متبل الكوسا باللبن

اليوم كان ...شو ممكن الكلمة الي توصفه!!!  مش لطيف (عشان اضل مؤدبة!!!) يعني الازمة بالشارع قاااااااتلة!!! مشوار بياخدني 1/4 ساعة بالكتير...اخد اليوم ومن غير مبالغة 3 ساعات...هارون انجن بالسيارة وانا مع عياطه كنت بدي اطلع راسي من الشباك وابدى اصرخ بصوت عالي "مششششششششششششااااااااااان الله بدي اروح بس"!!!!  ما علينا...وترتني السواقة الى ابعد الحدود اليوم وكنت على وشك اعاقب الكل وما اطبخ بس كبرت عقلي وعملت مطفية الكوسا باللبن بركي اطفي الغضب الشديد اللي كنت شاعره فيه...بس فعليا اللي هداني وبرد على قلبي هو طبق المتبل باللبن واللي بتمنى تجربوه لانه زاكي كتير...وممتاز بالصيف مع المشاوي بس عملته اليوم عشان استفيد من كم حبة كوسا زادو...

متبل الكوسا باللبن
المقادير:
3 حبات كوسا وسط مبشورين ومقلبين بملعقة صغيرة زيت زيتون للتخلص من ماؤهم
2/3 كوب لبن
1/2 1 ملعقة طعام زيت زيتون
2 حبة ثوم مهروس
1/4 كوب جوز مطحون خشن
2 ملعقة طعام شبت طازج مفروم
ملعقة طعام نعنع طازج مفروم
ملح
فلفل اسود

الطريقة:
بعد التخلص من الماء من تقليب الكوسا وتبريدها لحرارة الغرفة
نخلط كل المقادير السابقة ونضعها في صحن التقديم وتزين بحلات الجوز والبندورة الكرزية وعود نعنع طازج
وصحتين...



وبعد الظهر استمتعت بفنجان نسكافية مع بسكوتي الزنجبيل




Comments

  1. متبل الكوسا انا ما جربت اعمله بس دقته عند صاحبة الي وكتييير حبيته ولقيتو بارد على المعدة وزاكي كتيير

    ReplyDelete
  2. صحتين وهنا على النسكافيه

    ReplyDelete
  3. انا بحب مرات متبل الكوسا اكتر من المحاشي نفسها خفيفة عالمعدة ومشهيه

    ReplyDelete
  4. مااطيب المتبل وفعلا الازمة الي بشوارع عمان خانقة والله ، الله بعين

    ReplyDelete

Post a Comment

Popular Posts