One cake mix...two cupcakes

كيفكم جميعا بحب اشكركم على النتابعة وارحب بالمنضمين الجدد واقول مبروك لرشا الصالحي اللي فازت بجائزة الشهر...

زي ما شفتوا بالفيديو السابق بنحدي الطبخ من المونة وبالاضافة الى ما تم صرفه اشتريت كم غرض طلع مجموعهم 5 دنانير يضافوا لما صرفت الاسبوع الاول ليصبح المجموع 19.87+ 5 = 24.87 دينار

خليني اعطيكم اخر التطورات بتحدي الطبخ من المونة لتاريخ البوست 10/10

ونسيت احط مجموع الصرف بالفيديو 41.6 دينار يعني زيادة عن المخصص بالاسبوع 6.6 دينار بس فعليا مجموع الصرف للاسبوعين هو 41.6+ 24.87 = 

66.47 يعني اقل ب  8.53

ونشوف مع بعض شو تم طبخه لتاريخ اليوم 10/10

الاسبوع الاول

دجاج بالبطاطا والثوم الليمون  مع فريكة مفلفلة

بواقي مع سمبوسك من الفريزر (كان اليوم) 10/1

بيتزا

منسف

اكلة سمك (مشان الدورة)

بواقي كمان مرة

اسباجيتي بالخضار

الاسبوع الثاني

محشي ارضي شوكي مع ارز مقلقل بالخضار

اكلة سمك

اكلة سمك (مرتين)

كوسا محشي

تورتيلا محشي بالدجاج المقرمش

بواقي

لازانبا رولز

الاسبوع الثالث

اكلة سمك

غداء عند الاهل (بريسكت ودجاج اجنحة بالباربكيو صوص وسلطة تاكو ) عملناه السبت 10/5

دجاج مع خضار بكيس بالفرن

بواقي

برغر

شوربة عدس تركية

اعشاش اسباجيتي

الاسبوع الرابع

اكلة سمك

زهرة طبيخ

بواقي

اورزو بارمزان مع دجاج تندرز وسلطة

حراق اصبعه

ساندويشات شاورما دجاج

بواقي

اشياء جانبية

شوربة البازيلا والجرجير

جارلك بريد اكلناه مع الاسباجيتي

شوربة جزر بالبرتقال

حلويات ممكنة

تشيز كيك

باي

كيكة برتقال

مهلبية بجوز الهند

كب كيك رح اشارككم وصفته بهاد البوست ورح يعجبكم جدا...

ونيجي للوصفة تبعتنا واخترت خليط كيك الفانيلا من بيتي كروكر وحضرته بالزبط حسب تعليمات الباكيت

قسمت العجينة نصفين

الاول حطيت معه تفاحتين خضر مقشرين ومقطعين وحطيت عليهم معلقة طعام طحين ومعلقتين طعام سكر وملعقة صغيرة قرفة

الثاني حطيت معه 1/2 كوب فستق حلبي محمص ومجروش ولون اخضر 1/2 ملعقة طعام ماء ورد و1/2 ملعقة صغيرة هيل

وخبزتهم عادي على 180 واللي بتحب تعملها كيكة مش كب كبك اكيد بتقدر...

الكريما بسيطة جدا وعادية

مقادير كريما الزبدة

2 اصبع زبدة بحرارة الغرفة

3-4 اكواب سكر مطحون منخل

ملعقة صغيرة فانيلا

2 ملعقة طعام حليب

تخفق المقادير جيدا ليتضاعف الحجم وتصبح خفيفة القوام

قسمتها نصفين

الاول حطيت معه صوص كراميل واذا حسيتيها صارت مرقة ضيفي سكر ناعم (اه رح تكون حلوة كتير بس هي كريما فعادي)

الثاني حطيت معة زبدة فستق حلبي (حوالي 2 ملعقة طعام مليانة) ونقطة لون اخضر

زينتهم بالجوز المحمص والفستق والورد زي ما شفتوا بالصورة....سهل وسريع وبيشهي

ورح اضل احطلكم افكار باستخدام الكيك مكس لانه مالنا ومال الحكي سهل وسريع.....