سلطة البرتقال والجرجير والشومر وفيلادلفيا ستيك ساندويش

الي فترة مش حاطة بوست على المدونة بس لاني رجعت للحضانة!!! قصدي هارون صار بالحضانة والي بداوم معاه 4 ايام من الصبح للظهر عشان يتعود...شكلها الامور راح تاخد شوية وقت بس اليوم كان كويس..تركتة ساعة ونص والامور كانت ممتازة لما رجعت والحمد لله...

والحكي مش معناته انه ما في اكل او شلفقة...في طبخ واشياء بس الوقت ما سمح للبوستات والبربرة الاكترونية...

اليوم على الغدا عملت سلطة سريعة ولذيذة وسهلة كتير ومن خيرات هالوقت...
سلطة البرتقال والجرجير والشومر...
المقادير:
راس شومر كبير مغسول ومقسوم من النصف ومقطع شرائح رفيعة
ضمة جرجير
2 برتقالة..انا استعملت دم الزغلول والعادي مقطع حلقات
للصوص:
عصير ليمونة
1/2 ملعقة صغيرة ملح
رشة فلفل اسود
1/3 كوب زيت زيتون

الطريقة:
يوضع الجرجير في الصحن
ترتب قطع البرتقال وحلقات الشومر
تخلط مكونات الصوص وتوزع على الكل..


اما على صعيد الاكل فكان ساندويشات الفيلادلفيا ستيك...سهلين كتيير

فيلادلفيا ستيك ساندويش
المقادير:
لحمة فيلية مقطعة رفيع بالطول ومنقوعة ب: صوص الستيك من قبل بليلة..اذا ما في صوص ستيك استعملي ورستشير صوص وفلفل اسود وشوية خل عنب ورشة بودرة بصل وشوية زيت زيتون
حبة فليفلة حمراء وخضراء وصفراء مقطعة بالطول
بصلة كبيرة مقطعة شرائح
زيت
ملح، فلفل اسود
جبنة ايدام للساندويشات
خبز


الطريقة:

يوضع الزيت على النار وتقلب اللحمة لتنضج
يضاف البصل وتقلب ليذبل قليلا
تضاف الفليفلة ولا تقلب فترة طويلة
ترش بالملح والفلفل الاسود
يزال القليل من لب الخبز وتحشى باللحم
توضع الجبنة وتترك لتسيح او ممكن لفها بورق المنيوم ووضعهل في فرن حار 5 دقائق لتذوب الجبنة
وتقدم مع البطاطا المقلية...


Comments

  1. جربت سلطة البرتقال وكتير طيبة خرافية صراحة قبل فترة شفتها وعملتها يسلمو ايديكي

    ReplyDelete
  2. ما شاء الله عليكي
    ابداع بكل شي
    حتى بتقديم الوصفات
    صور راائعة

    ReplyDelete
  3. تم
    سلطة البرتقال و الجرجير و الشومر
    بدرية دياب

    ReplyDelete

Post a Comment

Popular Posts