البوريك التركي بالجبنة والشبت


Update 2022
 عملت نفس الوصة ادناه بس استخدمت خليط من الاجبان (النابلسية والشدر والفيتا) مع زعتر اخضر



6 ايام مرقت من رمضان...والحمدلله الطقس عم بيتحسن وعم بيبرد شوي...الله يرحمنا برحمته...بتمنى تكونوا مستمتعين بالصيام وتكونوا ما عم بتكبوا اي اكل وانكم عم تستفيدوا من كل اشي موجود عندكم...لحد الآن عم بحاول اطلع باكلات من الاشياء اللي عندي بالفريزر...وبما انه عندي عجينة البقلاوة فقررت بدل السمبوسك اني اعمل بورك تركية بالجبنة والشبت ...روعة للسحور كمان


البوريك التركي بالجبنة والشبت
المقادير:
لفة عجينة بقلاوة مسيحة بالثلاجة
للحشوة:
 2 كوب جبنة نابلسية مفتتة
كوب جبنة فتة مفتتة
1/3 كوب شبت طازج مفروم
1/3 كوب نعنع اخضر مفروم
بيضة
ملح، فلفل اسود
ملعقة صغيرة بابريكا
للدهن:
1/2 اصبع زبدة مذاب
1/4 كوب حليب

الطريقة:
تخلط مواد الدهن وتترك جانبا
تصفى الجبنة تماما من الماء
تخلط مكونات الحشوة كاملة
تفرد كل ورقتين من العجينة وتدهن بخليط الدهن وترتب الحشوة من الجهة الطويلة وتلف مثل الحلزون (مثل طريقة المحنشة المغربية) ونصفها بصينية مدهونة
وبنكمل بنفس الطريقة لتخلص الكمية وندهن الوجه بسائل الدهن
تخبز على 180 لتحمر من الاسفل ونشوي الوجه
وتقدم ساخنة مع احلى كاسة شاي على السحور
والف صحة




Comments

  1. تسلم ايدك منول وصفاتك رائعة متلك,بس بيزبط بعجينة السمبوسك او الباف باتسري

    ReplyDelete
    Replies
    1. شكرا يا الاء...عجينة السمبوسك لانها مقطعة بالطول ممكن ما تزبط هيك وطبيعة العجينة مختلفة فممكن تطلع ناشفة اما البغ فممكن بس بدك ما تدهني باشي لانها مليانة زبدة بس احسن شي هي عجينة الفيلو وهي اللي بنستعملها للبقلاوة.

      Delete
  2. بتشهههي
    منظرهااا بجنننن
    بصير نحشيها جوز وتصير نوع من الحلو؟

    ReplyDelete
  3. كتيير مبين انها طيبة يسلم هالانامل وبظن بنفع نحشيها لحمة مفرومة وخضار صح؟

    ReplyDelete

Post a Comment

Popular Posts