سنة جديدة على الابواب

بما انه ال 2013 على الابواب، الله يجعلها سنة خير وسلام على الجميع، وبما انه كثير منكم رح يتجمعوا عنده الاهل والاصحاب ليقضوا سهرة لطيفة، فكرت انه اشارككم بمقال كل يوم من هون ل 31/ 12 ان شاء الله بفكرة سريعة ولذيذة تعملوها لتقدموها لاحبابكم وان شاء الله تنول رضاكم وكل عام وانتو بالف خير...

صوص البستو واعواد الحلوم والبندورة


لصوص البستو
    المقادير:

2 كوب اوراق البيزل(ريحان) مغسولة ومجففة

2 ملعقة طعام صنوبر محمصة قليلا   

3 حبات ثوم مهروس

حوالي ½ الى ¾ كوب زيت زيتون (حسب السمك الذي تريدين ان تكون عليه الصوص)

¾ كوب جبنة بارمزان مبشورة

ملح وفلفل اسود

 
  الطريقة:

  توضع كل المقادير ما عدا الزيت داخل الخلاط ويدار.

ينزل زيت الزيتون بشكل خيط رفيع من فوهة الخلاط حتى يبدأ مزيج سميك بالتكون وتختلط كل المقادير ويستعمل.
 
والبستو من الصوصات الايطالية اللذيذة واللي يمكن تستعمليها في المعكرونة او اي اكلة تحتاج بستو وذا كان الريحان متوفر املي منها كمية وحطيها بالفريزر في قوالب الثلج وبعدين فرغيها في اكياس بس تجمد وهيك ممكن تطلعي مكعب او اثنين حسب ما تحتاجي...

للتقديم:
ضعي البستو في وعاء ورتبي حولها مكعبات الحلوم والريحان الطازج والبندورة  مثل الصورة ويمكن استعمال اي نوع جبنة مثل الموزريلا الفرش او الجبنة البيضاء...وصحتين...

 

Comments

  1. شكلها بيشهي-يسلمو ايديك

    ReplyDelete
  2. انا كتيير بحب فكرة اعواد الخشب لما بنحط فيها الاكل
    اول شي منظرها بشهي وتاني شي سهولة الاكل وانو ارتحنا من التقسيم
    يسلموا ايديكي الطبق رووووووعة

    ReplyDelete
  3. شكرا عالوصفة منال ..بسيطة وطيبة وفخمة بنفس الوقت

    ReplyDelete
  4. حابة اسالك عن ورق الريحان بنفع احطه بالفريزر وكم المدة!وبنفع انشفه زي النعنع.!!

    ReplyDelete
  5. حنان أكيد بيتنشف بس بالفريزر بيسود فإذا ولابد اعملي بستو وفرزيه

    ReplyDelete

Post a Comment

Popular Posts