كعك العيد بالسميد

واخيرا صار عندي وقت شوي اليوم الصبح عشان اعمل شوية كعك....تخيلوا اديش باب النجار مخلع...!!!! يعني طول الوقت بعطي وصفات ومش لاقية وقت لاعمل كعك للعيد...قررت السنة انه اعمل كعك وشوية بسكوتات كمان على جنب بس هدول رح ينعملوا بكرة ان شاء الله لانه اليوم ب 3 ساعات عملت وصفة كعك السميد ولحالي..عجن التمروتكويره والحشي والطرق والخبز...البنت اللي عندي كانت بتنظف بالبيت فكله على راسي لحالي فمنيح اللي خلصت من ال 8- 11 صباحا وبعدين بقية اشغال النهار...

عملت 3 حشوات (تمر وراحة وشوكولاتة) ببيتي ما بنحب المكسرات كتير (اريح واوفر هههه)


المهم وصفة كعك السميد هيها للمهتمين وكل عام وانتم بالف خير..

كعك العيد بالسميد
المقادير والطريقة:
2 كوب سميد خشن نوع جيد (انا بحب نوع تركي من كباتيلو) في انواع فيها اشي اسود ما بحبها ابدا
6 كوب سميد فرخة (ناعم)
2 كوب سمنة ذائبة (ليست ساخنة)
2 اصبع زبدة ذائبة

تبس معا وتفرك قبل ليلة من العمل مع فركها كل ساعتين باطراف الاصابع لضمان امتصاص السميد للمواد الدهنية

عند البدء بالعمل يضاف:
4 ملاعق كبيرة طحين
2 ملعقة صغيرة محلب مطحون
ملعقة صغيرة مستكة مطحونة
3/4 كوب ماء زهر+ ماء ورد
2 ملعقة صغيرة خميرة + 8 ملاعق طعام سكر تذاب ب1/2 كوب ماء دافئ

تعجن ويضاف ماء دافئ حسب الحاجة للحصول على عجينة متماسكة ونبدأ العمل بها..


Comments

  1. يسلموا ....شغل مرتب و اكيد طيب متل اللي عملته

    ReplyDelete
    Replies
    1. وايديكي :) شكرا للمتابعة

      Delete
  2. مرحبا ست منال انا عملت نفس طريقتك روعه.يسلمو.اديكي وتكلوهم.ﺑﺎﻟﻬﻨﺎ

    ReplyDelete
  3. يسلموا شكلهم بشهي بس قديش مي تقريبا بحتاج

    ReplyDelete
  4. يسلمو ايديكي وصفاتك دايما سهلين

    ReplyDelete
  5. منال كم حرارة الفرن للشوي؟! جهزتها و بدي أعملها بكرة بإذن الله

    ReplyDelete
  6. ست منال مابتحطي حليب

    ReplyDelete
    Replies
    1. ما بحط حليب بحسه بيبس شوي

      Delete
  7. يسلموووووو هالايدين حبيبتي ♡

    ReplyDelete
  8. يسلمواا يديكي
    بس سؤال كيف نحشيها شكلاتة وراحة ؟؟(اول مرة بتمرق علي )
    ماا بتأثر بالشوي؟؟

    ReplyDelete
  9. يسلمو هالايدين وحشوة الراحة عرفتها من حماتي وكنت مصدومة جدا فكرتها هي لحالها بتعمل هيك بس طلع انو في ناس كتير بعملوها صراحة كتيييير زاكية وطرية وجد تغيير عن التمر والجوز والفستق

    ReplyDelete

Post a Comment

Popular Posts