هريسة جوز الهند وعصير فلوريدا وفكرة للاستفادة من بقايا التشيز كيك المخبوز




للمقال الثاني اليوم في عتدي اكثر من اشي احكي عنه...
الاشي الاول عصير فلوريدا والحقيقة انه مش اختراعي ابدا ولا اشي فظيع بس طعمه لذيذ....انا اشربته بشرم الشيخ وهو عيارة عن عصير جوافة ومانجا وجرانادين بس انا قررت اني استعمل عصير فراولة بدل الجرانادين واضفت من كل عصير (جوافة ومانجا وفراولة) كميات بالتدريج على الشاف ليكون الشكل كالتالي...


الاشي التاني...قضمات التشيز كيك او مصاصات التشيز كيك....لما يزيد عندك تشيز كيك مخبوزة ومش عارفة كيف رح تقضي للكل...قطعيها مربعات واغرسي فيها عود او شوكة زي ما انا عاملة (موجودين في اغلب السوبرماركتات الكبيرة) وغطسيها بالشوكولاتة


والاشي الثالث هي وصفة زاكية كتير وانطلبت منب من قبل وتأخرت فيها كتييييييير...



هريسة جوز الهند بدون بيض
المقادير:
2 كوب سميد خشن
كوب سميد ناعم
1/2 كوب قطر
اصبع زبدة
3/4 كوب سكر
3/4 ملعقة صغير بيكنغ باودر
كوب حليب دافئ
ملعقة طعام دقيق
2/3 كوب جوز هند
لوز مسلوق للوجه
قطر
طحينة لدهن الصينية

الطريقة:
تدهن الصينية (مستديرة او مستطيلة ) بالطحينية وقطر الصينية او ابعادها يعتمد على سماكة الهريسة (انا بحبها رفيعة)
تخلط كل المقادير وتفرد في الصينية وتغطى ببشكير نظيف 4 ساعات قبل الخبز وتقطع مربعات او معينات وتزين باتصاف اللوز
يحمى الفرن الى 175-180 وتوضع الصينية وتخبز لتبدأ الاطراف بالاحمرار ويحمر الوجة
يصب عليها القطر البارد وهي ساخنة لتشربة وتترك لتبرد قبل التقطيع والتقديم وصحتين...وافطار هنئ ان شاء الله...




Comments

  1. حلاوة جميلة

    ReplyDelete
  2. شكرا مدام منال لكن القطر مرتين ؟؟؟ هل المقدار الاول بالخليط والثاني للتسقية

    ReplyDelete
  3. سميد ناعم يعني الباودر ولا العاادي تبع الغزال متلا تحياتي يا غاليه

    ReplyDelete
  4. بيكون مكتوب عليه ومن الغزال فيه النوعين

    ReplyDelete
  5. صباحك ورد حبيبتي هلا عملتها بس حسيت مش جامده كتير العجينه عادي هيك

    ReplyDelete
  6. يمممم هيك جو بده اشي حلو بقطر الصراحة

    ReplyDelete
  7. والله بدها هريسة وحلوة كتير فكرة بواقي التشييز كيك
    هيك ما رح يضل منها ولا فتفوتة

    ReplyDelete
  8. تم
    حنان ابوغوش
    هريسة

    ReplyDelete
  9. جربت عدة طرق للهريسه،،،، هاي الطريقه روعه، مزبوطه عالاخر شكرا منال -:)))

    ReplyDelete
  10. حبيبتي منال صباحك فل وياسمين كنت بدي اسالك عن السميد هلا انا عندي نوعين سميد واحد العادي تبع ليالي لبنان وهيك وفيه الناعم اللي بيجي متل البودره هل هدول النوعبن اللي استخدمهم بالهريسه

    ReplyDelete
    Replies
    1. اهلًا منار... بالهريسة يفضل نوع خشن اذا تبع ليالي لبنان اخشن استعمليه

      Delete
  11. طب والسميد الناعم هل هو اللي بيجي شبه الباودر ..جننتك حبيبتي بس الكلاسيكو اليوم وطالبين هريسه ولاني مجربه اغلب حلوياتك وطلعو معي تمام من اول مره

    ReplyDelete

Post a Comment

Popular Posts