خبز بالدجاج والجبنة Chicken and Cheese bread

Note: English version of this post is below


اخيرا وصلت البنت الجديدة اللي رح تساعدني بالبيت...اوكي...بعترف اني ما كنت بعقلي لما قلت اني ممكن امشي اموري بدونها...وقصدي اموري انا.. يعني ممكن كتير ناس بظروف غير ظروفي تكون امورهم ممتازة بدون مساعدة بس بوضعي انا واحتياجات هارون من وصل وجيب والاولاد والامتحانات والصيف اللي على الابواب ورمضان وماما اللي مرضت قبل فترة ووووو...خلص حسيت حالي مش قادرة...واكبر دلالة انه هي اول بوست من اسبوعين تقريبا...يعني هاد اسوأ ما في الموضوع...ما في وقت حتى للقعدة على الانترنت شوي فما بالكم كتابة بالعربي والانجليزي...

واللي بيتابعوني لاحظوا حالة الكسل الخرافية بس والله اشتقتلكم واشتقت للكتابة والتواصل معكم...

اوكي اعتذار تاني عن الوصفة رقم 5 من وصفات المقبلات...يعني بالتقسيط المبيد مش الممل بس برضه الظروف ما ساعدت مع انه الوصفة جاهزة من فترة بالاضافة الى وصفات تانية...بتمنى اتنشط اكتر انش اء الله بالايام الجاي وهلأ مع وجود مساعدة مع انه بدها تدريب بس احسن من البلاش...

وللتعويض عن عدم وضع وصفات...ان شاء الله رح ابدأ من بكرة وصفات تحضيرية لرمضان...كل سنة وانتوا سالمين...

بس مشان وصفة المقبلات 5...واللي بتصلح طبق جانبي او حتى ممتازة مع صحن سلطة او للسحور....خبز بالدجاج والجبنة



خبز بالدجاج والجبنة
المقادير:
رغيف خبز فرنسي مشقوق بالطول
2 كوب دجاج مسلوق ومقطع او مفسخ..حوالي 2 صدر دجاج
1/2 كوب مايونيز
1/2 كوب لبن
2 بصلة خضراء صغيرة مفروم ناعم
1/2 ملعقة صغيرة بودرة ثوم
ملح
1/3 كوب بقدونس
2 كوب جبنة مونتراي جاك او شدر مبشورة
زيتون اسود شرائح للوجة

الطريقة:
تخلط كافة المقادير معا ما عدا الزيتون
تفرد على الخبز
يوضع الزيتون على الوجة وتخبز في فرن حرارته 175 من 15- 20 دقيقة
ويقدم


It has been a while since my last post...actually it feels like ages and the weird part is the guilt feeling I get whenever I don't post on this blog..it is really weird that I feel a responsibility towards my readers...glad that it feels that way. My helper has traveled back to her home country and I have been waiting to hire the next one...she finally arrived yesterday and we started the training phase which is exhausting as I do have to stay at home a lot (not that I get out much) but I don't have the chance to do what I love to do the most which is to cook as I have to monitor and guide her through the cleaning and daily routine. Well, I hope it will get better soon. 

I know that I promised you 5 appetizers ages ago and I still have one more to post...sorry again for being late due to the lack of time with all the responsibility on my shoulders but hopefully now with the new help, things will get back on track again...

This is a lovely appetizer, side dish, or even a meal ...and now that Ramadan is coming, this can be a great dish for Suhoor...which reminds me that Inshalla I will be dedicating lots of posts in the upcoming days for Ramadan...

Chicken and Cheese bread
Ingredients:
1 loaf french bread cut length wise
2 chicken breast cooked and shredded
2 small green onions, chopped
1/2 cup mayo
1/2 cup yogurt
1/2 tsp garlic powder
salt
1/3 cup chopped parsley
2 cups Monterey Jack or Chedder cheese, shredded
Black olives for garnish

Method:
Mix all ingredients expect for the olives and spread on bread. Top with olives.
Place it in the oven at 175 c for around 15-20 min till cheese melts. Serve hot and enjoy...




Comments

  1. الحمدلله على سلامتك.. والله فقدتك..
    اليوم كان متعب نوعا ما... قبل شوية انتهيت من ضب الشتوي وترتيب الصيفي..
    وحتى اريح شوية قلت أقرأ شوية في مدونتك.. بيعجبني كتير بصراحة اسلوبك... بحس اني عايشه معك في البيت وبتذكريني ببلدي وبأهلي...
    وعدتك بالتعليق على وصفاتك.. كتير عم انقهر بصراحة لما اشوف كم من الجهد تبذلين لكتابة المقدمة والوصفة والصور ولا يوجد اي تعليق! بس سبحان الله لما قررت اتابعك... قررت في نفس اللحظة اعمل ريجيم ههههه .. والأفضل ما اشوف صورك اللي بتشهي.. بس بتلاقيني بلف وبدور وبرجع على مواقع الطبخ ههههه
    طولت عليكي.. بس حبيت اسلم عليكي واقولك هناك من يتابعك بشغف...
    تقبلي محبتي

    ReplyDelete
    Replies
    1. الله يعطيكي العافية وسعيدة دايما بمشاركاتك وبمتابعتك :)

      Delete
  2. وصحيح ممكن سؤال..
    عندي نية لعمل فطور لضيفة الاسبوع القادم ان شاء الله.. صديقة من سوريا حضرت امها لزيارتها.. الله يعينهم ويفرج على اهل سوريا...
    المهم... انا شاطرة في الطبخ.. ماشي حالي يعني، الكل بيقول الي نفس.. وبحب المعجنات كتيييير بس ما بحب اعملهم... بحس انو بيني وبين العجين عداوة و(بتفرفط) روحي من الشغل اللي بياخذ وقت.. يعني اعمل كيك وطبخ ما عندي مشكلة اما عجين......
    نرجع لموضوعنا.. عم احكي كتير حاسه حالي هههههه
    بدي افكار حلوة للفطور ما بدها عجين.. يعني اخلطي كل شي مع بعض وارمي بالفرن هههه مثل خبر الزيتون اللي عملتيه مثلا... بفكر اعمل اشي بالبف بيستري..
    عادة ممكن اعمل فول مع بندورة، وحمص، اومليت مع المشروم والجبنة، غواكومولي، محمرة، ولبنة، وجبنة فيتا مع بندورة وزعتر اخضر، أو ممكن موزاريلا مع بندورة وريحان، وتشكلية اجبان
    اتفرجت على بعض الوصفات عندك، .. بس حابة اسمع شو رأيك بدي افكار جديدة.. اذا عندك وقت طبعا..
    تقبلي محبتي

    ReplyDelete
  3. آمين يا رب...اشي بيزعل الوضع...سوريا بالنسبة الي بلدي الثاني وبدون مبالغة...هلأ بالنسبة للفطور ما شاء الله اللي زكرتيه كله روعة ومش ضروري معجنات...انا حطيت كتير وصفات لمقبلات على خبز فرنسي (يعني ممكن بدل المعجنات) وكمان فيه التارتات الصغيرة بالركوتا والبندورة بعجينة البف باستري الجاهزة وفيه كتير مقبلات تانية على المدونة بتلاقيها عند الوصفات من الفول المصري للفتة بالزعتر والليمون وغيرها...بتمنى الكم فطور رائع :)

    ReplyDelete
  4. انا اليوم تعرفت عليك من خلال قناة رؤيا و جدا مدونتك رائعة

    ReplyDelete
  5. بحب هاي الوصفات الي بتكون على خبز
    بصراحة سهلة وطيبة وتغييير واخف غلبة من العجين
    شكرا الك

    ReplyDelete
  6. كتير الوصفة سهلة والله وحلوة ع فطور صباحي ان شاءالله بجربها الجمعة القادمة يسلمو ايدك

    ReplyDelete

Post a Comment

Popular Posts