تيرامسو المانجا وصينية المعكرونة باللحم والخضار

حالة الجنون اللي انا فيها بتصيبني دايما لنا بيكون بدنا نسافر..مش فاهمة ليش؟ بس لسبب ما بتصير كل الاشياء والمواعيد تتراكم بشكل خرافي وببطل في وقت لاشي...!!! بتقبلوا هاد كاعتذار عن عدم وضع بوست امبارح :) وكمان اعتذار عن عدم وضع بوستات لحوالي 10 ايام لاني مش رح اكون بالبلد ان شاء الله...بتمنى تشتاقولي قد ما رح اشتاقلكم...

امبارح مثلا كان يوم حاااااااافل ...انهلكت وانا رايحة جاي والازمة ...حدث ولا حرج...بس الاشي الحلو كان اني شفت ديالا الدباس واستمتعت بهالنص ساعة اللي قضيناها سوا...شكرلديالا ولنشامى اف ام للاستضافة...



اليوم على سبيل التغيير قلت بيكون مبحبح خاصة انه هارون مقضي وقت منيح بالحضانة...مبحبح مين والناس نايمين!!!! ههههههه طلعلي اشياء من حيث لا احتسب...الحمد لله على كل حال...

طيب للتعويض امبارح كان موعدنا باكلة حلو....واليوم اكلة توفيرية..عشان هيك 2 ب واحد...

الوصفة الاولى هي تيرامسو المانجا...كتير سهل وتنويع عن الترامسو العادي...



تيرامسو المانجا
المقادير:
علبة بسكوت الاصابع الخاص بالتراميسو Lady Fingers
¾ كوب عصير تفاح او اناناس
100 غم جبنة كريمية
باكيت كريما بودرة
150 ملم كريما خفق
100ملم حليب
باكيت جيلاتين بنكهة المانجا
للطبقة العلوية:
باكيت جيلاتين بنكهة المانجا محضر حسب التعليمات مع التقليل من كمية الماء بمقدار ½ كوب
الطريقة:
تغطس حبات البسكوت بالعصير بسرعة وترتب في القالب المتحرك القعر وممكن عملها في كؤؤس
تخفق الجبنة الكريمية
تخفق الكريما السائلة والحليب والكريما البودرة وتضاف بملعقة طاطية للجبنة الكريمية
يضاف الجيلاتين وتخفق لتختلط وتصب فوق البسكوت
وتبرد ساعة لتجمد
يضاف الجيلاتين المذاب والمبرد بحرارة الغرفة كطبقة علوية وبالتدريج لنحافظ على عدم اختلاط الطبقات وتبرد تماما
تزين بالشكولاتة وممكن الفراولة وقطع المانجا


  الخفيفة على الجيبة هاد الاسبوع فهي اما الوصفة صينية المعكرونة باللحم والخضار...بنستخدم اللحمة المفرومة لانها بتبرك وبزيادة الخضار بنزيد الفايدة وكمان بنحس انها وجبة متكاملة مع صحن سلطة...



صينية المعكرونة باللحم والخضار
المقادير:
500 غم معكرونة انابيب (النوع المفضل لديك ) مسلوقة
ملعقة طعام زيت
250 غم لحم مفروم ناعم
بصلة صغيرة مفرومة ناعم 3 حبة ثوم مهروس
½ ملعقة صغيرة بهارات ايطالية
ملح، فلفل اسود
باكيت خضار مشكلة مفرزة (او اي خضار ترغبين باستعمالها)
3 ملعقة طعام زبدة
3 ملعقة طعام طحين
3 كوب حليب
½ كوب كريما
ملح ، فلفل اسود
2 كوب جبنة شدر مطبوخة مبشورة (ممكن استعمال الشدر العادية)
الطريقة:
في مقلاة يقلب اللحم لينضج ثم يضاف الزيت والبصل وتقلب لتنضج تماما ثم تضاف البهارات والخضار وتقلب لتنضج
لتحضير الصوص تذاب الزبدة ويقلب الطحين دقيقة ثم يضاف الحليب الساخن والكريما ويحرك ليغلي ثم تضاف ¾ كمية الجبنة مع التحريك لتذوب
في صحن صالح للفرن توضع ½ كمية المعكرونة وتخلط بنصف كمية الصوص
يوزع خليط اللحم ثم بقية المعكرونة والصوص وترش بالجبنة
تدخل للفرن على حرحة 175 من 25-30 دقيقة لتغلي الصوص وتذوب الجبنة وتحمر قليلا.




Comments

  1. منال حبيبتي تروحي وترجعي ﺑﺴﻼﻣﻪ

    ReplyDelete
  2. راح نشتاقلك تعودنا عليكي اجازة سعيدة ترجعلينا بالسلامة

    ReplyDelete
  3. تروحي ويجب بسلامه وشكراا على الوصفه ايناس ايناس

    ReplyDelete
  4. تروحي وترجعي بالسلامه عزيزتي منال اكيد رح نشتاقلك وشخصيا انا من الناس يلي بفتح المدونه باليوم اكتر من خمس مرات صدقيني تعودنا عليكي . ويسلموا على الوصفات الطيبه.

    ReplyDelete
  5. سفرة حلوة و موفقة ..تروحي و ترجعي بالسلامة و اكييد رح نشتقلك :)

    ReplyDelete

Post a Comment

Popular Posts