وصفات الاربعاء من دنيا يا دنيا على قناة رؤيا وخل التوت المنزلي How to make Mulberry Vinegar

Note: English Version of this post is below

سعيدة جدا بردود افعال الناس اتجاه الطبخات على برنامج دنيا يا دنيا على قناة رؤيا...وبالرغم من هيك اكيد ما خلي الامر من بعض الهفوات وكذلك التعليقات اللي " مش  لطيفة" مثل اني لازم اربط شعري وانا بطبخ (مع انه خرطت شعري مؤخرا بشكل صعب ربطه) غير انه زميلات الي بيطبخوا بالاضافة الى كتير برامج طبخ ما حد بيربط شعره...واللي بحير انه اغلب الشيفات بالمطاعم رجال ولا يخلو الامر من انه نلاقي شعرة بالاكل (طيب ايش اقول للشيف يربط شعره؟ وهل ستات البيوت كلهم لما بيطبخوا بيربطوا شعرهم؟ ما علينا...غير كم تعليق انه اكلي تخبيص...مع انه والله زاكي :) وبقدر افهم انه في كتير ناس بتحب الاكل التقليدي بس الكلمة لحالها بتكفي "تقليدي" يعني الاغلب بيعرف يعمله وغير انه انعمل 7000 مرة على التلفزيون...الهدف كان محاولة لعمل اشياء مناسبة للموسم والجو من سلطات وعصاير بالذات واشياء نسبيا جديدة ويا ريت يحربوها قبل ما يحكموا عليها...اما موضوع الاكل السريع ولقب ابو سريع من الروعة ديالا الدباس (واللي شخصي اروع لسة من التلفزيون)...فانا اتقصد اني اقطع الاشياء بالبيت قبل الحلقة عشان الوقت ما يروح كله على التقطيع وبالتالي لعمل اطباق اكثر خاصة وانه (وعلى ما اعتقد) الكل بيعرف يقطع...مش عارفة بس اكيد انه رضا كل الناس غاية لا تدرك ومع ذلك الحبايب واللي علقوا تعليقات مشجعة وايجابية كانوا اكتر بكتير من الناس السلبيين (واللي انا مش ضد الانتقاد بقدر اعتراضي على الاسلوب والطريقة) لانه اجاني ملاحظات من ناس قمة بالذوق والاخلاق واكيد انا انسان بنهاية المطاف وبحب اتطور واتعلم لاني لسة بعمل ورح اعمل اخطاء...

المهم...حلقة يوم الاربعاء الماضي غطيت بدل الزميلة ديما حجاوي لانها بالكويت برحلة عمل (بتمنالها التوفيق  والنجاح) وعملت اشياء بدون لحمة وهي كالتالي

سلطة الكولسلو بدون مايونيز


متبل الباذنجان باللبن والجوز


شوربة الذرة بالسميد


سلطة الزيتون


المحنشة المغربية

بتمنى تجربوهم ويعجبوكم..

اما بالمدونة فاليوم بدي احكي عن كيف تعملي خل التوت...مش طبق بس كيف تعمليه بالبيت من التوت اللي ما اتاكل...وعم بحكي عن التوت الاحمر ...



خل التوت
المقادير
كوب توت
ثلاث اكواب خل عادي ابيض
مرتبان

الطريقة
يوضع التوت في المرتبان ويضاف له الخل ويترك عدة ابام ليتغير لونه الى الاحمر ويصفى ويستخدم بالسلطات



وبتقدروا تستعملوه باي صوص للسلطة وبيعطي طعم جميل...وممكن تهدوه هدايا خاصة اللي عندهم شجرة توت بالبيت...

اعملوه هلأ لتستعملوه برمضان...

It has been quite a ride this past week. Going on TV was indeed a lot of fun and yet exhausting. The best part is the great friends and the lovely comments which I have been receiving from followers to the show and to the blog. Thank you all for your great comments and support. I truly appreciate it. And of course, there where some people who where not too keen about the dishes I made, well, to them I say...please try them before you judge...then you can tell me if they where good or not...if not, then I am sorry that they didn't match your taste buds and if yes, then that is a winner for both me and you.

All videos are uploaded above in Arabic for 5 vegetarian dishes. As for this lovely blog which I miss dearly...I decided to share with you a great way to benefit from red mulberries. You bought them, you ate some, and then you are stuck with some leftovers...or better yet, you have a tree in your garden that decided to pour in and rain mulberries and you are overwhelmed with it...make vinegar...yes and give it as party favours to your friends and family. Here is how

Mulberry Vinegar
Ingredients
1 cup mulberries, washed and drained
3 cups white vinegar
A sterilized jar

Directions:
Mix all in the jar and seal for few days, the vinegar will turn red and you can drain and use....Great for salads and marinades...enjoy.... 


Comments

  1. يسلمو ايديكي يا رائعة . وبالنسبة للتعليقات السلبية ما تهتزي الها ابدا وﻻ تتطلعي عليها . انتي كنت وستظلي دائما مبدعة

    ReplyDelete
    Replies
    1. حبيبتي يا سهى..ما احسنك والله انتو الاروع :) وفيكم وبكم بتطور وبتحسن..مع كل الاحترام والحب

      Delete
  2. ماشاء الله طلتك على التلفزيون حلوة.. انت بالفعل طبيعية جدا وقريبة على القلب..وقصة شعرك على فكرة كتيييير لابقالك...
    الى الامام دائما ان شاء الله

    ReplyDelete
  3. طبعا هذا بالاضافة الى ان وصفاتك مميزة كالعادة... شكرا جزيلا

    ReplyDelete
    Replies
    1. الله يخليكي يا سميرة كلك زوق :*

      Delete
  4. ربنا يعطيكي الف عافية, شغل كتير حلو ومرتب جد شهيتيني اعمل غرفة مونة مع انه شبه مستحيل للضياق. طبعا وصفاتك ع رؤيا رائعة ربنا يوفقك مع انه في وصفات صعب اعملها لانه الاكل اذواق وممكن ما يحبوها عيلتي بس جد انتي انسانة مبتكرة ورائعة ما شاء الله عليكي

    ReplyDelete
  5. يسلمو ايديكي خل التوت ماالطفو حاسة طعمو حيكون كتيير زاكي مع السلطات ، ودايما التوت بخرب وللاسف بنكب ان شاءالله ع موسم التوت رح اعملو

    ReplyDelete
  6. يسلموا ايديكي
    كتييير حبيت فكرة خل التوت
    بيعطي طعم طيب للسلطات

    ReplyDelete
  7. صحيح انه انا من الناس اللي بطبخوا تكل تقليدي،بس هدا ما بيمنع اني اتعلم شغلات غريبة و يمكن اطبق مرة بالشهر مثلا اكلة غريبة.. بتمنالك التوفيق داائما و متابعيتك على طول باذن الله

    ReplyDelete
  8. تم
    حنان ابوغوش
    سلطة زيتون

    ReplyDelete

Post a Comment

Popular Posts