Fizzy Fruit Salad

كيفكم يا حلوين والله انا مشتاقة الكم

هاد الشهر وزي ما حكيتلكم اني بدي احاول استخدم الاشياء اللي عندي بالبانتري والفريزر مشان اوفر وهي الوجبات اللي عملتها للان وطبعا كان في ايام فيها بواقي

- ملفوف (اللحمة من الفريزر والملفوف كان عندي من اول)

- صينية ريش بالخضار (من الفريزر)

- ملوخية (لحمة مسلوقة من الفريزر)

- بواقي تشيلي من الفريزر

- اسباجيتي (من المونة والفريزر)

- صفيحة ملفوفة (من ماما)

- يوم غشيت وطلبنا من برة هههههه

- شوربة البطاطا الحلوة والعدس (الوصفة باليوتيوب)

المهم لسة في عندي اشياء وزي ما حكيت بالفيديو رح احاول استغلالها

وصفة اليوم وصفة خفيفة ظريفة والكل بيحبها وتعتمد على فواكة هاد الموسم

سلطة الفواكة بالسفن اب
المقادير:
حبة بوملي مقشرة
حبتين تفاح مقطعين
حبة رمان حلو مفروطة
اي نوع فواكة تانية مثل العنب او الموز او الكيوي
1/2 لتر سفن اب عادي او دايت
جرانادين (حسب الرغبة) انا بحب احط حوالي 1/4 كوب)

الطريقة:
تخلط المقادير واضيف السفن اب قبل التقديم للاحتفاظ بالغازات