Walnut pesto and pesto twisted breadبستو الجوز والخبز اللولبي بالبستو

10 ايام على نهاية شهر 2 والتحدي لسة ماشي ولساتني مصمدة على الميزانية اللي حطيتها لحالي للصرف هاد الشهر والاستفادة من الموجود بالتموين عندي عشان اطبخ...شهر 3 ان شاء الله رح ابحبحها على حالي شوي بس برضه حسب العروض ورح احاول اني التزم قدر الامكان بميزانية لانه شهر 3 شهر مليان بالمناسبات عندي بالبيت..عيد ميلاد ياسمين ب 3/13 وسلطان ب 3/29 وعيد الام طبعا ب 3/21 مما يعني انه في مصاريف زيادة شوي لهاي المناسبات...النية ان شاء الله اني اقضي مع كل واحد طلعة بمناسبة عيد ميلاده خاصة اله لحاله على فنجان قهوة..طبعا غير الهدية والكيك... فلازم اخطط منيح لميزانية شهر 3 عشان ما اكسر البنك... :)

امبارح كان الغدا صينية الاسباجيتي بالفرن واللي وصفتها موجودة على المدونة ومعها رغيف خبز بالبستو...منظرها حلو كتييير وطعمها زاكي كمان...بس بالاول لازم يكون عندك بستو...والبستو واللي اغلبكم بيعرفوه وبيعملوه عادو واصولا بينعمل من الريحان والصنوبر والجبنة البارمزان والثوم وزيت الزيتون...بس..واجينا للبس...اذا ما عندك ريحان واذا ما عندك صنوبر ممكن تستبدلي الريحان بالبقدونس (بس ما رح يطلع الطعم نفسه اكيد...الريحان طعمه غيييير) وفي انواع بتنعمل لاغراض اخرى بالكزبرة..المهم وكمان بتقدري تستبدلي الصنوبر باللوز او بالجوز زي ما انا عملت امبارح...

بستو بالجوز
المقادير:
2 كوب ريحان (انا خلطت ريحان وبقدونس)
حبة ثوم
3 ملاعق طعام بارمزان
2 ملعقة طعام جوز محمص خفيف
كمية من زيت الزيتون ( حوالي 1/3 كوب)
ملعقة طعام عصير ليمون

الطريقة:
توضع كل المقادير ما عدا زيت الزيتون بالخلاط وينزل الزين من الفوهة اثناء دورات الخلاط لتحصلي على مزيج مثل المعجون الخفيف.


وهاي الخلطة ممكن انكم تعملوا منها كمية وتحطوها بالفريزر ...ممكن بقوالب الثلج وبس بدكم كمية معينة بتطلعوا اديش مكعب بدكم.

اما الخبز اللزيز اللي بحكيلكم عنه

الخبز اللولبي بالبستو 
الكمية: رغيف
المقادير:
2 ملعقة صغيرة خميرة
كوب ماء دافئ
ملعقة صغيرة سكر
1/2 2 كوب طحين
ملعقة صغيرة ملح
1 ملعقة كبيرة زيت زيتون
1/2 كوب بستو صوص

الطريقة:
تخلط الخميرة والسكر والماء
يضاف الطحين والملح وزيت الزيتون وتعجن على العجانة بين 5-7 دقائق.
تترك لتخمر ساعة ليتضاعف حجمها
تفرد مستطيل على سطح مرشوش
تدهن بالبستو وتلف رول (مثل رولات القرفة)
بسكين حادة تقطع بالطول وتقلب الاوجة المفتوحة (اللي مبين منها البستو) للخارج مثل الصورة
ثم نبرم الحبلين على بعض مثل الصورة
ويترك ليختمر 1/2 ساعة
ترش بملعقة الطعام البارمزان وتخبز على 190 ليتحمر وينضج



وهاي النتيجة



English Version

So glad that my intentions to save money are working out this month. I have stuck to my budget so far though I am not sure if I will do as well next month considering two birthdays (My daughter's and my son's) in addition to Mother's day of course. 
Yesterday I made a classic in our house, Spaghetti Casserole and a lovely piece of Twisted Pesto Bread to go on the side. The bread is so easy to make and so is the pesto. Originally, Pesto sauce has basil, E.V.O.O, pine nuts, Parmesan cheese and garlic but if you don't have fresh basil or pine nuts, have no fear as you can pull off a nice pesto (won't taste the same but still good) using parsley/ almonds or walnuts. I used walnuts and a mix of parsley and basil.

Here is the recipe:
Walnut Pesto
Ingredients:
2 cups of mixed basil and parsley
3 table spoons Parmesan cheese
3 Tbsp walnuts, lightly toasted
1 clove of garlic
1 Tbsp lemon juice
1/3 cup or a bit more of extra virgin olive oil 

Method:
Mix all ingredients in your blender except the oil, drizzle over the ingredients while your blender is running to get a paste like pesto. Make a big batch and freeze in ice cube trays. Take as much as you need out.



Pesto twisted bread
Ingredients:
2 tsp yeast
1 cup warm water
1 tsp sugar
2 1/2 cups flour, more for dusting
1 tsp salt
1 Tbsp olive oil
1 Tbsp freshly grated Parmesan cheese
1/2 cup of pesto

Method:
Mix yeast, sugar and water together. Add flour, salt and olive oil. Knead for 5 minutes in the stand up mixture. Let it rest while covered for one hour until double in size. Roll dough to a rectangular on a floured surface. Spread pesto and roll from the long side and close well. Cut the loaf in half length wise and twist the two ropes together like the photo. Transfer to baking sheet and let it rest of half an hour covered. Sprinkle with Parmesan cheese then bake at 190 until golden brown.  
Enjoy!!!


Comments

  1. يعني مافي كلام ممكن يوصفك ماشاءالله عليكي الله يحميكي ويديم عليكي الصحة والسعادة وراحة البال ويخليلك اولادك ويفرحك فيهم

    ReplyDelete
    Replies
    1. شكرا يا احلى يارا :) وبوسات للبوبو

      Delete
  2. كل وصفة احلى من التانية يسلمو ايديكي منال ، بنقدر نستخدم شي تاني غير الجوز منال انو لوز او صنوبر؟

    ReplyDelete
  3. يسلموا ايديكي
    وصفات حلوة ورائعة

    ReplyDelete

Post a Comment

Popular Posts