Arabic Burger

اليوم الفيديو حلو ...على ما اعتقد ...فيو رح اخدكم بيوم معي من الصبح ...الهدف منه اعطائكم دافعية لانه فعليا وتقريبا الايام بحياتي من هاد الشكل دايما...الله يعطينا الصحة والقوة

  

وزي ما حكيت اليوم الوصفة هي للبرغر العربي واللي الصراحة بحبه اكتر من الجاهز بس الناس ازواق اكيد

بتميز بكتير اشياء بالاضافة للطعم اللزيز

1. بتقدري تتحكمي بحجمه  وهي صورة بتفرجيكم اني عملته ميني كمان 

2. نظافة عالية ولحم صافي بدون دهون (اضافة الكاتشاب والقرشلة والبندورة بتعطي طراوة بدون الحاجة للدهون)

3. بتقدري تنوعي بالطعم مثلا تضيفي باربكيو صوص بدل الكاتشاب زي ما عملت بالفيديو)

4. اوفر ب 60 الف مرة خاصة اذا قارنتي الجودة والنوعية

بنصحكم تجربوه وبنصحكم انكم تعملو كمية وتخلوها بالفريزر للزنقات

البرغر العربي

المقادير:

500 غم لحم عجل او بيف مفروم ناعم

كوب بقسماط

1/2 بصلة مطحونة مع حبة بندورة وسط ناعم

1/4 كوب كاتشاب او باربكيو صوص

معلقة صغيرة مليانة بهارات عربية مشكلة (بهار، قرفة)

ملح وفلفل اسود

رشة زيت 

الطريقة:تخلط المقادير معا وتشكل وتفرز بينها ورق خبز

تشوى بالفرن او بالقلاية الهوائية او تقلى