مخلل اللفت ورغيف كرات خبز الثوم Pickles Turnips and Pull apart Garlic loaf

English Version of this post is below
عطلة نهاية اسبوع مليانة بالنشاطات والاشغال وهو احد الاسباب اللي ما قدرت معها احط بوست امبارح فبوست اليوم رح يكون فيه وصفتين للتعويض...ما زالت قائمة الاطباق اللي انتو حابين نطبقها تتراكم وتكبر وبتمنى نقدر انه نعمل كل الاشياء المطلوبة بشهر 12 وانا متأكدة رح لسة يكون في اشياء كتير لبعدين...

كيف كانت عطلتكم؟ بتمنى انها كانت ممتعة وفيها انجازات للي حابب ينجز وراحة للي كان حابب يرتاح من تعب اسبوع عمل طويل...احنا الامهات ما في عنا اشي اسمه راحة او عطلة يعني انا ساعة المنبه عندي ما الها داعي بوجود مستر هارون الله يحفظه واللي زي الساعة اذا مش 6 الصبح بيصحى 6:15 كنوع من التغيير واعطائي 1/4 ساعة زيادة للنوم...وهادا الكلام ينطبق على ايام الاسبوع وعطلة الاسبوع...فكلمة عطلة؟ اي عطلة؟!!! ما الها معنى بقاموسي حاليا....

الوقت اللي جد بقدر اني اعمل اشي انا بحبه هو بالليل لما الكل يخلد الى سبات عميق وانا بعمل اشغالي اللي بدي اياها ومؤخرا بسبب المدرسة بيكون في شوية وقت الصبح والكل بالمدرسة لادخال شغلة او تنتين خلال اعمال النهار في خضم جدول العمل المضني بالبيت واللي لا بداية ولا نهاية له...!!!

اليوم السادس من شهر 12 ومبسوطة اني لحد الآن ما رحت جبت اغراض من السوبرماركت لاني عم بستخدم ما لدي. اليوم بس جيت شوية خضار وفواكه مشان طبخ الاسبوع..يعني بدي احاول امطمط واؤجل الروحة على السوبرماركت قد ما بقدر...

طيب من الوصفات اللي انطلبت مني وصفة مخلل اللفت....وهلأ اللفت متواجد بالسوق فيالله نشوف كيف بينعمل


مخلل اللفت
المقادير:
لفت (قد ما بتحبي تخللي) مقطع مكعبات كبيرة او شارائح
ملح خشن
محلول ملحي: كمية حسب كمية اللفت والمقادير اله هي: لكل كاسة ماء ملعقة طعام ملح خشة و1/4 كوب خل او بدل الخل رشة سكر لاعطاء الحموضة للمخلل
شمندر طازج غير مسلوق لاعطاء لون للمخلل (انا بفضله عن الصبغة)

الطريقة:
يرش اللفت بالملح الخشن ويترك في مصفاة ليتوقف نزل الماء منه حوالي يوم
يحضر المحلول الملحي بخلط الماء والملح والخل وغلي الكمية وتبريدها تماما
تعبأ مرتبانات الضغط باللفت المصفي من الماء ونضع حبة شمندر مقطعة بين حبات اللفت ونراعي مللأ المرتبان جيدا لعدم السماح بفراغات 
نصب المحلول الملحي البارد بشكل يغمر المخلل تماما ويغلق جيدا ويحتفظ به في مكان معتم وبارد وجاف
ممكن وضع ورقة عنب على الوجه لمنع دخول الهواء للمخلل
يحتاج الى اسبوع على الاقل وتذوقيه وتأكدي من نضجه.


اما رغيف كرات خبز الثوم فسهل للغاية...

رغيف كرات خبز الثوم
المقادير:
ملعقة صغيرة خميرة
1/2 كوب ماء دافئ
ملعقة طعام سكر
ملعقة طعام زبدة
1/2 كوب حليب دافئ
ملعقة صغيرة ممتائة ملح
3 كوب طحين

لتغطيس كرات الخبز:
1/2 اصبع زبدة مذاب
2 سن ثوم مهروس
1/4 كوب بقدونس مفروم ناعم او اي نوع اعشاب مثل الزعتر

الطريقة:
تذاب الخميرة والماء والسكر وتخمر عدة دقائق
يضاف الحليب والزبدة المذابة والطحين والملح وتعجن 7 دقائق على العجانة او 10 باليد
تقطع كرات بالحجم الذي تريديه
تخلط مكونات تغطيس الخبز معا
يدهن قالب الخبز بالقليل من الزبدة وتغطس كرات الخبز بخليط الزبدة وترتب في القالب
تغطى ويترك ليخمر ساعة


يحمى الفرن الى 180 ويخبز القالب حوالي 1/2 ساعة
ويقدم مع المعكرونة او الشوربة
والف صحة

واحلى اشي بهاد الخبز انه كل واحد بياخد كرة بدون ما تضطري تقسمي الرغيف...

English Version of the post

A very busy weekend around here and it is one of the reasons why I couldn't post yesterday, therefore, today I will be compensating you by posting two recipes which you have requested. The list of requests is just piling up, I scratch one item to add another three. I hope that I will be able to fulfill all of your requests  this month, if not then I am anticipating a chance next year

How was your weekend? I hope it was fun and full of achievements to the highly achievers out there and relaxing to whoever have the chance to kick back and relax after a long week of hard work ...not for mother's I must say...we know no such thing as RELAX or VACATION even when we are claiming to having one..for example I have an alive human alarm that wakes me up every morning at 6 or 6:15 if he is being nice and generous...my youngest toddler is just very punctual with time....hahaha This applies to weekdays and weekends. So Vacation? What vacation?!! There is no meaning for such a word in my vocab

The only me time that I have is night time when all is in bed...I am exhausted from all that I have done during the day but if I don't use up an hour or two at night then my work and passion is dead...sigh!! This leaves me with little time to rest but I am getting used to it.

Today is the 6th of December and  I am proud that I have postponed visiting the supermarket till now. I only bought some produce in hopes that I will be able to manage this month...

Today's two recipes are for turnips pickles and garlic pull apart loaf...

Turnip pickles are so common in the Middle East, they are tangy and deliciously vibrant pinkish color (due to adding beets during the pickling process) Here is my recipe..

Pickled Mediterranean Turnips
Ingredients and Directions:

Turnips cut into cubes or wedges (you can make as much as you like)
Pickling salt (try not to use table salt, it tends to make your pickles go bad quickly)
Pickling liquid: Boil water (amount depends on how much turnips you are planning to make) and the formula should be: 
1 cup water + 1/4 cup vinegar + Tbsp pickling salt

Boil this and let it cool completely

Sprinkle cut turnips with pickling salt and let it drain some of its water for one day. Fill into your sterilized jars with around 1 cut up beet for every med size jar.
Add cooled pickling liquid and close tightly. 
Store in a dark cool place for a week. Enjoy later...



The second recipe for the day is the pull apart garlic loaf...easy and it only needs one time to rise...who is complaining?!!

Pull apart Garlic loaf
Ingredients:
1 tsp yeast
1/2 cup warm water
1 Tbsp sugar
1 Tbsp butter
1/2 cup warm milk
1 tsp salt
3 cups flour

To dip the bread before baking:
1/2 stick of butter, melted
3 garlic cloves, minced
1/3 cup chopped parsley of any fresh herb you like 

Directions:
Mix yeast, warm water and sugar and let it set for few minutes
Add the rest of the ingredients and knead for at least 7 - 10 min
Cut dough into small balls and dip into the dipping mixture which is made by mixing all ingredients together.
Lay cut pieces into a loaf pan and cover to let it rise for an hour
Heat oven to 180 and bake until golden brown (about  30 min)
Serve hot with pasta or soup.


Comments

  1. يسعد مساكي منال بس سؤال شو بفرق الملح الخشن عن ملح العادي في ﺍﻟﺘﺨﻠﻴﻞ

    ReplyDelete
    Replies
    1. الخشن دائما احسن ما في اضافات وبملح معقول

      Delete
  2. والله شكل الخبز بفتح النفس الله يعطيكي الف مليون ترليون عافيه

    ReplyDelete
  3. تسلم ايديكي منال اجمل ما فيكي انك بتعملي كل شي بوقت نزوله فعلا انا ناويه اعمل مخلل لفت بس انا كنت ارشه ملح واتركه فترة بس بطلت سرت اخلله دغري ما حسيت فرق بالك لازم ارجع ارش ملح واتركه على كل حال
    بس شو ابدعتي بارغيف طبعا كلعاده يسعدلي اياكي

    ReplyDelete
    Replies
    1. وايديكي يا رب...الهدف انه يضل يقرش وفترة اطول ليس الا...بس اذا بتقولي ما في فرق..خلص اريح :)

      Delete
  4. شكله بيشهي يسلمو ايديكي مع شو بيتاكل هدا النوع من الخبز ؟

    ReplyDelete
    Replies
    1. اهلا تغريد ان كاتبة مع معكرونة او شوربة :)

      Delete
    2. هاهاها هلا انتبهت شكلة بيشهي يمكن بكرة اعمله

      Delete
  5. منال بدي اسالك انا هيك اعتبر مسجله عضوه بالمدونه لانه بس بكتب اسمي ما بكتب اشي ثاني ؟

    ReplyDelete
  6. يسلمو الخبز شكله بشهي والمخلل لونه رائع.
    ممكن وصفة مخلل الخيار

    ReplyDelete
  7. يسلموو منال . منال بدي نصيحه منك شو الاساسيات الي لازم اتعلمها في امور الطبخ قبل زواجي..

    ReplyDelete
    Replies
    1. كتير في اشياء والله بس نصيحتي ادخلي وجربي بالمطبخ كل ما بتقدري

      Delete
  8. روعة يسلمو ع الوصفات سهلة واضحه جدا

    ReplyDelete
  9. يسلمو على هالوصفات..سؤال..بقدر استبدل الزبدة بزيت؟

    ReplyDelete
  10. يسلمو ايديكي عالوصفات الرائعه شكل رغيف الخبز بشهي واليوم انا عملت وصفة الازو كون بويو يميييييييي شو طلعت زاكيه وشكلها عالسفره بفتح النفس عنجد شكرا عالوصفه من كل قلبي

    ReplyDelete
  11. يسلمو ايديكي يا ست منال على الوصفات .. بس استفسار مو كتير اسبوع بصير بنفس اليوم قصدي المخلل

    ReplyDelete
    Replies
    1. ممكن يحتاج وقت اقل المهم يبطل ينزل مي

      Delete
  12. موسم اللفت والتخليل.. بنجربه ع طريقتك. مشكوره

    ReplyDelete
  13. يسلمو ايدكي على الوصفات الرائعه وانشالله ناويه اعمل الخبز اليوم عنجد شكلهم بشهي يعطيكي الف عافية عزيزتي منال :)

    ReplyDelete
  14. سؤال ست منال انا ما عندي الاكواب المعياريه ولمى تحكي كوب طحين شو هي الكاسه يلي لازم نستخدمها ازا سمحتي وشكرا.

    ReplyDelete
  15. يسلموا ايديكي منال والله يعطيكي الف عافية

    سمعت راح تنزلي وصفة الحلبة.. ممكن تنزليها خلال اليومين القادمين.. حابة اعملها لزوجي قبل ما أسافر..
    طلب غريب يمكن.. بس اذا مافيها ازعاج راح اكون لك شاكرة وممنونة جداً

    ReplyDelete
  16. سميرة رح احاول ان شاء الله

    ReplyDelete
  17. ممكن زيت بس اخلطي زيتون وعادي لانه الزيتون بينحرق بسرعة بس الزبدة أزكى ونفس السعرات

    ReplyDelete
  18. ما كنت بعرف انهم نفس السعرات!

    ReplyDelete
  19. يااي بموت عالمخللات كلها والخبز بالثوم يسلمو ايديكي منول

    ReplyDelete
  20. انا عملت الخبز بالتوم وعنجد شو طلع زاكي زوجي وابني كتير حبوه كنت حابه ابعتلك الصوره بس بصراحه عملتهم بوقت متأخر على 2 الصبح وما صدقت اخلص وانام . يسلمو ايديكي

    ReplyDelete
  21. emanàabed@yahoo.comDecember 14, 2014 at 9:21 AM

    بشهى يا احلا منال

    ReplyDelete
  22. منال ممكن وصفة مخلل الخيار

    ReplyDelete
  23. يسلمو ايديكي منال بشهي منظرو ، ياريت تعمليلنا مخلل الزهرة كمان لانو كتير طيب وبنضرب عصفورين بحجر

    ReplyDelete
  24. يسلموا اديكي منال .... جربت اشياء انتي عاملتيها دايما شغلك طيب .... و اكتر شي دايما بعمله صينية الزعتر الاخضر و الجبنه بتشهييييييي و الكل بحبها ... حابه اعمل مخلل اللفت بس بحبه حار , ممكن تحكيلي كيف...

    ReplyDelete
  25. ممكن تحطي فلفل جاف flakes معه وأهلا وسهلا والف صحة

    ReplyDelete
  26. الله يخليلي امي يا رب
    لانها هي بتعملي المخلل كل سنة
    كتيير بحبه من ايدها وبيطلع ازبط بصراحة
    ويسلموا ايدكي

    ReplyDelete
  27. تم
    حنان ابوغوش
    مخلل لفت

    ReplyDelete
  28. This comment has been removed by the author.

    ReplyDelete
  29. تم مارينا عماري
    رغيف كرات خبز الثوم

    ReplyDelete
  30. جد انو وصفاتك روعه

    ReplyDelete
  31. كيف بيطلع المخلل بيقرش قرررررش

    ReplyDelete

Post a Comment

Popular Posts