Baqleh...

قرب العيد وان شاء الله اليومين الجايين رح اشارككم باكم فكرة مناسبين للعيد الكبير بس اذا حابين تعملو بسكوت خواريف ممكن تشوفوا الفيديو على رؤيا


ومن افكار الهدايا للاطفال بالعيد




شهر 8 رح يكون غريب شوي بتخطيط المنيو ولعدة اسباب:
1- العيد (التخطيط للوجبات مش سهل لهاي الفترة لانه الواحد ما بيقدر يحزر في عزومة او لا\
2- الدايت الجديد لخالد (ممكن تعرفوا عنه اكتر بالفيديو)
3- العطلة الطويلة واللي مفكرين فيها نطلع برة عمان نقضي وقت... بدها تخطيط كمان

على جميع الاحوال صار مارق 4 ايام وهي المنيو اللي حطيتها
(المشطوب يعني اكلناه)

بس قبل هي التسوق والتحضير



وجبات رئيسية
اسباجيتي
تشيلي (رح استخدمها بشكل مختلف عن المعتاد والطرق اللي اقترحتها قبل بالمدونة)
ريش مع خضار
ستيك بالفطر
شرحات مكمورة بالفلفل والبندورة
بقلة طبيخ (عملناها ووصفتها بهاد البوست) 
شوربة عدس مع صفيحة ارمنية بالطحينة (الصفيحة وصفتها هون)
ستير فراي ستيك (وصفتها هون)
دجاج مع سبانخ
ملوخية
بامية
شاكرية (وصفتها هون)
تندر دجاج
اجنحة دجاج (من قبل)
افخاد دجاج (من قبل)
كوسا بالبشاميل (رح اشارككم وصفتها)
قلاية بندورة باللحمة 
برغر عربي ورح احطلكم الوصفة فيديو ان شاء الله (لخالد رح يكون بالخس)

جانبي
حمص باللحمة
رز الزهرة (رح اشارككم وصفته بيجنن حتى نويت اجيب صحارة واعمل)
كولسلو (الوصفة هون)
ابو شلهوب (الوصفة هون بس رح اعمله لخالد بالكينوا)

من الشهر الماضي
ساندويشات تونا
فرنش توست
حلقات البصل

طبعا رح يكون في بواقي بالتأكيد وممكن طلعات برة بالعيد بنشوف


وصفتي لليوم هي وصفة سهلة ورخيصة وكتير ناس بتعرفها وكتير ناس بتفكر انه البقلة بس للسلطة....
اللي منكم ما جربت البقلة الطبيخ تجرب ورح تدعيلي



يخنة البقلة بالبندورة
المقادير:
ضمة كبيرة بقة منقية ومغسولة ومفرومة فرمتين  يدوب
ربع كيلو لحم خروف مفروم مكعبات صغيرة
ملعقة طعام زيت
ملح وفلفل اسود
بصلى
بصلة مفرومة ناعم
علبة بندورة مقشرو ومفرومة
ملعقة طعام رب البندورة
ملعقة طعام سكر
مكعب مرق دجاج
للقدحة او الطشة:
ملعقة طعام زيت 3 حبات ثوم كبير مهروس

الطريقة:
تقلب اللحم بالزيت ليتغير لونا
نضع عليها القليل من الماء المغلي وتترك لتنضج تماما ويجف الماء كله تقريبا
نضيف البقلة ونرشها بالملح وتترك على نار هادئة وستنزل بمستواها للنصف وتخرج ماءها
نضيف البندورة وبقية المقادير وتترك لتتسبك 10 دقائق
نسخن الزيت ونحمر الثوم ونقدح او نطش القدحة او الطشة فوقها
تقدم مع الارز
بتشهي







Comments

Popular Posts