Gift Ideas

هاد الشهر مش معقول شو انه عكس الشهر الماضي...مرق بسرعةوحاسة حالي بركض بركض وبشتغل طول الوقت ومش ملحقة...

وطبعا هاد الاشي سبب رئيسي باني ما حطيت بوستات كتير هاد الشهر بس بعزي حالي انه بركي بالاكم يوم الجايين عوضت الموضوع...

طبعا سبق وحكيت عن عدة انظمة بالتنظيف بس خليني اشارككم نظام جديد بدي اتبعه بشهر 12 ومعكم مشان اخبركم كيف الامور ماشية...لتعرفوا هاد النظام شوفوا  الفيديو

واذا حابين تطبعوا الفورمات بتلاقوهم بالرابط التالي 

بتمنى انكم تخبروني اذا عم تقدروا تشوفوا الاشياء على جوجل درايف او لا... واذا رح تطبقوا النظام وتجربوه اعطوا لحالكم فرصة وما تزعلوا اذا ما التزمتوا فيه 100%

وعشان اساعدكم رح اصور فيديو اسبوعي عن ادائي والاعمال اليومية وغيره للتوضيح مشان اذا بدكم تفكروا بالموضوع وتجربوا باول السنة الجديدة بيكون اشي منيح

اليوم بدي اشارككم افكار اكتر منها وصفات لهدايا من البيت اعتقد انه كتير ناس ممكن يحبوها...طبعا الهدف من الموضوع هو التوفير لانه الهدية مش بحقها بقدر ما هي بالفكرة من وراها واديش الشخص فكر ليجيب الهدية...كتير سهل انه نجيب هدية غالية او نعطي فلوس .... بس هل هاد معنى حقيقي للهدية؟ شو رأيكم؟

افكاري لهدايا اليوم هي افكار اغلبها من المطبخ .... 

- خليط الشوكلاتة المنزلية الساخن من البيت....هدية حلوة كتير بمج لزيز من اللي بيبيعوا كل شيء بنص دينار واه في مجات كتير حلوة بنص دينار...هاي الهدية حلوة للمعلمات وللمدربين اذا ولادك بيتدربوا على هواية وحتى لزملاء بالعمل....الهدية فكرة حلوة ومحببة وشتوية بامتياز وبتدل اديش صاحبها فكر فيها واشتغل عليها

- اذا معزومة على حفلة وحابة تاخدي اشي لزيز ممكن تعملي هاي الازازة.... الزجاجة عبارة عن مشروف فراولة او تفاح غازي (موجود باغلب السوبرماركتات) وتلزقي عليه الشوكولاتة وتعمليه بشكل اناناس... وهي الخطوات بالصور

- ممكن تعملي خلطات منزلية لزيزة كتير غير خليط الشوكولاتة الساخن زي الشوربة
او الاملاح او السكر المعطر (موجود منها كتير بهاي المدونة) وتعطيها هدية بسلة حلوة او بوكس 

سكر مع قشر ليمون او سكر مع لافتدر (رهيب بالتحلاية للشاي او اي حلو مناسب)

سكر ملون للي بيحبوا يزينوا البسكوت

(سكر وفركته مع الوان طعام)

شوربة عدس مكونة من عدس مجروش وبصل مجفف ورز وبودرة دجاج وبس بتكتبي اضيفي الماء والكرت عملته من قصاقيص 

مجلة....

و ممكن ملبسات وشوكولاتات تحطيهم بمرتبان وتسميه مرتبان تجديد الطاقة  وترتبيه وتلزقي على الغطايات اللي بتحبيه...انا استخدمتو ورق الكب كيك وفلينة

رح احط فيديو خصوص عن هاد الموضوع على اليوتيوب وبس احطه بحطلكم اللينك هون