كعكة السنكرز الباردة بالبسكوت

اللي حكوا معي اليوم وشافوني بدرس امبارح بيعرفوا انو صوتي اختفى تماما...مش عارفة بس شكلوا فايروس مرتب...الله يعين...المهم والحمدلله اني قادرة اتحرك (يعني مش انفلونزا تامة)...والمحزن انو بيبي مريض كمان وطلع عنده التهاب باذنه نتيجة رشحة قريبة (اول امبارح بس) الله يعينه وحسيت بالذنب كثير لانه مو مبين عليه يا حرام انه موجوع...والمشكلة انه الاولاد عندهم امتحانات الشهر الاول وعادة بسمع لسلطان بس من حسن حظي انه عنده امتحان فرنسي بكره...يعني ما كان فيه تدريس...وكل هاد ما عنى انه ما في طبخ...اليوم عملت بيتزا على الغدا واستفدت من زوايد كانت عندي لتروح على وجة البيتزا من لحوم وخضار...وطبعا اليوم 2 في الشهر ولسه ما رحت اجيب اي اغراض فلسه الصرف من ميزانية هذا الشهرللاكل ما بدت وسعيدة باني عم بستخدم الموجود عندي...لنشوف لامتى بصمد!!!

ولاني ما رحت ولا اجيت اليوم غير على الدكتور لهارون...فصحلي اعمل حلو الي من زمان جابيه اغراضه وهو كعكة السنكرز الباردة بالبسكوت...والحقيقة انه طبق حلو بشعر الواحد بالذنب بس ياكل منه قد مافيه اشياء زاكية بس نصيحتي (قطعة صغيرة بكفي!!!)

كعكة السنكرز الباردة بالبسكوت
المقادير:
6 اكواب حليب سائل
كوب سكر
2/3 كوب نشا
رشة ملح
ملعقة كبيرة فانيلا
3/4 كوب زبدة الفستق
2/3 كوب شوكولاتة مفرومة
باكيت ونصف بسكوت شاي مستطيل وانا بفضل اي تي لانه زاكي
صوص كراميل (الوصفة الي بتحبيها) وانا حاطة وصفة على المدونة بس بالانجليزي لصوص الكراميل 
صوص شوكولاته (ممكن الجناش او صوص شوكولاته مفضل لديك)
4 حبات سنكرز مقسمة مربعات

الطريقة:
يغلى السكر و5 اكواب حليب ورشة الملح في قدر على النار
يذاب النشا ببقية كوب الحليب ويضاف للقدر عندما يغلي الحليب وهكذا يسمك المزيج بسرعة ولا داعي للوقوف والتحريك مدة طويلة. تضاف الفانيلا ويقسم المزيج نصفين تضاف زبدة الفستق لنصف والشوكولاتة للآخر وتحرك
يبطن القلب بورق المنيوم (هذا في حال رغبت في في قلبة ويمكن تفادي هذه الخطوة باستخدام صحن بايركس عادي)
يصف البسكوت ثم طبقة من مزيج الشوكولاته ثم طبقة بسكوت ثم مزيج الفول السوداني ونكرر (طلع معي 3 طبقات من كل نوع باستخدام قالب الخبز التزست الحجم الكبير.
تبرد في الثلاجة 6 ساعات على الاقل
يقلب ويرفع ورق الامنيوم ويزين بالصوص بنوعيها والشوكولاته على الوجه...والف صحة...




Comments

  1. يميييييييي شو هالوصفه الخطيره دخت من الشكل كيف الطعم ان شاء الله بجربها بجمعة لصاحباتي عشان كلنا من عشاق السنكرز وزبدة الفول السوداني يسلمو ايديكي بتشهي

    ReplyDelete
  2. من زمان بدور عليها يسلمو منال كتييييير يسلمو

    ReplyDelete
  3. وصفات بتشهي
    لا تقااوم
    يسلموا كتييير

    ReplyDelete

Post a Comment

Popular Posts