اكثر 12 وصفة حلو حبيتها السنة Top 12 desserts recipes for 2014

English Version of this post is below

من كتر الانشغال مؤخرا بالمناسبات الاجتماعية والامتحانات ما عم بيكون في وقت لاشي تاني...طبعا بحكم انه الاشياء اليومية الروتينة ما بتختفي وبالتالي المناسبات والامتحانات هم فقط اضافة لما عليكي كل يوم...بحس حالي مرات مش جاي على بالي اعمل اشي ومرات يدب النشاط بشكل فظيع واللي لاحظنه هو اني اذا ما بخطط شو بدي اعمل خلال اليوم بتصيبني حالة الكسل العام...اليوم مثلا كان  يوم مفعم بالانجاز بالرغم من انه الساعة ما صارت 12 الظهر لسة....بعد ما راحوا الاولاد على المدرسة وتقريبا من الساعة 8 قعدت مع فنجان القهوة وقررت على جدولي كتير اشياء لازم تنعمل خلال الايام الجاية ان شاء الله وحطيت قائمة بالاغراض اللي بنحتاجها للبيت وفي هاي الاثناء غسلت كل برادي غرفة الضيوف وحطيتهم على المنشر لينشفوا وسلقت اللحمة لغداء اليوم..لما كله خلص الساعة كانت 9:40  وكنت بطريقي لشراتء اغراض البيت ولانها قائمة محضرة ما اخدت وقت ابدا ورجعت حوالي الساعة  10:30 وضبيت كل الاغراض وبديت بكم شغلة بدي اعملهم على القائمة....وانا عم بكتب الساعة 12 الا 5 والاكل تقريبا خلص وعم بشرب شاي اخضر وانا بكتب البوست...طبعا هاد بركة من رب العالمين بس مش دايما بزبط معي...اليوم كان تمام والحمد لله...

طيب مشان ما ابربر اكتر من هيك خلينا نشوف قائمة ال 12 طبق حلو اللي حبيتهم بال 2014


الوصفات من اليمين لليسار من الاعلى كالتالي:

  1. بينا كولادا كب كيك
  2. رولات القرفة او سينابون
  3. تارت النيوتيلا بالفراولة
  4. بسكوت المحشي بالكراميل
  5. كعكة الكريب
  6. تارت الخوخ
  7. بسكوت السكر الاساسي مع الايسنج
  8. اكواب مارشملو الفراولة (الوصفة ببوست اليوم)
  9. بسكوت الميني مفن بالشوكولاتة وجوز الهند (الوصفة ببوست اليوم)
  10. الكنافة بالمهلبية
  11. رغيف الشوكولاتة بالنيوتيلا
  12. كعكة الفيريرو روشيه
لوصفات اليوم



اكواب المارشملو والفراولة

المقادير:
½ كوب مارشملو صغير
1كوب فراولة
¼ كوب ماء
3 ملعقة كبيرة سكر
¾ كوب كريمة خفق
لقاع الكؤوس: كوب فراولة مقطعة ومخلوط ب2 ملعقة طعام سكر ناعم و1/2 ملعقة صغيرة فانيلا

طريقة التحضير
1.    تخلط الفراولة والماء والسكر والمارشملو على النار ليذوب المارشملو والسكر وتنهرس حبات الفراولة ويترك ليبرد تماما
2.    تخفق الكريما وتضاف لمزيج الفراولة البارد بواسطة ملعقة مطاطية وبخفة
3.    توزع الفراولة المقطعة المخلوطة بالسكر والفانيلا في قاع الكؤؤوس ثم يضاف مزيج الموس وتبرد 4 مدة ساعات وتقدم باردة

اما الوصفة التانية لليوم فهي بسكوت الميني مفن بالشوكولاتة وجوز الهند


بسكوت الميني مفن بالشوكولاتة وجوز الهند
المقادير:
نصف كمية من عجينة بسكوت السكر الاساسي
كمية من الشوكولاتة المذابة لتغطيس البسكوت
جوز هند محمص

الطريقة:
تكور العجينة وتوضع في صينية المين مفن ككرات بدون قرد كما هي
تخبز في فرن حرارته 180 لتصبح ذهبية بين 12-15 دقيقة
تبرد على سلك معدني
تغطس بالشكولاتة وبجوز الهند
تترك لتجمد وتقدم


Today was a fantastic day in terms of acheviements...I feel that if I plan my day well, then I do get things done...running between washing the curtains, cooking for the day and buying what we need for the house in addition to putting the plan for the upcoming few days was a breeze that allowed me to enjoy sipping my coffee and writing this post. Today I am going to share with you the top 12 desserts recipes that I enjoyed in 2014. Here they are from top right to left then going down


  1. Pina Colada cupcakes
  2. Cinnamon Rolls
  3. Strawberry Nutella Tart
  4. Chocolate Chip cookies stuffed with Caramel
  5. Crepe Cake
  6. Plum Tart
  7. Basic sugar cookie dough with icing
  8. Strawberry Marshmallow cups (in today's post)
  9. Mini muffin cookies with coconut and chocolate (in today's post)
  10. Muhalabia with Kunafa
  11. Nutella chocolate loaf
  12. Ferrero Roche cake

So here goes the first recipe for the day


Strawberry Marshmallow Cups
Ingredients:
1/2 cup mini Marshmallows
1 cup strawberries
1/4 cup water
3 Tbsp sugar
3/4 cup whipping cream
For the bottom of the cups
1 cup strawberries mixed with 2 Tbsp icing sugar and 1/2 tsp vanilla

Directions:
Mix strawberries with the icing sugar and vanilla and let it sit for an hour to release juices
Mix strawberries, marshmallows, water, sugar in a pan over med heat till the sugar and marshmallow melts and the strawberries become soft and squished. Let it cool down.
Whip cream and add cold strawberry and marshmallow mix folding with a rubber spatula
Distribute the strawberries mixed with sugar and vanilla between the cup and pipe the mouse on top..chill for 4 hours and serve.

The next recipe is the Mini muffin cookies with coconut and chocolate

Mini muffin cookies with coconut and chocolate
Ingredients:
1/2 a batch of the basic sugar cookie dough  
Melted chocolate for dipping
Toasted coconut (sweetened or unsweetened)

Directions:
Heat oven to 180
Roll your sugar cookie dough into small balls to fit in your mini muffin pan
Put a ball in each mini muffin hole and bake in the oven
Once toasted take out and let it cool on a wire rack
Dip in melted chocolate then in coconut
Serve once the chocolate is set.

Comments

  1. يعطيكي العافية منال انجاز رائع اليوم بس متاكدة مع شوية تنظيم وترتيب أوقات الواحد بيقدر ينجز أشياء كتير شكرا على الوصفات الزاكية

    ReplyDelete
  2. يسلمو هالايدين يا ست منال

    ReplyDelete
  3. يسلموا ايديكي بس كيف بتعمل

    ReplyDelete
  4. يسلمو ايديكي حلويات بتشهي

    ReplyDelete
  5. ام سراج اذا بتغطي على الاسم بيوديكي على الرابط

    ReplyDelete
  6. يسلمو ايديكي استفقدناكي هاليومين الله يعطيكي العافيه وطبعا الوصفات كلها بتجنن

    ReplyDelete
  7. يسلمو هالايدين يا رب والمارشميلو بحبه كتير يميييي
    وبسكويت الكيك بشهي
    بس يا ريت تنزلينا صور للخطوات افضل اذا بتقدري طبعا وشكرا منال

    ReplyDelete
  8. يسلمو ايديكي المارشميلوو يمييييي كتيييير لزيز وكل اشي بدخل فيه مارشميلو بصير اطيب والز

    ReplyDelete
  9. صوور بتفتح الشهية
    فكيف الطعم؟
    اكيد رح يكون رووعة
    يسلمواا ايديكي كتييير

    ReplyDelete
  10. done crepe cake and bina colada cupcake

    ReplyDelete

Post a Comment

Popular Posts