Sleepless nights and a sewing box صندوق لادوات الخياطة

Note: The English Version of this post is below 

الحمد لله بس بداية اسبوع صعبة جدا من مرض ورشح والتهاب لوز ومراجعة اكتر من دكتور وطوارئ....وطبعا بيرافقها المقطع الوحيد من اغنية نجوى كرم "ما في نوم بعد اليوم" هلكت من قلة النوم واللي متابع تعليقاتي على الفيسبوك رح يضحك لانه كنت اعلق الساعة 2 و3 و4 الصبح...طبعا الشخص الاكتر مرضا هو هارون (الله يشفيه ويشفي كل مريض) وهلكتنا السخونة....وهلأ بدا دوري وبالكاد عارفة اتنفس...والمشكلة انه صديقي تايلنول نايت بينعس وما بقدر اني آخد منه لاني لازم اضل مصحصحة مشان هارون...الله يعين ويا رب تخليللنا اهالينا وتعطيهم الصحة والعافية لانه ما بيعرف الواحد قيمة اهله الا بهالمواقف...وانا محتاسة بواحد وكيف امي ربت 3 ورا بعض وكانت تشتغل وبالغربة ما بعرف؟ 

طبعا هاد كان سبب رئيسي للكسل اللي حاصل على المدونة وفي الطبخ كمان بس كان عندي وقت من قلة النوم باتي اشتغل على صندوق قديم واخليه صندوق لعدة الخياطة...ما هو الفاضي بيعمل قاضي...


كنت بالاول بدي اغطيه بورق هدايا بس العملية ما مشيت بالرتابة اللي كنت بدي اياها وانمزع شوي فقررت اعمل تغيير بالخطة واستعملت لاصق ملون من البلد (الواحد بدينار)


وورق ملون (ممكن تستعملوا مجلات قديمة او تطبعوا اشايء من الانترنت او ستكرز حسب الموجود)...
والنتيجة كانت ...


ولجوة كان الشكل


وترتيب للازرار بعلبة كروت قديمة وشبكت اكياس الازار والبرق اللي بيتيجي مع الاواعي بدبوس مشبك وحطيت الخيطان بعلبة قديمة حسب الدرجة والمقص عملتله تعليقة بالصمغ الحار


A tough start of the week. Haroon is very sick and we were going in and out of emergency room for around 3 days...and now I am totally out of it. Lack of sleep is really catching on and am sick too. Well...its an epidemic with the great weather we are having here in Amman...Al Hamdulellah.

Looking at the bright side, the sleepless nights gave me the chance to put together this cute sewing box for spools and other sewing equip using a wide yellow tape to cover an old box and scrape book paper to make it pretty (by all means you can use what ever you have handy in your house). Here are the results



Comments

  1. سلامتك وبروح الشر عنك والله يقويكي ويخليكي لولادك
    ويسلمو ايديكي على الافكار الحلوة

    ReplyDelete
  2. سﻻمات بروح الشر.
    الفكرة كتير حلوة

    ReplyDelete
  3. سﻻمتك بروح الشر.

    ReplyDelete
  4. سﻻمات، كتير حلوة الفكرة و خصوصا فكرة تعليق اكياس اﻷزرار و البرق بالدبوس👍

    ReplyDelete
  5. This comment has been removed by the author.

    ReplyDelete
  6. الله يسلمكم جميعا وكلكم زوق :)

    ReplyDelete
  7. سلامتك منال ألف سلامة عليكي ... حلوة الفكرة يا قمر أنا بأحب الكرافتس بس المشكلة دايما في الكسل والوقت كالعادة :)
    على فكرة أنا عرفتك من the daring cook
    مدونتك حلوة ما شاء الله وبأتمنى نصبح أصدقاء

    ReplyDelete
    Replies
    1. الله يسلمك يا اميرة كلك زوق...اكيد بتشرف نصير اصدقاء...انت ب the daring cook؟ عندك مدونة؟ لاني بحب اكيد اتابعها وشكرا الك على لطفك :)

      Delete
  8. ماحلاه يسلمو ايديكي فكرة بتجنن وبسيطة مو مكلفة ابدا

    ReplyDelete
  9. ما احلاااه
    كتير ناعم وبسيييط
    وحلو
    يسلمواا ايديكي يا رب

    ReplyDelete

Post a Comment

Popular Posts