سلطة معكرونة الاورزو بالفتة والحمص والشبت

امبارح بالليل شيكت للمرة الالف ايميلي عشان اشوف اذا موقع Foodgawker نشرلي صوري ولا لأ. موقع رائع ومصدر رهيب للصور والاكل اللذيذ...وسعيدة جدا انه واخيرا قبلوا صورتين  لكعكة لفافة القرفة ولمفن البلوبري...ولسة ان شاء الله محاولات اخرى على الطريق...شكرا لكل التعليقات الحلوة منكم...لسة بدي شغل كتير لتصوير الاكل بشكل حلو بس هاد الشي عم ينمو الى حب كبير حاليا :)

اتأخرت عليكم بقائمة او منيو الاكل ببيتي هاد الاسبوع..قائمة الطعام 7 وسعيدة انه اليوم 10 الشهر وما زلت ملتزمة بخطة الاكل والصرف والطبخ مما في بيتي...شهر 3 ان شاء الله رح يكون بريك وبرجع بعيد المحاولة بشهر 4 باذن الله...

وزي ما قلتلكم اني شايفة كتير معكرونات هاد الشهر على المنيو فاليوم رح اعمل معكرونة بالبشاميل وسلطة اورزو (معكرونة راس عصفور) بالحمص والشبت والفتة...منعشة وممتازة بالربيع وبالرحلات...


سلطة معكرونة الاورزو بالفتة والحمص والشبت
المقادير:
باكيت معكرونة اورزو مسلوق
كوب جبنة فتة نوع جيد مفتتة
2 بصلة خضراء متوسطة مفرومة وسط
1/2 كوب شبت مفروم
علبة حمص او كوب حمص مسلوق
للصوص:
عصير 2 ليمونة
سن ثوم وسط مهروس
1/3 كوب زيت زيتون
ملح وفلفل اسود

الطريقة:
تخلط مقادير الصوص بمرتبان
تخلط بقية المكونات وتسكب عليها الصوص
تترك لمدة 1/2 ساعة لتتشرب الصوص ويتمازج الطعم
تقدم والف صحة وهنا...

English Version of the recipe
Orzo pasta salad with Feta and dill
Ingredients:
1 pkg orzo pasta cooked according to package directions
1 cup feta cheese, crumbled
2 medium sized green onions chopped
1 can chick peas drained or one cup cooked chick peas
1/2 cup chopped fresh dill
Dressing:
2 med sized lemons, juiced
1 clove of garlic, minced
1/3 cup of olive oil
salt
black pepper

Method:
Mix all dressing ingredients in a jar and shake well
Mix salad ingredients and add the dressing. Let it sit for 1/2 an hour to let the flavors blend before serving. A great summer dish at any picnic...Enjoy!!!




Comments

  1. يسلمو ايديكي الاكلة مبينة كتير بتشهي

    ReplyDelete
  2. سبحان الله
    عندي هدا النوع من المعكرونة وبفكروا بس للشوربة
    بس كتيير عجبتني فكرة انو استعمله للسلطات
    يسلمواا ايديكي يا رب

    ReplyDelete

Post a Comment

Popular Posts