استروغونوف اللحم المفروم

الخطة اليوم كانت انه اعمل كباب هندي ...بس مش عارفة اذا اليكسا اثرت على نظري ولا لأ لاني فكرت عندي كمية كافية من اللحم المفروم بس طلعت الكمية مش كبيرة لتكفي...خطر على بالي البس بسرعة واروح على اللحام واجيب لحمة بس بعدين وانا بطلع على الشارع والازمة قررت انه لأ...خلص..غيري الخطة..يعني هي اول مرة!!! ضل عندي صحن برياني صغير وصحن مطفية كوسا باللبن..

فكان القرار اني اعمل استروغونوف باللحمة المفرومة...يعني اذا جاي على بالكم اكلة مشبعة وغير مكلفة كتير (بدل الستيك) اعملوها وبضمنلكم انه الاولاد رح يطالبوا فيها وباستمرار...



استروغونوف اللحم المفروم
المقادير:
1/4 كيلو لحمة مفرومة ناعم
2 ملعقة طعام زبدة
بصلة صغيرة مفرومة ناعم
2 حبة ثوم مدقوق
1/2 علبة فطر طازج مقطع شؤائح (وارجوكم ما تستعملوا المعلب...ما الو دخل بالفطر والطازج اغلى شوي بس الطعم كتيييير غير)
1/2 علبة علبة جبنة كريمية وزن 227 غم مقطعة مكعبات
2 مكعب مرق بيف
2 كوب ماء
3/4 كوب حليب
 2 ملعقة طعام ممتلئة طحين
1/2 كوب كريما سائلة
ملح، فلفل اسود

الطريقة:
تقلب اللحمة على نار عالية وانصح بطنجرة ستانلس ستيل (عشان لما تترك اشياء بالقاع من اللحمة تضيف للنكهة)
عندما يصبح لون اللحمة غير احمرنضيف الزبدة والبصل ونقلب جيدا لدقيقتين
نضيف الثوم ونقلب
نضيف الفطر ونرش الملح والفلفل الاسود ونقلب ليذبل الفطر قليلا
نضيف مكعبات الجبنة ونقلب على حرارة متوسطة لتذوب
في وعاء نخلط بالخفاقة اليدوية الطحين والحليب ومرق اللحم (المكعبات مذابة بالماء)
نضيف الخليط ونحرك لمنع اي تكتلات
ونتركها اتتسبك قليلا على نار متوسطة
نضيف الكريما ونتأكد من الملح والفلفل الاسود
تقدم مع المعكرونة او الارز
صحتين

قدمت معها سلطة وجواكولي بالرمان



Comments

  1. This comment has been removed by the author.

    ReplyDelete
  2. This comment has been removed by the author.

    ReplyDelete
  3. شكرا يا ريما على المتابعة...انا بستعمل جبنة American Heritage سعرها ممتاز وما بتتفرق عن الفيلادلفيا زمتزفرة بكل السوبرماركتات...اما بالنسبة للطريقة فاكيد كل الطرق ممكنة وزاكية وحسب حب الطعم عند كل مجموعة...يعني انا ما بستعمل لا صويا صوص ولا ماسترد ولا بندورة وفي طرق (الاصلية) فيها مخلل وشوية من ميته تضاف للصوص لانها بتعطي حداقة بتكسر تقل الكريما فنصيحتي جربي الاشي اللي ممكن عيلتك تحبه ورح احط طريقة قريب...مع حبي :)

    ReplyDelete
  4. This comment has been removed by the author.

    ReplyDelete
  5. شكرا للكلام اللطيف وكتيير بحب اقرأ التعليقات...وبالمناسبة في منها شدر ومونتراي جاك وكولبي جاك (اجبان ممتازة بالاكل المكسيكي ) وموزريلا وكمان ال string cheese اللي الاولاد بياكلوها كسناك او تستعمل في ال stuffed crust pizza،

    ReplyDelete
  6. This comment has been removed by the author.

    ReplyDelete
  7. الوصفة جدا سهلة منال يسلمو ايديكي

    ReplyDelete

Post a Comment

Popular Posts