حمص وشمندر...

English version of recipe is below

حمص وشمندر!!!! ممكن حد يحزر الخلطة... طيب قبل ما احكي عن الخلطة  خليني لقول قديش بنحب الحمص في الاردن؟...اظن الجواب معروف . بيكفي انه نمر جنب محل حمص وفول يوم الجمعة ونشوف الطوابير اللي بتستنى لتاخذ صحن الحمص والفول والفتة وكيس الفلافل... بالنسبة الي بحب الحمص كتير وبحب اكله من محلات معينة بس كتير بحب يكون عندي بالبيت موجود دائما... ولاني دايما بحكي عن التوفير فانا بحب اشتري الحمص حب وانقعه واسلقه واحطه باكياس بالفريزر مع شوي من ماء السلق وهيك الوقت اللي بدي اعمل فيه حمص، فتة او اي طبق بيتطلب الحمص بيكون الفريزر جاهز...وهدا مش معناه انه المعلب مو منيح بس اذا بتفكري في الواد الحافظة والسعر بيطلع الناشف اوفر وبصراحة ازكى كمان...اما الشمندر فهو من الاشياء المفضلة عنا بالبيت خاصة ياسمين بتحبه كتير....طيب رح تقولولي فهمنا انك بتحبي الحمص والشمندر ...بس ليش جبتي سيرتهم سوا؟ الجواب هو هاد الطبق الصحي والمختلف واللذيذ...

قبل ما ابدا بالطريقة بحب اقول انه هادا الطبق ما فيه طحينة فيعني انه اللي عنده حساسية من السمسم بيقدر ياكل منه واللي بده يوفر سعرات حرارية بياكل منه...

انا قدمته كطبق جانبي جنب دجاج مشوي بس فيكم كمان تقدموه كنوع تغميسة مع مثلثات خبز عربي محمص...

حمص بالشمندر 

المقادير:

2 حبة شمندر وسط مسلوقة ومقشرة ومفرومة

2 كوب حمص حب 

سن ثوم كبير مهروس

زيت زيتون

عصير ليمون (حيب الرغبة بالحموضة)

رشة كمون

ملح

2 ملعقة كبيرة خل بلسامك

الطريقة:

يوخذ مقدار ملعقتين طعام من الحمص على جنب للوجه

توضع كل المقادير ما عدا زيت الزيتون في الخلاط 

يدار الخلاط وننزل زيت الزيتون بالتدريج لنحصل على السماكة التي نرغب بها

ويزين بالحمص الحب وورقة بيزل ويقدم..والف صحة وهنا واذا كنتوا متلي بتحبوا الحمص والشمندر...رح تحبوا هادا الطبق كتير...

منال

Beets Hummus

This dish is nut free, it doesn't contain Tahini so it is suitable for people with allergies from sesame seeds.

Ingredients:

2 beets cooked, peeled and chopped

2 cups cooked chickpeas

Salt

Lemon juice (you can add depending on how tart you like it to be)

2 Tbsp balsamic vinegar

1 clove garlic, minced

1/2 tsp cumin

EVOO

Directions:

Mix all ingredients except EVOO in a food poroccessor or blender

Run it and drizzle olive oil until you reach the consistancy of a dip

Enjoy with pita bread and veggies.