Orange cranberry mini teacakes

كيفكم يا حلوين...

طولت عليكم بالبوستات ولا والله مليان فيديوهات تصورت بس الوقت اخ من الوقت...

ما علينا نشوف مع بعض تعزيل الثلاجة وترتيب عادي جدا...بوعدكم بفيديو احلى وترتيب اجمل المرات القادمة

اما ادائي وترتيبات الاكل فرح تشوفوها بهاد الفيديو

وهي وجباتي لنهاية شهر 7

قائمة الوجبات المتبقية من الشهر الماضي:

برغر بشوربة البصل

شاورما لحم ودجاج

اجنحة دجاج

جانبي:

1 بيتزا

سمبوسك

ساندويشات تونا

وجبات رح اعملها باذن الله هاد الشهر لنهاية 7:

ملوخية (لازم كل شهر)

اسباجيتي بالفرن وهاي كمان

صينية دجاج بالخضار وفريكة او اشي تاني جانبي

سلوبي جوز (الوصفة هون)

رز وعدس (الوصفة هون) تعتبر جانبي

فول باللبن

داوود باشا بالطحينة

محشي بطاطا

بازيلا ورز

سبانخ طبيخ (ما كان على المنيو بس لقيته بسعر ممتاز (رح شوفوا الفيديو بكرة)

طبخة سمك (لدورة اسماك)

طبخة بافخاد الدجاج (موجودة عندي من اول بالفريزر)

بريسكت (من دورة طبخ) عندي اللحمة بالفريزر

اطباق يوم الجمعة للفطور:

مفن زعتر اخضر وجبنة (الوصفة هون)

فرنش توست

وافل

ساندويشات فول (رح اعملهم فريش بخبز بيتي) والفول موجود بالمونة

فتة حمص (رح اعمل الحمص بس وعندي خبز مقلي)

اطباق تصلح للفطوراو عشا:

مفن موز (الوصفة هون)

معجنات جبنة

ساندويشات سلامي وجبنة

جارلك توست ببقية التوست (جنب المعكرونة)

رح احتاج اخبز:

خبز برغر عدد 12

خبز صاج للشاورما

خبز عربي بيتي لساندويشات الفول

اشياء بالفريزر لازم امشيها:

ادامامي (بقية كيس)

حلقات بصل (بقية كيس)

جوافة مفرزة

كيس بروكلي (مع الدجاج)

خضار مشكلة للشوربة 

اشياء من البانتري ممكن تساعد :

برغل (بالسلطات)

حمص حب (بالسلطات وللفطور)
عدس

اما وصفة اليوم فهي لكعكة برتقال بالكرانبري بتشههههههييي

كعكات البرتقال والكرانبري
المقادير:
1/4 2 اصبع زبدة
كوب سكر
1/4 2 كوب طحين ذاتي التخمير
2 ملعقة صغيرة بيكنج باودر
4 بيض
2 ملعقة صغيرة فانيلا
2 ملعقة طعام حليب سائل
كوب كرانبري
بشر برتقالة

للوجة:
سكر ناعم منخول
القليل من عصير البرتقال

الطريقة:
يحمى الفرن الى 350 او 180 مئوي
تخلط المقادير الجافة
تضاف لخليط المواد السائلة
تسكب بقوالب صغيرة مدهونة
تخبز لتجتاز اخبار الكيك
تبرد على سلك معدني
يخلط السكر الناعم بعد نخله بالقليل من عصير البرتقال وتسكب فوق الكعكات