Dahdah or Semolina Coconut Cinnamon bars دحدح

English Version of this post below

بعد صمود دام فترة... اني ما اروح على السوبرماركت رحت امبارح وصراحة طلعت الفرقية...مش معقول...عندي ادمان شراء اكل ههههههههه كل اشي بيناديني ههههه وانا هناك شفت مجموعة من السيدات (آسفة اذا نسيت الاسامي) بس اجو وسلموا علي ودردشنا شوي..شكرا الكم كتير على لطفكم وبتمنى تضلوا اتابعوني...

نرجع لشراء الاغراض...الحقيقة انا بمزح..التزمت قدر المستطاع بالقائمة اللي عندي وحبيت اشاركم بورقة عملتها لما اروح اشتري اغراض وقسمت فيها احتياجات البيت بصناديق...هيها اذا حد فيكم بيحب يطبعها ويستخدمها...




وصفة اليوم كمان طلبتوها كتير وبرضه حلو...شو قصتكم على الحلو ؟ حلو مشهور بالعالم العربي وبينباع بالشارع بصينية كبيرة...شو هو...؟ دحدح...ليش اسمه دحدح...الحقيقة مش متأكدة بس اغلب المقولات بتقول نسبة للشخص اللي كان يعمله وكان من عائلة دحدح...مش متأكدة واذا حد بيقدر يفيدنا بيكون ممتاز

بالاصل لما بينباع بالشارع بيكون عليه جوزهند مصبوغ اخضر (اظن عشان يكون شكله زي الفستق الحلبي بس ارخص...هادا اعتقادي..انا صبغته احمر :)



دحدح
المقادير:
٦ كوب سميد خشن (انا بحب الغزال)
١/٢ كوب سمنة
كوب زيت (وممكن كله زيت)
٢ ملعقة كبيرة سكر
٣ ملعقة صغيرة بيكنج باودر
ملعقة صغيرة عصفر مطحون
ملعقة صغيرة خميرة
٣ ملعقة صغيرة فانيلا
الحشوة:
٢كوب سميد
٢ كوب سكر
٢ كوب جوز هند
١/٢ كوب قرفة
القليل من الماء

الطريقة:
نخلط السميد بالبيكنج باودر والفانيلا والخميرة والسمر ثم بالسمنة والزيت ونفرك تبدأ بإضافة القليل من الماء الدافىء لتحصل على عجينة بقوام عجينة المعمول نضع نصف الكمية في صينية ألمنيوم غير عالية الحواف بقطر ٥٠ سم ( الكمية بتعمل كمية من الدحدح ويمكن قسمها للنصف)
نخلط مقادير الحشوة ونضيف الماء لنحصل على عجينة يمكن فردها
نفرد الحشوة ثم القسم الثاني من العجين
بحمى الفرن الى حرارة عالية ٢٠٠ وتخبز لتخمر من الأسفل  ويشوى الوجة
تقطع مربعات وتزين بجوز الهند

English Version of the post

I have been trying to avoid going to the supermarket for sometime this month. The idea is to use what ever I have on hand in my pantry, fridge and freezer to make meals. It has been really good but I couldn't stay far more than this..so I did some grocery shopping and bought ...well...let's just say ...a lot of things...hahaha...I feel that I am addicted to grocery shopping..unlike other women..they love to shop for clothes, gold, shoes...me ...it's food ..not that I mind shopping for other things as well...

Today's dish is another sweet dish you requested from me. It is street food, you just have to walk in any open market area in Amman and you will find this guy with a huge baking tray full of these goodies..what are they called..Dahdah ...yeah...in Arabic that is...Translation .. Semolina coconut cinnamon bars ...one word in Arabic summarizes all of this in English..lol..in actuality the word Dahdah has no significant meaning in the Arabic literature but they say that it was called this way after a guy who invented the dessert and his family's name was Dahdah..I am not sure but if you have any idea about why it was called this way..you are welcome to share with us..

So here it goes...

Dahdah ( semolina coconut cinnamon bars)

Ingredients:
6 cups med coarse semolina
1/2 cup ghee
1 cup oil ( you can only use oil instead of ghee)
2 Tbsp sugar
3 tsp vanilla
3 tsp baking powder
1 tsp yeast
1 tsp turmeric 

Filling:
2 cups semolina
2 cups grated  unsweetened coconut 
2 cups sugar
1/2 cup cinnamon 
Some water for mixing

Directions:
For the dough mix all dry ingredients then add oil and ghee, rub well between hands the start to add water to get a soft to touch dough that can be easily spread by hand. 
Mix filling ingredients, add water gradually to reach a spreadable consistency.
In a 50 cm on diameter spread half of the dough, spread the filling and smooth for an even top. Add the 2nd half. D spread evenly.
Heat the oven to 200 c and cook till it starts browning from the sides
Cut to squares and garnish with more coconut ... I dyed mine red. 



Comments

  1. مبدعة بكل افكارك منال
    تسلم ايديكي

    ReplyDelete
  2. يا الله زكرتيني بأيام المدرسة كانت تنياع عالباب يسلموا

    ReplyDelete
  3. يسلموا ايديكي وعينيكي
    هو في بعد اكلاتنا وحلوياتنا القديمه كنا ناكلها عند ستي الله يرحمها منال وين بتسوقي قوليلي بلكي شفتك بصدفه ان شاء الله

    ReplyDelete
    Replies
    1. حبيبتي دعد عادة كارفور بس شفت الستات ب سبينيس بتاج مول :) انا بروح محلات كتير..بس مش ضروري نتلاقى بمحل تسوق...تعالي بتشرفيني على فنجان قهوة :)

      Delete
    2. ان شاء الله بتشرف
      تسلمي كلك ذوق

      Delete
  4. يسلمو ايديكي بتزكر اول مرة تعرفت عليها كانو الصبايا بالسغل يضلهم يحكو دحدح وانا ما بعرفه فقررت اشتري وادوقه ويا ويلي من الطعم كان مو طيب ابدا بس الغلط كان مني اشتريت من وسط البلد من محل عادي فندمت علی اول تجربه

    ReplyDelete
  5. يسلمو ايديكي ست منال انا بحب اقرأ يلي بتكتبيه قبل الوصفه عنجد بستمتع وانا عم بقرأ . ;-)

    ReplyDelete
  6. يسعدك يا عسل والله ما في منك عملتها بس الحشوه ما طلعت اخميله زي ما انت عامليتها شو السبب هل ممكن تكون الصنيه الي عملت فيها الها دخل زاكيه كتير بس بحكيلي زوجي.الحشوه لازم تكون ﺍﺧﻤﻴﻠﻪ

    ReplyDelete
  7. يسعد مساكى والله ما انا عارفه شو احكى كانى معك وبلمقدمة يالى بتكتبى بتخسسى الواخد معك بكل خطوة ابداع بمعنى ااكلمة الى الامام وبتقدم والازدهار يارب

    ReplyDelete
  8. يسلمو كثير ع الوصفة ... رح اجربها وابعتلك تطبيقها اذا الله راد

    ReplyDelete
  9. يسلمو ايديكي الي قديش بدور عوصفة مضمونه للدحدح لانه بصراحه مابدي اشتريها من السوق ولانو جربتها زمان طلعت الطبقتين العلويه واللي تحت مخشبه بمعنى الكلمه باختصار فعلا وصفاتك جاي عالوجع هاد الشهر يسلمو يسلمو يسلمو مبدعه

    ReplyDelete
  10. كتير حلوه فكرة قائمة التسوق يعني ممكن الست تعلقها عالتلاجه او اي مكان بالمطبخ وتكتب يلي ناقصها اول بأول

    ReplyDelete
  11. عجبتني جدااا قائمة للتسوق رح اسحبها واعلقها عالتلاجه واضل اعبي فيها طول الاسبوع لمني روح عالكارفور .. رائعه منال.. بتجننني.

    ReplyDelete
  12. رانية على الأغلب الصينية.. فممكن نزيدي الحشوة كمان ١/٢ كمية

    ReplyDelete
  13. دحدح والله الحقيقة اول مرة بسمع فيه :) بس شكلة زاكي لازم نجربة يسلمو منال

    ReplyDelete
  14. ان شاء الله بجرب مرا تانيه يسلمو على ﺭﺩﻙ

    ReplyDelete
  15. ياي حبيت اكيد رح اجربها ويسلمو هالايدين يا اروء شيف بس سؤال اذا بنعمل نص والكميه بصير ؟ وقديش بتعمل حجم صينيه ؟

    ReplyDelete
  16. يسلموااااا ايديكي كتيير على قائمة التسوق لانها بصراحة كتيير مهمة وبتخلي عملية التسوق منظمة وما بننسى شي متل كل مرة
    وشكرا كتيير لوصفة الدحدح
    سبحان الله بالشتا بحب الواحد ياكل حلو كتير ويا ريت لو نصنعه ببوتنا ونستغني عن الجاهز لانو كلها وصفات سهلة وبشوية تطبيق للوصفة بتطلع ولا احلى من هيك

    ReplyDelete
  17. صباح الورد منال نفس السميد نستعمل حتى الحشوه خشن وانا عندي سميد الغزال بس مو مكتوب ع الباكيت انه خشن او ناعم ممكن استععمله

    ReplyDelete
  18. سوري بس بعدين انتبهت انه ممكن نصف الكميه كاتبه
    انا هلا لاول مره رح اعملها وببعتلك النتيجه ههه الله يستر واكون عامليتها صح
    بس بدي اقترح اقتراح انه بس تنزلي وصفه تنزلي صوره لكل خطوه اذا ممكن حتى يكون شوف وحكي وشكرا منول

    ReplyDelete
  19. حبيت قائمة التسوق ..كتير حلوة ومشجعة على الالتزام خلال التسوق

    ReplyDelete
  20. تسلم ايديكي فعلا مشهية صينية الدحدح بهيك جو ..بس حبيت لون جوز الهند احلى من اللي بالسوق..انشاء الله بجرب الوصفة

    ReplyDelete
  21. طبق الحلويات المفضل لدى خطيبي ههههه انبسطت كتير انك عملتي هالوصفة متعودين انو تنشرى جاهزة وماعمري دقتها بس ازا نعملت بالبيت اكيد رح اتشجع اجربها

    ReplyDelete
  22. 👍ممتاز خلود دخلت المسابقة

    ReplyDelete

Post a Comment

Popular Posts