خبز النيوتيلا المبروم...فطور يوم الجمعة

شعور حلو اليوم لما صحيت وكانت الساعة 9 بالتوقيت الصيفي...يعني 8 بالتوقيت الحالي...لاول مرة بحس اني كسبت ساعة بفرق التوقيت...زمان وانا اصغر ما كنت احس الفرق بس لما جربت شو يعني توقيت صيفي بالشتاء وانه تكون الدنيا نص ليل الساعة 7 الصبح!!! لأ يا عمي والله فرق التوقيت مهم ومهم كتييير...

وبسبب شعوري باني كسبت ساعة...تحمست وعجنت عجينة العشر دقائق الوصفة  وقررت اعمل منقوشة لبنة


ومنقوشة زعتر بالجبنة


بس نجم السفرة (على الاقل عند سلطان كان خبز النيوتيلا والطريقة سهلة...بس تخمر العجينة بدك تقسميها لقطع كبيرة لتنفرد دوائر بصينية قطرها 30 سم تقريبا وبدهم ما يكونوا كبار لانه بدنا نحط 4 طبقات عجين فوق بعض فما بدنا العجينة تكون سميكة لما نفردها
هلأ بتبطني الصينية بورق خبز وبيدهني الورقة شوية صغيرة زيت وبتفردي اول دائرة وبتحطيها بالصينية وبتفردي عليها نيوتيلا حوالي 2 - 3 معلقة كبار ..انا استهلكت حوالي 350 غم نيوتيلا لكل الموضوع (يعني علبة وسط تقريبا) وبتعيدي الكرة مع الرغيف الثاني وتأكدي ما ييجي نيوتيلا على الاطراف وتكرر العملية بالرغيف الثالث وهي الصور للتوضيح



بعدين اخر رغيف


بعدين وبسكين حادة بتعملي خطوط كأنك بتقسمي العجينة بس بدون الوصول للوسط ..اول اشي ارباع


بعدين كل ربع من النص وكل واحد من النص مثل الصور...بعدين بتاخدي كل نصيت وتبرميهم عكس بعض وبتلزقيهم من الآخر..مثل الصورة


وبصير شكلها هيك..


بتغطيها 10 دقائق ترتاح وبعدين بتخبزيها


والف صحة وهنا وجمعة مباركة باذن الله



Comments

  1. يميييييييي يسلمو ايديكي ضروري ضروري اجرب خبز النوتيلا مش معقول شو شكلها بيشهي

    ReplyDelete
  2. يسلموااا ايدكي
    كتيير شكلها بشهي ودسمة
    يا سلاااام

    ReplyDelete

Post a Comment

Popular Posts