اهم 12 اداة بمطبخي: الجزء الاول ووصفة محشي الخيار بالتمر هندي My favourite 12 kitchen tools: part 1 and stuffed cucumbers with Tamarind sauce

English Version of this post is below

الي مريضة 3 ايام بانفلونزا حادة...الحمد لله ما في جزء من عضامي مش حاسسته متكسر...طبعا كل الاردن مريضة هالايام بحكم الجو البارد وانتشار الفيروسات فاي حد بشكيلوه بيقولي وانا كمان...الله يشفينا جميعا وكل مريض... الي فترة بدي اشارككم هالبوست وهو بوست عن ادوات المطبخ اللي ما بقدر اتخيل حياتي بدونها...طبعا المضحك بالموضوع هو اذا بدي اتذكر حالي قبل 10 سنين كان عادي جدا والحياة ماشية اني ما عندي الكتير من هاي الادوات بس بمجرد ما دخلت البيت واستعملتها صرت احاول اتذكر كيف كنا مشيين حالنا بدونها ...طبعا يمكن كتير منكم ما يشعر بهاد الاشي لما يشوف هاي الادوات ويقولي عادي انا الحياة حلوة بدونها...اكيد في فروقات فردية وانا شخصيا كانت حياتي ممتازة قبل بدونها بس ما بدي انكر فضلها على وهلأ اذا خرب اشي منها يا اما بصلحه فورا او بشتري بداله...نبدأ... اليوم رح احط نصهم وبكرة نصهم التاني ان شاء الله

اولا : العجانة


يعني كنت اعمل خبز وبيتزا بس الحقيقة كنت انهد وانا اعجن وكانت النتيجة ما تكون بنفس طراوة ونعومة العجينة المعجونة بالعجانة...في انواع كتير بالسوق واكثر نوعين مشهورين همه kitchen aid و kenwood والحقيقة امي عندها الكينوود وانا عندي ال كتشن ايد والتنيتن ممتازين...كل واحدة اكيد الها ميزات شوي بتختلف عن الثانية من حيث الحجم والقوة...الخ نصيحتي اذا بدك تشتري واحدة فكري بعدة عوامل وهي : اديش بتحتاجيها ورح تستعمليها؟ يعني اذا ما بتعجني او بتعملي خبز وبيتزا وما بتفكري انك تعملي كيكات بدها خفق البيض لمدة طويلة..الخ يمكن ما بتحتاجي هاد النوع من الادوات بس اذا كنتي زيي اكيد رح تفرق هاي العجانة بمطبخك. وهل رح تستعمليها لكميات كبيرة ولا بدك تعملي اشي بسيط لعيلتك؟ هون بتحددي القوة والحجم لانه من هدول النوعين في حجمين. هل بتحتاجي المكملات والاكسسوارات اللي بتيجي مع كل واحدة ولا لأ؟ العامل الثاني هو  اشتري اللي بتناسب ميزانيتك اكيد والنوعين مش رخاص بس فكري بالموضوع كاستثمار..اذا بتشتري عجانة رخيصة مش رح تتحمل دعك وشغل كتير ورح ينحرق متورها فالافضل انك تشتري النوع الاحسن..وفرصة يا ستي استغلي جوزو هي قرب عيد الام او اذا قرب عيد ميلادك او عيد زواجكم..انا بفضل هاي الاشياء عن المجوهرات...ههههه هبلة شو بدي احكي :)

ثانيا: طنجرة الضغط


هاد الموضوع شائك بين مؤيد ومعارض..انا ومن وانا صغيرة وانا بسمع صوت طنجرة الضغط بتصفر بمطبخ امي فتربيت عليها وتعلمت كيف تستعمل...كتير ناس بتخاف منها ومن موضوع انها تنفجر والحقيقة اكيد في حوادث كتير يا لطيف صارت بس مهم طريقة الاستعمال الصح والنوع الصح...طنجرة الضغط اللي عندي من دون مبالغة من سنة ستي....ههههه نوع Seb القديم بس بحبها من قلبي وبتفشيلي قلبي بسلق اللحمة خاصة للمنسف ...هلأ بالسوق في انواع كتير حديثة واكتر امان ...اذا كنت من النوع اللي بتحبي تطبخي باللحمة كتير بنصحك باقتناء واحدة...انا طنجرة الضغط مهمة بمطبخي... 

ثالثا: المباشر الصغيرة



مباشر مجموع مبشرة ههههه كتير عنا منهم بس انا بحب النوع اللي تسمه microplane بتميز انك ما بتخاطري تبشري اصبعك وانتي عم تبشري...هههه ياما حصلت معي ما بعرف عنكم...عندي منهم الرفيع والعريض ممتازين لبشر الليمون والبرتقال وجوزة الطيب وجبنة البارمزان وغيره..

رابعا: المايكرويف



عندي قصة بضحك... لما اهلي اجو زاروني باميركا بال 1999...كنا قاعدين وبنتفرج على فيلم فقلتلهم بدي اروح اعملكم بوشار...بيتي كان صغير وبابا قالي هلأ بتعبي البيت ريحة زيت وغلبة بلاش...قلتله لأ انا عندي اللي بالمايكوريف وعملت البوشار واهلي وقتها انصدموا من التكنولوجيا...طبعا كان في منها بعمان بس على مستوى ضيق والمحل الوحيد اللي كان يبيع هاد البوشار كان السي تاون وكان غالي كتير فاهلي اشتروا كمية هائلة من بوشار المايكرويف واخدوا معهم على الاردن ومش هون الجزء المضحك...المضحك انه ما عندهم مايكرويف!!!! فاشتروا واحد خصوصي مشان يفقعوا كل اكياس البوشار اللي اشتروها ههههههه بس بعد ما تعودنا عليه بتسخين الرز بالذات انا شخصيا ما بقدر استغني عنه..بسيح فيه الشوكولاتة والزبدة وبسخن الاكل (ما بطبخ فيه شخصيا) بس فيه ناس بتطبخ فيه  ...مثلا انا بحبه كتير بشوي البطاطا بخزقها بالشوكة من عدة جهات وبشويها بالمايكرويف تقريبا 3/4 استواء وبعدين بلفها بقصدير وبالفرن..ما بتاخد 10 دقائق بالفرن مقارنة بساعة لو من غير مايكرويف...توفير وقت وجهد وغاز لانها بالمايكرويف ممكن تاخد 5 دقائق او اكثر شوي حسب حجم البطاطا

خامسا: الاكواب والملاعق المعيارية



هاد السؤال بنسئل عنه كتير واليكم الاجابة...كل وصفاتي باستخدام هاي الاكواب واللي منها للسوائل ومنها للمواد الجافة ويفضل الالتزام بالسائل للسائل والجاف للجاف لانه بتفرق ولو شوي...طبعا كان في كتير وصفات وما زال وخاصة العربية باكواب الشاي والمي...وهاي مشكلة بتخلي ناس بتزبط معها الوصفة وناس لأ نصيحتي اشتريهم رخاص مش غاليين واضمن لنجاح وصفاتك خاصة الحلو والمخبوزات لانها كيمياء والمكونات لازم تكون فيها نسبة وتناسب مع بعض لتنجح الوصفة...وشايفين الكوبين الصغار الشفافين ..هدول من الادوية بس ممتازين للوصفات اللي بدها بالمللتر...زي الفانيلا او اي سائل كمية صغيرة لانه الاكواب المعيارية العادية ما فيها هالتفصيل...وكمان زمان كان يجي مع مسحوق الغسيل كوب بلاستيك معياري...ممكن تغسليه منيح وتستعمليه ...اهم اشي نفس الكوب بالوصفة مش اشي شاي واشي مي..زي ما حكينا نسبة وتناسب...ومهم احكي للسوائل بنصح باكواب معيارية زجاجية مشان اذا بدك تقيسي اشي سخن وللجاف بنصح بالستانلس بس البلاستيك بمشي...

سادسا: سكاكين نوع جيد مع شاحذ او بالعامية مضاية سكاكين


اوعكم تصدقوا اي حد بيبيعكم سكاكين وبيقولكم هدول السكاكين ماضيين على طول...ما في سكين بيضل ماضي على طول الا السكين المسنن لانه ما بتمضى...كل السكاكين بعد فترة بدها تمضاي...المهم بالموضوع لما تشتروا سكاكين احملوها بايدكم ...وزنها لازم يكون مش ثقيل كتير اللي يهلك وانت بتفرمي ولا خفيف اللي يذوب ونوع الحديد ستانلس مشان ما يصدي..واذا اشتريتي مضاية بنصح بنوع زي النوع اللي بالصورة من كون ريكون السويسري لانه ما بده شطارة بالتمضاية...بتمرري السكين عدة مرات (حوالي 50 مرة) وبتصير ماضية زي الجديدة..اما اسياخ التمضاي اللي الكتير منكم ممكن عندهم اياها لانها اجت مع بلوك السكاكين الخشب اللي اشتروه فهو ممتاز بس لازم تعرفوا كيف تمضوا السكين بانكم تمرروها بزاوية 45 باتجاه واحد من فوق لتحت..هاد الاشي بده خبرة واي تحريك غلط ممكن تخربي السكين عشان هيك انا حبيت هاد النوع بالصورة...ومهم احكي انه السكين المسنن مهم باي مطبخ لتقطيع الخبز وكمان لفرم البندورة :) مشان الحياة تكون اسهل...والسكاكين برضه استثمار...يعني السكاكين الغالية حقها فيها اللي عندي من كون ريكون سويسري وكمان الستيل (اللي لونها اسود) من السيفوي ب 20 دينار بس سكين ممتازة و20 دينار مش غالي صدقوني...في نوع Henckelالماني بيوصل الطقم سعره بالمئات 

طيب هاد الجزء الاول من الادوات ان شاء الله بكرة بكمل الجزء الثاني...وصفة اليوم هي لمحشي الخيار بالتمر هندي...اكلة قديمة وانا بحبها جدا...



محشي الخيار بالتمر هندي
ملاحظة: ممكن تعملي الكمية اللي بتلاقيها مناسبة وممكن الكميات تختلف حسب حجم الخيار بس هي مقادير الكمية اللي غملتها
المقادير:
8 حبات من الخيار الكبير الاملس الجلد وقشرته يابسة شوي مشان يتحمل الطبخ 
للحشوة:
كوب ارز مصري او نوع متوسط الحبة منقوع 20 دقيقة ومصفى
اوقية لحمة مفرومة خشن
1/2 1 ملعقة صغيرة بهارات مشكلة
1/2 ملعقة صغيرة قرفة
ملعقة طعام زيت
ملح، فلفل اسود

زيت للقلي
ماء ساخن للسلق
للصوص:
1/2 باكيت تمر هندي منقوع بكوب ماء ساخن

الطريقة:
نزيل اقماع الخيار ونزيل اللب والبذر ولا تحفري كثيرا لكي يحافظ على شكله
نحضر الحشوة بخلط كل المقادير معا
يحشى الخيار بشكل لا يضغط فيهها على الحشوة (انا برج الحبة وانا بحشيها مشان اسمع صوت الرز بيتحرك وهيك بعمل بالكوسا (يعني مش رص) وبترك مسافة 1/3 اصبعي الصغير من الفوهة لانه الرز رح ينفش بالطبخ وبده مسافة
يحمي الزيت ونقلي حبات الخيار (زي المخشي) ويصفى على ورق المطبخ
نضع الخيار بماء ساخن مملح ومبهر ليغلي قليلا لينضج 3/4 نضج (اذا اضفنا التمر هندي من البداية رح يشد الخيار وما رح يستوي بسرعة)
نذيب التمر الهندي بالماء الساخن ونصفيه ونضع الماء المصفى بخلاصة التمر الهندي فوق الخيار الذي قارب على النضج ونتذوق لتعديل الملح وحتى نسبة الحموضة فممكن ان نضيف  المزيد من الماء اذا كان حامض او المزيد من التمر الهندي حسب الرغبة
نتركه لينضج على نار هادئة مغطى 3/4 تغطية حوالي 1/3 ساعة ونتاكد من نضج الخيار..
يقدم مع الصوص على جنب والف صحة

ملاحظة: ستي الله يرحمها كانت تعمله بالفريكة كمان بس لازم تستوي الفريكة شوي قبل الحشي لامها بدها وقت اطول من الرز
والف صحة



English Version of the post

I have been sick for 3 days now with a bad case of flu...I am sure that I am only one of many many people here in Jordan...it is winter...the official nasty flu and cold season...once one of you family members get sick..it is official...the flu is here to stay and make sure that everyone is sick before it leaves...That is why I have been slacking in writing lately..no mode for anything but sleep..however, when you are the mom...that is like NEVER happens!!!! 

On a different note, today I decided to share with you some of the main appliances and tools that I can't imagine my culinary experience without...don't get me wrong..I mean I try to recall how I survived without many of these 10 years ago but not anymore...once you are hocked..you are hocked!!! If any of these tools is broken I hurry to either fix or replace it...I told you...I can't imagine surviving without it..

Today I will start with part one talking about six of these so lets get this party started...

No. 1 Stand up mixture



Oh yeah!!! This is by far my no. 1 tool ever..I did my share of kneading before I owned my first one but let me tell you...though kneading is a great exercise for your hands, it was tiring!!! And that made me think twice before making a pizza on a whim...there was no whim!!! I had to plan in order to have the time to give the dough some lovin!!! Now with the stand up mixture I don't need to worry about the time. I just put every thing there and it does the work for me while I prepare other things for my recipe...how cool is that!! Not to mention the lovely end result of chewy delicious bread and pizza...not to mention specialty cakes that need some whipping...So if you don't own one, and you are a passionate cook and baker, I totally encourage you to save up some money and literally invest in a good brand like KitchenAid or Kenwood. Buying one is an important decision that will depend on how frequent are you planning to use it? Do you make large quantities of dough? How much is your budget? So if you have a small family, no need to go all out to buy the big ones...if you do tend to make big quantities of things, then invest in the bigger size..you decide what suits you best but make sure you invest your money in a good brand that will last you a life time. Save up some money or better yet, ask for it as a gift from hubby!!! Mother's day is coming up!! I personally love these kinds of gifts.

No. 2 Pressure cooker


The big debate between people about safety!!! I know ...but I have been raised in a house where the sound of a pressure cooker was always very familiar...I like it and I like to use it ..it saves tons of time especially in cooking lamb with bones. Our Arabic cusine requires lots of lamb cooking and this babe is a dear thing to my heart...the one I own is from Seb...its old alright but I love it...Now they sell very stylish and nice ones with great safety features...The most important thing is to use it right in order to avoid any accediants...

No. 3 Mircoplane graters


Oh boy are these handy!!! Did I ever tell you that I used to grate part of my skin along with anything I grated!!! Ouch!! Painful, awful and gross ..not any more with these lovely easy to use graters I grate oranges, lemons, Parmesan cheese and nutmeg...Love them and own many of them for different uses and in different sizes

No. 4 Microwave



It is now and important appliance in almost all kitchens. It was not very popular here in the Middle East in the late 90s...when my parents visited me back when I lived int he US, I wanted to make some popcorn while watching a movie..my dad discouraged me as he hated the smell of oil and the fact that my apartment was fairly small would make this even worse...No fear I said...And there I was popping a bag in the microwave and in minute they were enjoying a lovely butter bowl of popcorn...they were amazed so they went out and bought a huge amount of these little popcorn packets to take back to Jordan. The only supermarket that carried it at the time was the C-Town and it was expensive...the funny part is that my parents didn't own a microwave!!! So they ended up buying one to pop all these popcorn bags they bought!!! Good enough reason to buy a microwave, isn't it?!!hehehehe...Now I can't imagine reheating rice or food without it..and I melt chocolate, butter using it not to mention cutting time in baking potatoes by popping them in the Microwave first then finishing them in the oven...a time and energy savor...Just make sure you use the right microwave safe tools.

No. 5 Measuring cups


These are the ones I use in all my recipes..no speculations of a water glass or tea cup...etc. This is very important in getting your recipe right especially when it comes to baking..its all about balance of ingredients together..Chemistry in other words..any miss calculations affect the end result. Please do invest in ones, they are fairly cheap and buy the glass and stainless steel ones better than the plastic...plastic will do though...I also use the caps that come with medicine to measure small amounts of liquids...very helpful. Use them appropriately..there do make a difference in measuring dry vs. liquid food.

No. 6 Knives and Knife sharpener


Nothing is more frustrating that having to use a dull knife to cut your food...a nice, sharp, sleek knife is always the cooks best friend. Make sure you hold the knife before buying it to see that it is not too heavy or too light..that it has a good and comfortable grip that will make cooking enjoyable. Invest in these and in a sharpener as well. They are not cheap but they are an investment. To sharpen your knife you need to hold it in a 45 degress angle and move it in one direction across the sharpener bar. This might be a tricky process that might end up ruining your knife if you are not doing it right..therefore, I invested in the red tool you see in the photo..it does all the work for me, all what I have to do is to run my knife across it in one direction..

This is part one, today I will continue with part two but for now let me share with you a very traditional dish that I love..Stuffed cucumbers in Tamarind sauce...mmmmm


Stuffed Cucumbers in Tamarind sauce
Note: The amount of ingredients will differ depending on the size of cucumbers you are using so just make sure you adjust accordingly. Here is the amount that I made
Ingredients:
8 large cucumbers with smooth and hard skin
For stuffing:
1 cup med grain rice, soaked in water for 20 min and drained
250 roughly ground lamb
1 1/2 tsp mixed middle eastern spices
1/2 tsp cinnamon
salt, pepper
1 Tbsp oil

Oil for frying
Hot water for boiling the cucumbers
For Tamarind sauce:
1/2 pack Tamarind 
1 cup boiled water

Directions:
Remove a very small part from the top of each cucumber and carefully remove the seeds (we use a special tool here in the Middle east that looks like this). If you don't have it, you will have to improvise with another tool that will not puncture your cucumbers while removing the seeds)
Prepare the stuffing by mixing all ingredients and start stuffing the hollow cucumbers with the mixture making sure not to over stuff and to leave about 1 inch from the top as room for the rice to cook and expand
Heat the oil and deep fry the cucumbers till they are golden
Drop in boiled water and let them cook till they are almost but not fully cooked through (the time will depend on the size of the cucumbers)
Strain the Tamarind to end up with a sauce and pour it over the cucumbers and the water..adjust the taste accordingly..this dish is supposed to be tangy and cook for around 20 minutes..enjoy..you can also stuff with freekeh but make sure you cook it half the way through before stuffing as it will take a longer time than rice. 




Comments

  1. يعطيكي الف عافية يا احلى شيف والله انك رائعه وبتقدمي كل شي بشكل حلو وبسيط ومشجع
    انا كتير بحب العجين وحابه اشتري عجانه بس محتاره بين kenwood , kitchen aid شو بتنصحيني اكتر

    ReplyDelete
  2. منال دايما بوستاتك ممتعة ومفيدة شكرا .....انا عندي مشكلة مع الخيار المحشي وما عم بقدر اتخيل اني احشي خيار واطبخه هههه وما عمري اتشجعت لانه جوزي ما بيحبه أصلا .

    بالنسبة للعجانة انا اشتريت kenwood بمناسبة عيد ميلادي فعلا اخترتها لانه سعرها مناسب اكتر من kitchen aid وحسيت انه بالنسبة للاستعمال رح يكون خفيف عليها وفعلا هي رائعة وما بستغني عنها وكمان طنجرة الضغط كانت مع جهازي هههه وكمان بطبخ فيها طبخات كاملة مش بس سلق ....وبتختصر وقت كبير ممكن اشاركم بكم طبخة سريعة ازا بتحبو

    ReplyDelete
  3. سلامتك ما تشوفي شر
    والله انا العجانة موجودة بخططي الخمسية لانها فعلا بتريح وهيني عم جهز مطبخي بالبيت الجديد شوي شوي ولفتي نظري لاكواب المعايير لازم اجيبهم
    بس اللي لفت نظري الميكرويف اللي بالصورة كأنه ميكرويف وفرن بنفس الوقت مزبوط
    يسلموا وبانتظار الجديد بكرة

    ReplyDelete
  4. اهلًا تغريد .. الكتشن أيد ما يغرك.. فظيعة كمان وأرخص شوي من الكينوود فاخف على الجيبة... اكيد بحب تشاركينا وصفات بالانتظار

    ReplyDelete
  5. اول شي سلامتك الف سلامه ويعطيكي العافيه مابتقطعينا حتى وانت تعبانه الله يجزيكي الخير وبالنسبه للخيار ستي كانت تسويه بس انا مادقته بعمري مش متخيله النكهه
    والعجانه حلم من احلامي الكتير كتير في المطبخ

    ReplyDelete
    Replies
    1. الله يسلمك يا رب ويحقق كل احلامك

      Delete
  6. سلامتك الف سلامة . موضوعك شيق جدا ومفيد كالعادة.
    بالنسبة لمحشي الخيار بحبه كتير ونفس طريقة ماما الله يخليلنا اياها.

    ReplyDelete
    Replies
    1. الله يسلمك ويخليلك ماما :)

      Delete
  7. ما الزك مدام منال والبوست كتير حلو ومفيد وخفيف دم كتيير ، اول شي سلامتك وماع قلبك شر ، تاني شي عنجد هالاشياء كتير مفيدة وساعدتيني اني اعرف شو الاشياء الاساسية بالمطبخ مشان عم اجهز ، طنجرة الضغط ماما عندها متلها بالزبط هههههه وهي فعلا رائعة وبتختصر وقت كتير بس انا بخاف كتير منها وماعمري تجرأت اطبخ فيها :( والماكرويف انا متلك كمان مابحب استخدمو غير للتسخين والتسييح وع قدر الامكان بحاول اتجنب استخدمو بس جد البوست رائع ومفيد واكيد كمان الخيار بالتمر الهندي بالعادة بنعمل الجزر الاحمر واللفت بالتمر الهندي ، الخيار جديد شوي بس فكرة نجربها مو غلط يسلمو

    ReplyDelete
    Replies
    1. شكرا ديما...احنا بنعمل الجزر الخيار من زمان..هاي اكلة ستي الله يرحمها كانت تعملها فهي مش جديدة فعليا بس كتير ناس ما بتستسيغ الموضوع ورح احكي عنه بكرة شوي بالبوست...احنا بنعمل اللفت بالطحينة...كتير زاكي كمان :)

      Delete
  8. مساء الخير ست منال والف سلامة عليكي البوست كتير رائع وفيه كم من النصائح انا شخصيا استفدت منها فشكر جزيل مني الك وبالنسبة لمحشي الخيار انا جربته بطريقة المحاشي العادية وما حبيته بس رح اجرب طريقتك بالتمر الهندي بلكي اتغيرت الفكرة ...

    ReplyDelete
  9. الف سلامة عليكي ياا رب ويسلموا على الافكار والمعلومات المفيدة وفعلا هاي اشياء كتتير بتساعدنا بالمطبخ وبتختصر علينا اوقات كتتير

    ReplyDelete

Post a Comment

Popular Posts