خبز رمضان

رجعنا لدرس المخبوزات وقرب ينتهي شهر 9 واللي بيكون آخر دروس المخبوزات عشان نبدأ بدروس تانية ان شاء الله بس ما في مانع من وقت لآخر انه نعمل نوع خبز جديد لانه ما في اشي بيضاهي ريحة الخبز بالبيت...(قززتكم اد ما قلت هالجملة!!!!)
خلينا نبدا باحلى خبز رمضان.على الاقل احنا هيك بنسميه..وهو خبز اصله تركي وهي الطريقة اللي بتعمل رغيف واحد



خبز رمضان
المقادير:
3-4 كوب طحين
ملعقة صغيرة خميرة
كوب حليب دافئ
1/4 كوب ماء دافئ
3 ملعقة طعام زيت زيتون
2 ملعقة صغيرة ملح
1/2 ملعقة كبيرة سكر
سمسم وحبة البركة للوجة
صفار بيضة مع 2 ملعقة طعام حليب او حليب بس (انا استعملت بس حليب عشان انا والبيض على وجه الخبز مش اصدقاء)

الطريقة:
تخلط الخميرة والسكر والماء والحليب وملعقة طعام زيت والملح في العجانة
يضاف الطحين 3 اكواب ونضيق المزيد بالتدريج اذا استلزم الامر للحصول على عجينة متماسكة ويدهن وعاء نظيف بملعقة زيت اخرى وتترك لتخمر ساعة


ندهن صينية دائرية بقطر 30 سم تقريبا بملعقة الزيت النتبقية ونفرد العجينة المختمرة باليد لعمل وجه متعرج وباستخدام السكين نعمل خطوط طولية وعرضية وندهن الرغيف بالحليب ونرش السمسم وحبة البركة ويغطى ليخمر ساعة اخرى

يحمى الفرن على 200 مئوي ويخبز ويشوى وجهه قليلا اذا احتاج الامر...والف صحة وهنا




Comments

  1. كتير بيشبه الخبز الشيشاني اللي ماما بتخبزو
    يسلم هالايدين

    ReplyDelete
  2. لا مش معقول!!!!! واخيرا كومنتاتي عم تطلع :)

    ReplyDelete
  3. صح!!!! شكرا سمية وايديكي...شكله لازم التعليق يكون على صفحة الوصفة خصوصي...

    ReplyDelete
    Replies
    1. فعلا زي الخبز الشيشاني
      تسلم ايدك ست منال
      وسمية شو هالمفاجأه اني اشوفك هون سبحان الله..هاد ازا انتي سمية جباي

      Delete
  4. اهلا وسهلا بالمدونة مع انه ما عرفت الاسم لانك مش مشتركة...وصح هي نفسها سمية جباي :)

    ReplyDelete
  5. يمييي شو طيب جربت هاي الطريقة وعملت الخبز برمضان مرة واحدة بس عن جد رائع وشهي

    ReplyDelete
  6. يسلمواا ايدكي
    بضل شغل البيت انظف واطيب ومخبووز بكل حب وحنان

    ReplyDelete
  7. This comment has been removed by a blog administrator.

    ReplyDelete
  8. شكراً لكم عهالوصفة الشهية

    ReplyDelete

Post a Comment

Popular Posts