المايونيز بدون بيض وازالة بقع الزيت وسلطة الحمص والفلافل Egg-less mayo, how to remove oil stains and Hummus Falafle salad

English Version of this post is below

اليوم 27 الشهر وباقي كم يوم وبعلن الفائزة بالجائزة لهاد الشهر...المنافسة شديدة بين اكتر من عضوة وجد بشكركم من كل قلبي على تعليقاتكم الحلوة واللي بتمنى تستمر دايما لانها وسيلتي للتواصل معكم واني اشعر اني ما عم بحكي مع حالي...ههههههه
ومع اقتراب نهاية العام بحب اتمنالكم بداية سنة سعيدة ان شاء الله تكون فيها تحقيق لطموحاتكم واحلامكم وكمان المزيد من النجاحات والافراح وانه ربنا يديم علينا الصحو والعافية والامن والامان...

وبدي استغل الفرصة كمان عشان اخبركم اني ومع بداية السنة الجديدة ان شاء الله رح ارجع لدروس الطبخ ورح اعلن عن الدروس القادمة قريبا ان شاء الله...بس بستنى لما النونو الله يرضى عليه يداوم :)

بوست اليوم رح يكون منوع شوي...كنت بتصفح الفيس بوك قبل كم يوم وانتبهت على بوست اجنبي حد عامله شير (الله يجزيه الخير) وهو كيف نزيل بقع الزيت المستعصية من الملابس..وتوقعت اشي معقد طلع شو (وانا متأكدة انه اغلبكم بيعرف هالاشي بس هي جديدة علي) دواء الجلي...بس بتحطى منه على فرشاية اسنان وبتفركي البقعة وبتغسليها عادي والدليل على نجاح الموضوع هو انهم بيستعملوا سائل الجلي بازالة بقع النفط عن الطيور لما يصير تسريب للمواد النفطية بالبحر...جد!!! معقول قلت ببالي...يعني في منطق خاصة وانه دعايات سائل الجلي بتركز كتير على موضوع ازالة الدهون...طيب قلت والله خليني اجرب...بمين؟.... بشو؟....بقمصان ياسمين التنين اللي للمدرسة...ياسمين تعشق اللبنة والزيت وطبعا حضرتها نقطت زيت على بلايز المدرسة واكتر من مرة...في المرات اللي كان من الممكن ادراك الموقف حطيت بودرة او طحين بس فس مرات ما زبط وصار المنظر..بيخزي بس البلوزتين مناح وجداد تقريبا لولا بقع الزيت...واللي بيضحك بالموضوع انها هي مش سائلة ولا فارقة عندها انها تروح هيك على المدرسة بس انا بكون بدي افقع عنها وبفكر شو رح يقولوا...والله امها ما بتغسل؟!!! 

طيب فبدأت العملية وقررت اصور.. لاثبات فشل او نجاح العملية واللي كنت يعني شاكة فيها صراحة!!! يعني شايفين قديش البقعة قديمة رح تصير من لون القميص...يادي الكسوف!!!


وعملت بالزبط زي ما قرأت...فركت محل البقعة بسائل الجلي وغسلتها عادي بالغسالة



والنتيجة كانت


طبعا ياسمين انبسطت بس مش قدي...تقولوا قميصي انا!!!! 

وصرت افكر باديش كان ممكن انقذ اواعي تخلصت منها بسبب بقع الزيت اللي ما لحقتها بالبودرة ...بس حبيت الموضوع كتير...

الفكرة التانية اليوم هي لما بنجيب حمص وفلافل وفول لفطور يوم الجمعة وبيزيد شوي من كل اشي وما بدك الكل يتخانق عليهم لانهم ما بكفوا للكل...عملت هالصحن اليوم وانجبر تمانا...بعرفوا كيف الفلافل زكاوته وهو سخن ولكن بالطريقة اللي عملتها اليوم اناكا...خلطت الحمص مع الفول وحطيت الفلافل وفرمت خيار وبندورة وبصل اخضر على الوجة... طبعا الاولاد عجبهم كتير وقال شو هاد ماما...سلطة حمص بالفلافل؟!! قلتلهم آه اذا بتحبوا تسموه هيك المهم كلوا وخلصوني ويالله على الدراسة!! افففف زهقت من الامتحانات والنق طول النهار على الدراسة...


اما المعلومة او الوصفة لليوم في المايونيز بالبيت وطريقة اليوم بدون بيض بيطلع الطعم كتير قريب من المايونيز لاي حد عنده حساسية وكمان اكتر امان لانه انا بصراحة ما بضمن البيض هون كتير مع انه استخدام عصير الليمون والخل بالوصفة الاصلية بيساعد انه الامور تكون احسن وطبعا معرفتكم لمصدر البيض وانه طازج اكيد بس للاحتياط هي الطريقة اللي بستعملها بدون بيض

المايونيز بدون بيض
المقادير:
3/4 كوب ماء
1/2 1 ملعقة طعام سكر
1/2 1 ملعقة صغيرة ملح
1 ملعقة صغيرة معجون ماسترد
3 ملعقة طعام خل
2 ملعقة طعام عصير ليمون
كوب حليب بودرة
كوب زيت نباتي

الطريقة:
توضع كل المقادير بالخلاط بدون الزيت ويدار الخلاط ثم ننزل الزيت بشكل سلسلة خفيفة اثناء دوران الخلاط لنحصل على قوام المايونيز نتذوق لتعديل الملوحة او الحموضة او الحلاوة حسب المرغوب ونحتفظ به في الثلاجة لمدة اسبوع مغطى



English Version of the post

Today marks the 27th of Dec and we are few days away from announcing the lucky winner of this month's giveaway which really has been fun and quite competitive between few members..if you don't win this time, fear no more...there is another giveaway inshalla next month...so the best of luck to all of you and thank you indeed for your dedication and comments that helped me to feel that I am not blabbering on my own here and that there are people out there who read, question, comment and try new recipes...love you all and wish you a very happy, successful new year for you and your loved ones.

I would also like to take this opportunity to announce that I am going back to giving cooking classes next year inshalla as I used to a year ago...I have been giving classes for few years now but due to some family conditions including having Haroon, I had to put things on hold a bit...now that I have some time to spare and that he is in pre-school, I can with excitement come back...so I hope that I will be announcing the schedule soon but bare with me till my lovely Haroon goes back to school on the 4th of January Inshalla.

This post is going to have a variety of interesting information...the first one is actually the most amazing household tip that I stumbled upon the other day while surfing facebook...someone shared a link on how to clean stuborn oil and grease spot from clothes. I clicked on the link thinking that the process is going to be complicated and most likekly will require buying some expensive product...low and behold it was the old dish washer detergent that will do the trick..all you have to do is to rub the spot with an old tooth brush dabbed with dish washing liquid detergent and just wash as usual...Now I was very skeptical but the analogy behind this was that they use liquid dish washing detergent to clean grease and oil spots off of animals and birds whenever there is an oil pollution problem in the water...hmmm..interesting I thought!! Yes, it makes sense...most of the dish washing detergent adds keep talking about cutting through grease...so I decided to give it a shot and what would be a better candidate more than Yasmin, my eldest, school shirts that had several oil stains on them for some weeks now...she love to eat labaneh and oil and it took its toll on her school outfit...I felt bad every time she went to school as the two sweaters where stained..Yasmin with all do honesty didn't seem to mind while I was a bit upset every time I saw her wearing the school T.shirts. 

So I let the action begin...and the results where just amazing..let the photos explain...

Before



After


Now I wish I can stop thinking of all the cloths that I ended up throwing away due to this problem...grrrrr....glad I found this trick

The other thought I want to share for the day is a very simple one but it does solve a problem...we here in the Middle East like out Hummus, Falafel and Foul breakfast on Fridays, but often in my household I do end up with a bit of each and of course I am not going to through away..sometimes one of the kids would raid the fridge and eat some of them but sometimes I end up with a bit of each that are not enough for all..of course you can always wrap leftovers in a sandwiches but today I decided to mix the hummus and foul, top with chopped falafel and some green onions, cucumbers and cherry tomatoes...they were delicious and the kids thought what is that Mama....hummus falafel salad?!! Well, sure if you would like to call it this way, I replied!!! Of course I was thrilled they ate it... :)



Now comes the recipe of the day which is home made mayonnaise, there are two kinds, the original one using eggs and the egg less one. I personally buy mayo from the store, home made mayo is great and much better tasting but I am always worried about the eggs safety part so if I am in a rush and need some mayo and I have non on hand I would resort to the egg less recipe which really provides a good alternative especially if you have people with allergies to eggs. Here is the recipe

Egg less Mayo
Ingredients:
3/4 cup water
1 1/2 Tbsp sugar
1 1/2 tsp salt
1 tsp mustard
3 Tbsp vinegar
2 Tbsp lemon juice
1 cup powdered milk
1 cup oil

Direction:
Mix all ingredients in the blender except for the oil and run it. Then add the oil drizzling in a light stream from the top of the blender while it is running until it comes together and becomes thick. Keep in the refrigerator covered for up to one week.


Comments

  1. يسلمووو ايديكي ع الاشياء الي بتشهي ،ماشاءالله زي السحر راحت البقعة ، انا اول مرة بسمع في دوا الجلي ،سمعت قبل فترة انو الايزي تاع تنضيف الزجاج بيشيل البقع لانو فيه امونيا ، وانو فعال كتير ، بس رح اجرب دوا الجلي بس فكرك بزبط لقماش الكنابيات ؟ لانو كتير في بقع زيت وحالتهم حالة وبضل اقلب فيهم للوجه التاني مشان ماتبين البقع

    ReplyDelete
  2. يسلمو منال على افكارك و موضوعاتك المتنوعة :)
    بالنسبة لبقعة الزيت انا بستخدم سائل الجلي في ازالة بقع الزيت و لكن الي لاحظت انو اكثر فعالية معجون الاسنان..انا بحط منه على البقعة و بتركها يوم و بعدين بزيل اثار معجون الاسنان بالمي و بعدين على الغسالة و النتيجة ناجحة في كل مره

    ReplyDelete
  3. شكرًا حنين بجربه المرة الجاي بس هاد فظيع يعني بس فركته شوي وعلى الغسالة والبقعة الها أشهر !!! ديما اذا بينقاموا الوجوه جربي فظيعة الطريقة

    ReplyDelete
    Replies
    1. ان شاء الله مدام منال..بكل شيء انت مبدعة 😊

      Delete
  4. احلا شي فيكي انه بتشاركينا كل تجاربك الله يعطيكي العافيه ويجزيكي الخير عالافكار الرائعه

    ReplyDelete
  5. مش عارفة ليش بتغلب لحتى ينزل تعليقي، اكثر من مرة بحاول، اللي بدي احكيه هو شكرا الك على كل اشي ووصفة المايونيز رح اجربها بدل اللي فيها بيض ان شاء الله

    ReplyDelete
  6. مش عارفة ليش بتغلب لحتى ينزل تعليقي، اكثر من مرة بحاول، اللي بدي احكيه هو شكرا الك على كل اشي ووصفة المايونيز رح اجربها بدل اللي فيها بيض ان شاء الله

    ReplyDelete
  7. حبيبتي منال الله يسعدك
    بستناكي ع طول
    وبستنا افكارك الحلوة
    ومشاركتك النا بيومياتك كانك رفيقة للكل
    شكرا الك😘

    ReplyDelete
  8. مساء الخير
    والله كلنا بقع الزيت عاملتلنا قلق وانا بستعمل البودرة واذا ما انتبهت على البقعة وانغسلت بقول على القطعة السلام
    يسلموا على المعلومة وأكيد حجربها وعجبتني فكرة الكوكتيل البقولي لأن الفلافل بالذات لما يبرد ما حدا بيرضى ياكلو
    ويا رب تخلص الامتحانات على خير وانا كمان عندي توجيهي ولتكمل معي انا كمان امتحاناتي بالجامعة بلشت
    الله ينجح الجميع ويكون بعون كل الأمهات

    ReplyDelete
  9. واووو يسلمو علی طريقة ازالة البقع عن جد كنت اعاني منها راح اجربها بكل تأكيد

    ReplyDelete
  10. افاميا الله ينجحك انت والاولاد وتسلموا جميعا

    ReplyDelete
  11. والله انك رائعه يا منال وافكارك حلوه يسلموعلى ازالة الزيت عن الاواعي فكره جديده ومفيده والمايونيز من غير بيض رائع بواقي الحمص والفلافل روعه نشكرك كتير وبانتظار جديدك للسنه الجديده

    ReplyDelete
  12. شكرا ع الافكار الرائعة والبسيطة .. بس يا ريت تحكيلنا وصفة الفلافل بللبيت

    ReplyDelete
  13. شكرا منال على البوست الشيق والمفيد جوعتينا هلا رح أقوم اجرب سلطة الفلافل والحمص يسلمو

    ReplyDelete
  14. اولا بتمنالك سنة 2015 تكون سنة خير عليكي وعلى اسرتك .ويديم عليكي الصحة يا احلى منال.وكلمة شكرا ما بتوفيكي حقك😍شكرا منال من كل قلبي ..وانا سعيدة اني تعرفت على حضرتك وبتمنى انزل على عمان واشوفك ..حبيت سلطة الفلافل😉

    ReplyDelete
  15. افكار رائعة ومفيده

    ReplyDelete
  16. وفعلا نحنا استمتعنا كثير هدا الشهر بالتجول بالمدونة
    من افكار الترتيب وتنظيم امور البيت بالاضافة للوصفات الرائعة
    وان شاء الله التوفيق للجمييع يا رب

    ReplyDelete
  17. تم
    حنان ابوغوش
    سلطة

    ReplyDelete

Post a Comment

Popular Posts