Top 12 main dishes for 2014اكثر 12 طبق رئيسي حبيتهم بال 2014

English Version of this post is below

شارفت ال  2014 على النهاية واكيد انها كانت سنة حلوة باشياء وسنة مرة باشياء تانية...هيك حال الدنيا..بستغرب من التعليقات المضحكة على الفيس بوك واللي بتودع ال 2014 بطريقة مليانة سخرية واستهزاء وانها كانت سنة سيئة جدا...اكيد كلنا مرت علينا لحظات تعيسة بس برضه اكيد كان في لحظات حلوة ...ومن احلى المحطات اللي مرت علي هاي السنة هي لقائي (الغير شخصي) بكتير منكم من خلال الفيس بوك والمدونة واكيد من خلال ظهوري على قناة رؤيا واللي للاسف انتهى بس ان شاء الله رح يكون في محطات جديدة وعلى قولة صديقتي ديالا الدباس "الجاي احلى" باذن الله...


واللي بعرفني بيعرف انه الي اهتمامات كتير بجانب الطبخ..فانا بحب الاشغال اليدوية والمشاريع المنزلية والديكور ومؤخرا شغف بالتصوير وكمان بحب الادب والكتابة كتير...وبالوقت اللي ما بطبخ او بعمل اشي اله دخل بالهوايات التانية بحب اني اقرأ...بالعربي او بالانجليزي..كتب وقصص وشعر سواءا مطبوعة او من خلال الانترنت...ببوست اليوم رح اشارككم مقتطفات بالعربي و بالانجليزي حبيتهم كتير...معبرين بالنسبة الي...كوني حساسة واميل للرومانسية شوي :) ههههه يمكن هاد الجانب البعض بس بيعرفه عني....ومن ضمن الاشياء اللي بحب اعملها لما بقرأ اشي اني احتفظ بقصاصات او عبارات حبيتها من القصة او القصيدة اللي بقرأها...وبما انه احنا على مشارف نهاية العام فقررت اني اشارككم بكم قطعة حبيتهم كنير هاي السنة.... يالله مش كله طبخ  خليها كمان تعريف بجوانب جديدة من شخصيتي ما بيعرفها البعض... بس بالاول خلينا نرجع للطبخ...ما بقدر :)

مقال اليوم رح يكون من ضمن سلسة ال 12 طبق الرئيسي اللي حبيتهم بال 2014 


اطباق اليوم من اعلى اليمين الى اليسار للاسفل هي

  1. اللازانيا
  2. كفتة حسن باشا (هاي وصفتها اليوم بهاد البوست)
  3. مقلوبة الباذنجان ورابط لمجلة سيدتي لانه الوصفة تم نشرها هناك
  4. ستير فراي بالستيك (صيني)
  5. كبسة لسان العصفور
  6. مسقعة البطاطا
  7. ستيك بالفليلفة
  8. صينية معكرونة بالدجاج والبارمزان
  9. الارز المفلفل باللحم وحليب جوز الهند
  10. مندي باللحم
  11. الصفيحة الارمنية
  12. برياني الكفتة

وطبق اليوم هو كفتة حسن باشا..طبق تركي مميز وشكله رائع بالعزايم



كفتة حسن باشا
المقادير:
كيلو لحم مفروم
 بصلة متوسطة مفرومة ناعم
 بيضة
1/2 ملعقة صغيرة ملح
1/2 ملعقة صغيرة فلفل أسود
 1/2 كوب قرشلة جافة للبطاطا
 حبة بطاطا كبيرة مسلوقة ومهروسة مع إضافة ملعقة طعام زبدة وحوالي 1/3 كوب حليب لتصبح طرية
½ كوب جبنة شدر مبشورة
للصوص
ملعقة طعام زيت زيتون
 بصلة صغيرة مفرومة ناعم
علبة بندورة مهروسة
1 ملعقة كبيرة رب البندورة مع القليل من الماء
1/2 ملعقة صغيرة ملح
قطعة فحم للتدخين

الطريقة :
1. لتحضير الصوص: يوضع الزيت على النار ونقلب فيه البصلة لتذبل
2.نضيف البندورة ورب البندورة والماء والملح والفلفل الأسود وتترك لتتسبك على النار من 15-20 دقيقة وتسكب في قاع صحن للفرن
3.تخلط مكونات الكفتة وتشكل مثل الفنجان وتصف في صحن الفرن فوق الصوص
4. تخلط البطاطا المهروسة بالجبنة وتسكب في كيس تزيين الكريما وتشكل كهرم فوق الكفتة وتوضع بالفرن على حرارة 170 من 20-25 دقيقة
5. في هذه الأثناء يسخن الفحم ليصبح كالجمر ويغطى بورق القصدير وفي صحن صغير نضع الفحم وفوقه القليل من الزيت ليبدأ بالتدخين ويوضع في وسط صينية الكفتة
6. بعد أن تنضج وتغطى بالألمنيوم لتصبح كأنها طبخت فوق الفحم وترفع القطعة بمجرد وقوف الدخان عن الخروج. يقدم مع الارز.

اما المقتطفات اللي حبيتها السنة فهي

من كلمات نزار قباني..



واخيرا


English Version of the post

2014 is almost over and it has been quite a thrilling year...isn't that the case every year? Unfortunately, many of us tend to only remember the bad and ugly moments they had each year in hopes that the year after will carry with it a brighter side...well let me break it to you people..we do this every year...We set new year resolutions and we hope for a better one..and don't get me wrong..there is nothing wrong with that however I just want to remind you that if you think deeply and carefully you will find that 2014 was just like any other year before and most likely like many other years to come...it held within it's folds the good and the ugly...so try to embarrass the good moments just as much as you remember the bad ones. Many of us have lost something; a true love, a friend, a sibling, a job, or even an interest. This lose might not be real (I mean the person you lost might not be dead!) but you might have lost him/her from your life for some reason.. just remember not to let your lose stop you from trying again and trying harder to move on and live to the best of your ability...



Many of you might know that I have many other interests beside cooking...oh yeah!!! I do!!! I love to do crafts, love blogging and now I am  fascinated with food photography .... another love of mine is reading...I love to read in both Arabic and English...books, novels, poetry whether a hard copy or online...I tend to keep scraps of what I like the most from what I read...it brings a smile on my face whenever I go through it later...I do have this softy, romantic side about me that causes me continuous heartaches...yet I am proud of it...So...since we are on the verge of the end of 2014, I decided to share with you some pieces that I liked the most from my scraps this year..you will find it at the end of this post..

So first let us continue with the best 12 series with the best 12 main dishes that I liked this year...

Here they are


The recipes from the top right towards the left then under
  1. Lasagna
  2.  Hasan Pasha Kufta (Turkish lamb dish) Recipe below
  3. Upside down rice dish (Eggplants Maqlobah) link to Sayedati.net
  4. Steak stir fry
  5. Orzo Kabsah
  6. Potato Mossaka
  7. Almost P.F. Change pepper steak
  8. Chicken Parmesan Pasta Casserole
  9. Coconut and lamb rice pilaf
  10. Meat Mandi
  11. Armenian Sfeeha (Meat pastry bread)
  12. Kufta Biryani

So for today, my recipe is Hasan Pasha Kufta...a Turkish Lamb dish that is very impressive in parties

Hasan Pasha Kufta
Ingredients:
1 Kg minced lamb
1 med onion, minced
1 egg
1/2 tsp salt
1/2 tsp black pepper
1/2 cup bread crumbs
For mashed potatoes:
2 large potatoes, boiled and mashed with 1 Tbsp butter and 1/3 cup milk so it becomes soft that it can be piped through a pastry bag
1/2 cup grated cheddar cheese
For tomato sauce:
1 Tbsp olive oil
1 small onion minced
1 can crushed tomatoes
1 Tbsp tomato paste diluted with about 1/4 cup of water
Salt and pepper
1 piece of coal to smoke the dish

Directions
To make the sauce, put the oil in the pot and saute onion till translucent in color. Add tomatoes and  paste, salt, pepper and let it cook over low heat for 15-20 min and pour in the bottom of your casserole dish
Mix Kufta ingredients together and shape like a small bowl to hold the mashed potatoes; line on top of tomato sauce
Mix mashed potatoes with cheddar cheese and pipe through a pastry bag on top of each kufta patties that you shaped just like the photo
Heat the oven to 170 and cook for 20-25 min
In the meantime, heat the piece of coal on top of the stove till it becomes red, make a small bowl out of aluminium foil and put the hot piece of coal in it. Prepare another big piece of aluminum foil to cover the casserole dish. Place the small bowl with the coal in the middle of the casserole and pour few drops of oil, it will start to smoke immediately. Cover with the big piece of aluminum to trap the smoke and end up with a delicious dish that feels like it has been cooking on the grill for sometime. Serve with hot white rice.   



So here are my favorite pieces this year..




And finally to all of my followers and readers




Comments

  1. صباح الخير صحيت علی احلی بوست بال 2014 طبخه بتشهي وكلمات جميلة جدا خصوصا اللي لنزار قباني.
    يسعدلي هالصباح

    ReplyDelete
  2. يسعد صباحك يا رب كلنا بها السنة مرينا بلحظات حلوة وأكيد صار معنا مواقف مزعجة بس بالنسبة الي بشكل عام هي السنة حاسميها سنة الفرج والحمد لله
    وبالنسبة لطبخاتك انا تقريباً كلهم مفضلين ما عدا مقلوبة الباذنجان... وحلوة الثقافة ويكون الإنسان بيعرف شي عن كل شي
    ويا رب السنة الجديدة خير وراحة بال للجميع

    ReplyDelete
  3. يسعد صباحك منال عندي مشكله بس بدي افتح شي من الوصفات بيعطيني غير مسموح

    ReplyDelete
  4. غريب انا جربتهم وليفتحوا من الموبايل والكومبيوتر

    ReplyDelete
  5. بالنسبه الي منال صدقا انتي من احلى الاشياء اللي صارتلي ب 2014 تعرفت على مدونتك وسالتك وجاوبتيني احيانا بتحبي انسان من غير ما تشوفيه شخصيا وانا هيك حبيتك كتير وبجد لما تيجي ف بالي بدعيلك دائما ربي يوفقك ويحميلك عائلتك ويخليلك اياهم بتمنالك نهايه سنه حلوه يارب وبدايه جديده اكيد احلى باذن الله ..منار

    ReplyDelete
  6. يا عيني يعطيك العافيه والله العبارات رائعه والطبخه يمييي انا بحب الكفته ويعطيك الف عافيه وكل عام وانتو بخير

    ReplyDelete
  7. منال سنة خير عليكي.وعلى.عيلتك انا مبسوطه لاني تعرفت.على انسانه بمعنى الكلمه من خلال. المدونه.وان شاء الله تيجي الفرصه وشوفك شخصي بتمنالك الجاي.احلى ومزبد.من التقدم حكتلك اياها قبل هبك الي ربنى بحبو بحبب عبادو فيه وانا.بحبك في الله الله يسعدك

    ReplyDelete
  8. يا عيني عليكي ويحفظك يا منال كل يوم بتفاجئينا باشي جديد كتير بحب اقرألك لانه كلامك قريب من القلب وبحس حالي كأنه عم يحكي عن حدا بيشبهني اليوم عملت سينامون رولا وكتير كان ناجح وبيبيض الوجه شكرًا

    ReplyDelete
  9. شيف منال انت انسانةرائعة ودخلتي بقوة لحياتنا.بس عباراتك فيها حزن وخيبة امل. بتمنى.السنةالجاي تكون مليئة بالنجاحات.وخسارة انا كنت بتابعك ع رؤيا وعن طريقها تعرفت عالمدونة بس كله لخير.

    ReplyDelete
  10. شيف منال وصفة فطيرة الراعي مسجلة عالمدونة

    ReplyDelete
  11. مدام منال كل مابتنزلي بوست بتحمس اقرأ يلي مكتوب قبل الوصفه لانه بتشاركينا لحظات خاصه فيكي ولاسلوبك الرائع والبساطه في التعبير وهاد عالاكيد خلانا نحبك اكتر ونحترمك ونشجعك اكتر واكتر لانك انسانه مبدعه وطموحه ماشاء الله ويارب سنة ٢٠١٥ تكون سنة خير عليكي وعلى عيلتك وتحققي فيها كل امنياتك وبدي اسرق بعد اذنك كم عباره منك عجبوني كتير كتير
    وبالنسبه للوصفات كتير زاكيه وصفة كفتة حسن باشا جربتها مره ومن وصفاتك اللي قبل وصفة الصفيحه الارمنيه وصفه رائعه ويسلمو ايديكي

    ReplyDelete
  12. تسلموا جميعا على زوقكم ووصفة فطيرة الراعي ان شاء الله بحطها قريب والعبارات اللي فوق مش حزن وخيبة امل بقدر ما هي قوية ومؤثرة وحقيقية الله يجعل السنة الجاي احلى وأحلى

    ReplyDelete
  13. ان شاء الله بتكون السنة الي جاي سنة حلوة ومليانة فرح .. خبرينا وين رح نشوفك ع قنوات تانية وبشكرك من قلبي لاني جربت اكتر من وصفة الك وطلعت كتير زاكية ومرتبة

    ReplyDelete
  14. مااحلى روحك منال ماشاءالله عليكي جدا مميزة ومتميزة ، من اول مرة شفتك فيها على رؤيا شديتي انتباهي وطبقت وصفتك بنفس اليوم بدون اي تردد ولا كسل ، روحك رائعة ومن الشخصيات الي بس اشوفها واتابعها بحس انو كل شي بسيط وكل شي الو حل مابعرف شو دخل هاد بالطبخ بس جد هيك بحس اول مااشوفك :) الله يسعدك وان شاءالله السنة القادمة تكون سنة خير عليكي ويستمر ابداعك ونشوفك من جديد

    ReplyDelete
  15. تسلمي حبيبتي ديما كلك زوق

    ReplyDelete
  16. يسعد اوقاتك
    ويعطيكي الف عافية
    وصفات بتجنن
    وعبارات ولا اروع من هيك

    ReplyDelete
  17. سنه خير عالجميع ياارب. .وبحب طريقه الكتابه والتعبير بعفوية ...بحب اقرأ و اتعلم منك ...لأنك مثابرره. .ب تخيلك وانتي تحكي كأنك قبالي ..

    ReplyDelete
  18. شكرا للجميع للطفكم

    ReplyDelete

Post a Comment

Popular Posts