الرشوف...ما في احلى منه بالبرد



من اروع الأشياء بالشتاء هو الشوربة ... كيف اذا كانت وجبة كاملة ومشبعة ومش بس هيك ًطريقك ممتازة للاستفادة من بواقي المنسف... يأمل بيزيد عنا لبن منسف بدون لحمة وما بتعرفي شو تسوي فيه...سوي رشوف...


أكلة تراثية تقليدية أردنية عريقة...  وتؤكل بالشتاء لانها مليئة بالسرعات الحرارية فبتدفي ... بتمنى تجربوها ورح تصير من اهم الوصفات على قوائم العمل بالبيت :)





الرشوف
المقادير:
حوالي ٤ أكواب لبن منسف (انا بعمل هاي الشوربة من المنسف اللي بيزيد وما في لحمة ففرصة نستغله) واذا ما في بتجيبي جميد وبتكسرية وبتنقعية بمي ساخنة وبتطحنيه 
كوب عدس حب
١/٢ كوب جريش ( قمح مجروش ) بس لانه ما عندي استعملت برغل خشن
بصلة كبيرة مفرومة ناعم
٣ ملعقة طعام سمنة نوع جيد والأصل بلدي



الطريقة:
يسلق العدس بالماء اكثر قليلا من ٤/٣ سلق
ينقع البرغل بالقليل من الماء ويضاف للعدس اثناء السلق اخر ٥ دقائق وفي حال استعمال الجريش يضاف بعد نقعة بالماء مع العدس
يصفى المزيج
توضع ملعقة طعام سمن في قدر عميق وتقلب ١/٢ كمية البصل لتذبل ثم يضاف العدس والجريش ثم المنسف وتترك لتغلي على نار هادئة ٥ دقائق ليكتمل نضج العدس (واذا حسيتها سميكة زيدي شوية مي ساخنة) بس هي لازم تكون سميكة شوي اكتر من الشوربة اللي احنا متعودين عليها
نضع بقية السمن والبصل في مقلاة ونقلب ليطري ونقدح للرشوف
تقدم فوق خبز الشراك مع البصل الأخضر والزيتون والفجل وصحتين والف عافية






Comments

  1. يسلموا هالايدين على كل اللي بتعمليه..
    مدونتك رااائعة... لما اكون زهقانة وعندي توتر.. بقرأ كم بوست منك وبيتغبر مزاجي للأفضل هههههه
    لازم اجربها هالوصفة عمري ما دقتها..
    كنت بدي اسألك اشا عندك فكرة لوصفة لفخذ الحبش.. اشتريت فخذة اليوم ماشاء الله وزنها كيلو ونص.. وجاي على بالي اشويها زي ما هي بالفرن.. عمرك جربتي هيك اشي؟ وشكرا مقدما

    ReplyDelete
    Replies
    1. تسلمي سميرة كلك لطف...اكيد بس عملت كل التيركي وبيوصل 9 كيلو بس لعزومة...ممكن اتبليها باي تتبيلة زي الدجاج وتشويها وممكن تقيمي العظم وتحشيها وتلفيها :)

      Delete
  2. حبيبتي يا منال الله يعطيكي على اد نيتك كتر ما انتي طيبه شكرا كتير ع كل وصفاتك وعم بحاول اطبق بالتدريج بس سؤالي لو سمحتي الكيك اللي بنعمل بالقالب المخروم من الوسط صارلي فتره كل ما بعمل أي كيكه لو عاديه بتطلع من النص مخرومه فيها زي النفق على امتداد الكيكه لما اقطعها مخزوقه من النص كل حبه فهمتيني ممكن اعرف السبب شكرا كتير الك

    ReplyDelete
  3. شكرًا منار... بالنسبة للمشكلة بالكيك وعشان تتجنبيها:
    ١. نخلي المواد الجافة ( طحين، كربونات، ... الخ حسب الوصفة مع بعض
    ٢. بمجرد ما تضيفي المواد الجافة ما اخلطي اكتر من دقيقتين لانه زيادة الخلط بتعمل هواء وممكن هاد سبب
    ٣. بس تحطي عجينة الكيك بالقالب اضربي القالب بخفة بالكاونتر مشان تقضي على اي فقاقيع هواء
    ٤. مرري سكين بالعجينة قبل ما تدخلي القالب على الفرن عشان تضمني تقضي على اي فقاعات هواء
    وبالتوفيق

    ReplyDelete
  4. زاكية و سهلة و مفيدة..شكرا عهالوصفة

    ReplyDelete
  5. اكيد راح اجربها شكلها طيبة

    ReplyDelete
  6. مبين انها زاكية خصوصا طعم المنسف

    ReplyDelete
  7. This comment has been removed by the author.

    ReplyDelete
  8. من اروع واطيب والز الاكلات الاردنيه اللي ما بنسى طعما
    الي زمااان ما اكلتا وان شاءالله رح اعملها ����

    ReplyDelete

Post a Comment

Popular Posts