الحب والربيع في كل مكان...

بعرف انه كتير من الناس بيحتفلوا بيوم 2/14 وفي كمان كتير ناس ما بتهتم فيه ابدا وبتعتبره حرام او سخافة...الخ...بالنسبة الي السنة سألت حالي ليش في نوع منا بحتفل بهاليوم بالورد والشوكولاتة والهدايا ونوع بيكرهه تماما وما بيفكر فيه مرتين؟ وليش الاحتفال بالحب مقصور على هاليوم بالسنة. وليش الحب اللي فورا بيخطر على بالنا هو حب الرجل والمرأة بس او خلينا نقول حب العاشقين (مش متزوجين)؟...
بالنسبة الي احتفالية الحب هي اشي مستمر ومتجدد ...بين الزوج والزوجة ، بين الام واولادها، الاب واولاده، الاولاد واهلهم، الاصدقاء مع بعض، حتى احيانا تسامحنا مع اللي بيسيئوا النا هو نوع من انواع الحب...وكمان ما ننسى (والكلام لنفسي قبلكم ) حبنا لحالنا وخاصة الناس اللي بينسوا حالهم مشان سعادة ناس غيرهم بحياتهم...واهم نوع اكيد هو حبنا لرب العالمين واللي منو بينبع كل الحب التاني اللي حكيت عنو...لانه اذا احنا اخلصنا في حبنا لله اكيد قلبنا رح يوسع كل هالمحبة اللي حكيت عنها...

Celebrating love does not have to be only one day a year...celebrate your love to all of your loved ones including your friends and family all year long..Food is just a great way to do that...enjoy the easy recipe and try them in your next cooking venture. English version of all recipes in this post are below once your scrawl down. Enjoy and Happy Cooking!!!

عشان هيك بوست اليوم مليان بالمحبة مني الكم وعلى طول مش بس ب 2/14....وقررت اني ابدأ كتابته واطلعه قبل 2/14...في هالبوست عدة وصفات وفكرة طلعت معي لصورة عائلية ....

خلفية لاطار صور عائلية
انا مش من عشاق الصور العائلية كتير بس بحب اني اذا بدي احط صورة باطار انها تكون مميزة...كنت عم بقرأ بمجلة قبل كم يوم وكان في دعاية لساعة سواتش وكانت على صفحتين سماك..واحدة منهم كانت فكرة بالنسبة الي لخلفية لاطار صورة عائلية ..الاطار قديم عندي وقررت احط الخلفية ورح احط صور للاولاد في بعض المساحات الفاضية حول الكلام...لسة ما اخترت الصور بس رح اشارككم النتيجة النهائية قريب ان شاء الله.



ولانه عمل اكل زاكي جزء من طريقتنا لاظهار الحب للي حولينا...هي بعض الوصفات اللي بتحتفل بخيرات الربيع...

سموذي التوتيات
المقادير:
1/2 1 كوب توتيات مفرزة (ممكن شراؤها جاهزة او استعملي فرش بس فرزيها عشان يكون خليط جامد)
1/2 كوب لبن بنكهة الفانيلا
1/4 كوب حليب
موزة متوسطة
ملعقة صغيرة فانيلا
ملعقة طعام عسل

الطريقة:
توضع كل المقادير بالخلاط وشغلي...فطور شهي او سناك لذيذ خاصة بالصيف


خبز الفوكاشيا الايطالي




من اروع واسهل انواع الخبز اللي ممكن تتخيلوها خاصة بالطريقة اللي رح اشارككم فيها اليوم...بالزبط خلط 5 دقائق ...والاروع انها ممكن تنحط عجينة بالثلاجة لخمس ايام وتستعملي منها شوي قد ما بدك كل يوم بس المهم انها تتقطع او تنفرد وتخمر مرة تانية بعد ما تطلع من الثلاجة لحرارة الغرفة


خبز الفوكاشيا الايطالي السريع
المقادير:
3/4 2 كوب ماء دافئ
1/2 1 ملعقة طعام خميرة
1 ملعقة طعام ملح
2 ملعقة طعام سكر
1/4 كوب زيت زيتون
1/2 6 كوب طحين + المزيد للفرد
1/2 كوب زعتر طازج او روزماري
للوجة
زيت زيتون وملح بحري او ملح خشن للوجة

الطريقة:
تخلط كل المواد (الماء والخميرة والسكر والملح والزيت بملعقة خشب بتبروير كبير له غطاء
يضاف الطحين وتحرك بملعقة خشب وسوف تكون طرية ودبقة (معلش)
غطي التبروير واتركيها تخمر 1/2 2 ساعة
رشي يديك بالطحين وخذي قسم من العجينة وافرديها على سطح مرشوش بسماكة 2 سم وقطعيها لاقطاعة (انا اخترت القلب) وممكن اي قطاعة والطريقة التقليدية هي انها تنفرد بصينية مستطيلة مدهونة بالزيت (زيت زيتون) باليد وتبين بصمات اصابع اليد بالفرد. تترك مغطاة لتخمر 1/2 ساعة
تدهن بزيت الزيتون والملح الخشن والقليل من الزعتر المفروم وتخبز على 190 حتى تنضج وتحمر
تقدم مع زيت الزيتون وخل البلسامك
واذا فردتيها خبز مستطيل يسمك جيد ممكن استعمالها للساندويشات...


الكاسترد السهل المخبوز
اسرع حلو بالعالم... زاكي وسهل واغراضه في كل بيت تقريبا...مين فينا ما عنده حليب وبيض وسكر...؟ قدميه لضيوفك بعد اي غدا او عشاء بشكل حلو ومزين...رح يفكروكي هلكتي لتعمليه :)

الكاسترد السهل المخبوز
المقادير:
1/4 2 كوب حليب
3 بيض
6 ملاعق طعام سكر
3 ملعقة صغيرة فانيلا

الطريقة:
يسخن الحليب ليشارف على الغليان (فقاقيع جانبية)
يخفق البيض والسكر والفانيلا
ننزل الحليب الساخن على الخليط بالتدريج مع التحريك بسرعة لكي لا يطبخ البيض
نصفي المزيج بمصفاة ناعمة لضمان عدم وجود شوائب
نضع المزيج في قوالب تصلح للفرن
نضعها في صينية ونملئها بالماء المغلي 
تخبز الصحون في الحمام الساخن على حرارة 165 من 30-40 دقيقة (ندخل عود اسنا في الوسط فاذا خرج نظيف يكون فد نضج)
ترفع القوالب من الحمام الساخن وتبرد على سلك معدني بحرارة الغرفة
تبرد في الثلاجة من 3-4 ساعات
تقدم مع الفراولة او اي نوع فواكة
صحتين :)


English Version of the recipes
Berry Smoothie
Ingredients:
1 1/2 cups frozen mixed berries
1/4 cup vanilla yogurt (low or no fat)
1 med size banana
1/4 cup cold milk
1 Tbsp honey

Method:
Mix all in the blender
Serve and enjoy as a very healthy and delicious breakfast on a cold or hot day...

Easy one bowl foccacia bread
Ingredients:
2 3/4 cups warm water
1/4 cup extra virgin olive oil
1 1/2 Tbsp yeast
2 Tbsp sugar
1 Tbsp salt
6 1/2 cup flour + more for rolling
1/2 cup fresh thyme (za'atar)
For brushing: 
OIive oil
sea salt 
minced za'atar

Method:
Mix all bread ingredients in one big Tupperware with a lid. Let it rise for 2 hours.
Sprinkle top with flour. Take part of the risen dough and roll. Use any cutter of your choice and place on a baking pan lined with parchment paper. You can spread by hand in a rectangular pan brushed with olive oil and make finger indentations for a rustic look. 
Cover and let it rise for another 1/2 hour.
Brush with oil and sprinkle with salt and minced za'atar.
Bake in a preheated oven at 190 c or 400 F until nice and golden brown.
Enjoy with extra virgin olive oil, freshly cracked pepper and balsamic vinegar.
If you roll to a good thickness, you can get a great piece of bread for sandwiches.
Enjoy!!

Easy baked custard
Ingredients:
2 1/4 cup milk
3 eggs
3 tsp vanilla
6 Tbsp sugar

Method:
Heat milk to almost a boil (simmer stage).
Whisk eggs, sugar and vanilla
Add hot milk gradually while whisking in order to ensure not cooking the eggs or getting scrabmled eggs.
Run the mixture through a fine sieve
Divide mixture between ramekins
Bake in a water bath for 30-40 minutes at 165 c.
Check if its done by inserting a toothpick in the middle, if it comes out clean, your custard is done.
Remove out of water bath and let it cool to room temp on a wire rack.
Refrigerate for 3-4 hours before serving with strawberries.
Enjoy!!!


Comments

  1. شكرا الك على هذه المقاله الحلوة والوصفات اكثر من رائعه وخاصه الخبز وان شاء الله راح اجربها في اقرب وقت

    ReplyDelete
    Replies
    1. نورت الصفحة سوزان وشكرا الك للمتابعة والف صحة وهنا :)

      Delete
  2. يسلمو ايدكي منال رائعة كالعادة ، بس هلا السموثي لازم استخدم لبن بنكهة ؟ ولا عادي ازا استخدمت لبن عادي

    ReplyDelete
  3. يسلموا ايدكي حبييت فكرة الخبز على شكل قلب حب :)
    والحب موجود دائما وما الو يوم محدد ابدا

    ReplyDelete

Post a Comment

Popular Posts