كعكة التمر بالبهارات...

في اشياء كثير رائعة في الحياة بالرغم من كل صعوبات هذه الايام اللي احنا فيها واهمها الاصدقاء الاوفياء والناس الطيبين اللي لسه -والحمدلله- ما خليت الدنيا منهم. في شغلي السابق - في مؤسسة نهر الاردن- كونت صداقات كتيرة وصار عندي ناس بعزهم مثل عيلتي بالضبط...وبعد ما تركت وبديت في طلبات الكيك والدروس...صار عندي اصدقاء اكثر وناس بعزهم كتير كتير وبحس بمحبتهم بكل صفاء نية ...لكل اللي بيعرفوا حالهم ولكل مين ساندني ودعمني ولكل مين رشح اسمي لكيكة او برنامج او فكرة ولكل مين اتذكرني بسفرة وجابلي اشي حلو يعطيني افكار او استخدمه في المطبخ او كتاب...الخ...ما بقدر اشكركم كفاية...
الاسبوع الماضي صار عندي فرصة استضيف محموعة البشير اللي عندهم ادوات منزلية رائعة مش بس شكل وجودة كمان (وانا ما بحكي الا من تجربة)...وفي الجمعة الحلوة اللي كانت ضيفت الستات اشي بسيط كان من ضمنه كعكة التمر واللي مش بس سهلة وزاكي كتير كمان...لعيون هدول الستات ولعيونكم هي الوصفة...

كعكة التمر البسيطة بالبهارات
المقادير:
كوب تمر مخلى ومفروم
كوب ماء مغلي
125 غم زبدة
كوب سكر
بيضة
ملعقة صغيرة فانيلا
1/2 1 كوب طحين
ملعقة صغيرة ملح
ملعقة صغيرة كربونات
ملعقة صغيرة بيكنغ باودر
ملعقة صغيرة قرفة
رشة جوزة الطيب

للوجة:
2 ملعقة كبيرة سكر بني
2 ملعقة كبيرة كريما سائلة
ملعقة طعام زبدة

الطريقة:
ينقع التمر بالماء المغلي ساعة قبل البدء باعداد الكيكة ويفرك ليصبح سائل سميك
تخفق الزبدة والسكر جيدا ثم تضاف البيضة والفانيلا
تخلط المواد الجافة وتضاف للخليط
يضاف التمر وتحرك وستكون سميكة قليلا
تسكب في قالب مدهون (الكعكة صغيرة الحجم ولن تنتفخ كثيرا)
تدخل الى فرن حامي بحرارة 175 درجة وتخبز الى ان تجتاز اختبار الكيك (ادخال عود وخروجه ناشف)
تقلب على سلك معدني
تحضر مكونات الوجة بخلط كل المقادير معا علة النار ليذوب السكر والزبدة ونحصل على مزيج مثل الكراميل
يدهن الخليط الساخن على وجه الكعكة وهي ساخنة وتترك لتبرد وتقدم...وصحتين..



Comments

  1. كتير شكلها زاكية يسلمو ايديكي بس السوال اديش ممكن يضل التمر صالح للاكل قبل ما يخرب كم سنة يعني شكرا منال

    ReplyDelete
  2. يسلمو ايديكي منال مع اني مابحب التمر ابدا ولا باكلو الا في حالة وحدة انو يكون بكعك العيد

    ReplyDelete
  3. يسلم ايديكي ،من ازكى الكيكات رااائعة ،مرات بضيفلها شوية هيل مطحون

    ReplyDelete
  4. انا جربت التمر بالكيك
    كتيييير طعمه مميز وهاي الوصفة اكيد رائعة لانو بعتقد اضافة التوابل للتمر بيعطي نكهة اطيب

    ReplyDelete

Post a Comment

Popular Posts