كعكة التفاح بصوص البيكان والكراميل

يمكن اغلبكم رح يكرهني اذا بقلكم ماااااااااااااااااااااااا بديييييييييييييييي ثلج!!!! اوكي...هلأ ارتحت بما اني صرختها صراخ....ما بحبه كتير بعد سنوات الثلج بكندا...كان طاير عقلي اول ما كنت هناك بس بعدين يا رب وين الشمس؟ وين الدفا؟...ما علينا ...طبعا ولادي ممكن يغتالوني لانهم كتير بحبوا الثلج ويلعبوا فيه وانا ما بنزل العب ابدا ابدا ومصرة على موقفي!! هههههه

عجبني تعليق من قريبة الي على الفيس بوك انه الثلجة = 2 كيلو زيادة....والله صح...بتذكر السنة الماضية قضيتها بالمطبخ اعمل ساندويشات وسحلب وكيك والذي منه.....

ولاني بدي اياكم تتسلوا اذا ثاجت وتعملوا هالكيكة السهلة والسريعة واللذيذة كمان...كعكة التفاح بصوص البيكان والكراميل...



كعكة التفاح بصوص البيكان والكراميل
المقادير:
1/2 1 كوب زيت
2 كوب سكر
2 ملعقة صغيرة فانيلا
ملعقة صغيرة قرفة
رشة جوزة الطيب
3 بيضات
3 كوب طحين
1/2 ملعقة صغيرة ملح
ملعقة صغيرة بيكنغ صودا (كربونات)
3 تفاحات وسط مقشرين ومبروشين

الطريقة:
يخلط الطحين والبهارات والملح والكربونات
تخفق كل المكونات الاخرى ما عدا التفاح جيدا
يضاف الطحين ويخفق لدقيقة ونصف لتختلط
يضاف التفاح ويقلب بملعقة مطاطية
توضع بقالب مخزوق من النصف (مهم) لانها كيكة كبيرة وبدها وقت لتستوي
على حرارة 175 من 40-50 دقيقة لتجتاز اختبار الكيك
تقلب على سلك معدني وتبرد وتزين بالصوص وهي دافئة لتشرب بعضا منه

للصوص:
اصبع زبدة
1/2 كوب حليب مركز غير محلى
كوب سكر بني
ملعقة صغيرة فانيلا
كوب بيكان او جوز محمص مفروم

الطريقة:
تخلط كل المكونات عدا البيكان معا في طنجرة لتغلي من 4-5 دقائق وتسمك ثم يضاف البيكان وتغلى دقيقتين
تسكب على وجة الكيكة الدافئة


وهي الصحن ...مسح...هههه


Comments

  1. هههههههه وانا متلك بكره التلج بس هلا صرنا نستفيد من التلج انو نعطل ونرتاح مو لشي تاني ،يسلمو ايديكي

    ReplyDelete
  2. يسلموا ايديكي
    منظرها بصراحة لا يقااااااااااااوم

    ReplyDelete

Post a Comment

Popular Posts