2 cup cream
1 Tbsp butter

Cream Cheese:
125 g cream cheese
1 stick butter
1 1/2 cups icing sugar
vanilla
1/8 tsp salt

Directions:
Mix yeast, sugar, milk well.
Add eggs and vanilla then 4 cups of flour and salt.
Knead well for 7 min and add flour if the dough is too sticky
Let it rise covered in a warm place for an hour till doubled in size
Roll into a rectangular on a floured surface.
Spread butter all over the dough avoiding the edges
Mix cinnamon and sugar; spread evenly over the dough.
Start rolling from the long side as tight as possible and close seem well with your hands.
Cut into circles of 2 cm wide and let it rise again on baking sheets covered with a cloth for 1/2 hour
Heat your oven to 200 and bake for 15 min till golden brown.

For sauces:
Caramel:
Melt butter and cream then add brown sugar till melted. Add icing sugar and vanilla
Chocolate:
Heat cream till it comes to a simmer and remove off heat. Add chopped chocolate, mix well till melted then butter.


Cream Cheese:
Mix all ingredients in a mixer and spread on hot cinnamon rolls.






Comments

  1. يا عيني
    شكلهن بيشهي
    يسلم ايديكي
    يلا عالتتطبيق ان شالله

    ReplyDelete
  2. بشهوو مبدعه دايما منال يعطيكي العافيه وشكرا

    ReplyDelete
  3. يميييي ريحتها الطيبة وصلت لعندي

    ReplyDelete
  4. ياسلااااااام عالقرفه ريحتهم وصلت لعندي عنجد شكلهم بشهي يسلمو ايديكي

    ReplyDelete
  5. يا عيني عليكي يا منال بكرة ان شالله الغداء صفيحة والحلو سينابون ان شالله يكون سهل يسلمو يا قمر يعني صرت مدمنة المدونة دايما في انتظار جديدك

    ReplyDelete

  6. يسلموا ايديكي يا مبدعة عن جد شكلهم بشهي

    ReplyDelete
  7. يسلمو هالايدين
    .. شو بديل الكريما في الصوصات ؟؟؟
    .وكمان بقدر بدل الزبدة زيت بالعجينة ؟؟

    ReplyDelete
    Replies
    1. في ناس بتحط حليب مكثف محلى والزيت ما بيعطي نفس النتيجة للزبدة والسعرات الحرارية واحد...فاستعملي الزبدة

      Delete
    2. تم التطبيق ايناس ايناس

      Delete
  8. يسلموا ايديكي عل وصفة السينابون
    كتييير طيبة والكل بحبها
    انا اليوم اتعلمت منك وصفات الصوص واكيد رح اجربهم وخصوصا الكراميل لانو انا بالعادة بحط حليب مكثف محلى

    ReplyDelete
  9. والله ابدعتي منال..شكلهم بشهي ..فداء

    ReplyDelete
  10. كل وصفه ازكى من التانيه عزيزتي منال مو ملحقين كل يوم طبخه من وصفاتك . عنجد يسلمو ايديكي . ♡♡♡

    ReplyDelete
  11. كثيييير كثيييير كثييييير بحب السينابون وبعملوا بالبيت
    بس هلمره رح اجرب طريقتك اكيد روعة

    ReplyDelete
  12. بشهي شكلهم ست منال، بس انا لما اعلهم بفردو معي بعد الخبز يعني ما بضلو مدورين و ماسكين حالهم متل اللي بالصورة .. فهمتي علي 😁 شو السبب بكون ؟؟

    ReplyDelete
    Replies
    1. على الاغلب ما بتسكريها منيح من تحت لما تلفيها...اضغطي عليها منيح وبكعب الايد وكمان ممكن بتحطي زبدة على الاطراف وبالتالي ما بتلزق العجينة ببعض لما بتسكريها..وبالتوفيق المرة الجاي

      Delete
  13. وصفات رائعة..تصوير رائع .. منال كلك ابدااع ما اشء الله عليكي

    ReplyDelete
  14. يفضل يا ام سراج الطعم بيفرق كتير

    ReplyDelete
  15. وصفاتك بتعبر عن ذوقك ماشاء الله
    الله يوفقك

    ReplyDelete
  16. ماشاءالله رائعة والصوصات شي لزيز ازا كل مرة عملناها بصوص للتغيير

    ReplyDelete
  17. لوسمحتي أخت منال ممكن نفس العجينه لعمل المونكي بريد وشكرا الك 😊😊😊

    ReplyDelete

Post a Comment

Popular Posts