كعكة السينابون Cinnabon Cake

English Version of this post is below

من ضمن الاشياء اللي حابة اني اعملها السنة هي اني اصير Minimalist شو يعني؟ يعني اخفف...بشو...والله وزن ...يا ريت واكيد هههههه خاصة بعد هالقعدة بالبيت واشي سحلب واشي بوشار واشي كيك غير الفطور والغدا ...ما شاء الله ابداااع!!! ابداع راح على الخصر ومناطق اخرى ولما تبطل تدخل البنطلونات بالواحد رح يكره الساعة اللي قرر يبدع فبها!!!! ما علينا... نرجع لموضوعنا...حابة اخفف من الاشياء اللي ما الها داعي بالبيت...هاد الهاجس اللي دايما ببالي وبحاول اني امشي فيه بس شو قصة التكويم والكراكيب...؟!!! ما تسألوني؟!!! ما الها حل ..جد!!! 
المهم اليوم طلبت من كل واحد من الاولاد انه يعزل غرفته (كل شي) اواعي، كتب، ورق، العاب...الخ ويقسم ل 3 اكوام
1. بدي اياه (بيتعلق او اذا وسخ على الغسيل او تصليح او اذا بده كوي  ..لانهم ما شاء الله مرتبين كتير بيعلقوا اواعيهم اول باول اخخخخخ منهم!!!)
2. منيح بس صغير او ما بدي اياه (للتفريق واصحاب النصيب)
3. مش مقبول (ممزوع ولا يمكن اصلاحه) يا اما يتحول الى خرق تنظيف او ممكن اخذ قطع منه للاستفادة منها باشي بعدين زي الازرار او غيره)

هاد بالنسبة للملابس...كتب المدرسة ودفاتر واوراق الفصل الاول تم توديعها (مش كب بس ترتبت لتنحط بكراتين) والالعاب نفس الاشي (بدي ، ما بدي للتفريق ، مكسر للكب)
طبعا المهمة ستكمال غدا لانهم تعبوا يا حرام...بس خلصوا الاواعي اليوم...

كمان قررت اني اتخلص من 7 اشياء من البيت كل يوم (ممكن تنكب، ممكن تتدور، ممكن تتفرق)...ورح اشارككم الصور يوميا ابتداءا من بكرة ان شاء الله


اليوم الوصفة هي لكعكة السينابون....فاذا بتحبوا السينابون وما بدك تعجني وتستني...هاي الكيكة هي الحل بالتأكيد وما تثوروا علي انه فيها 3 اصابع زبدة...هاد سر زكاوتها وما تقولولي بيصير زيت لانه رح يفرق الطعم...والسعرات الحرارية نفسها بين الزبدة والزيت انا السعر فمعكم حق الزبدة اغلى بس اذا بدنا نرجع على قصة المونة انا بجيب الزبدة على العروض وبكميات ...الاصبع بيطلع بحدود 65 قرش وفي ناس قالولي انهم لقوا نوع منيح بنص دينار...


كعكة السينابون
المقادير:
للكعكة
3 كوب طحين
1/4 ملعقة صغيرة ملح
كوب سكر
4 ملعقة صغيرة بيكنج باودر
1/2 1 كوب حايب
2 بيضة
2 ملعقة صغيرة فانيلا
اصبع زبدة مذاب

لطبقة القرفة:
2 اصبع زبدة  بحرارة الغرفة
كوب سكر بني
2 ملعقة طعام طحين
ملعقة طعام قرفة

للجليز:
كوب سكر ناعم
2-3 ملاعق طعام حليب
ملعقة صغيرة فانيلا

الطريقة:
تخلط كل مقادير الكيكة ما عدا الزبدة وتضاف الزبدة
تسكب بصحن بايركس مستطيل (الحجم اللي بنعمل فيه اللازانيا عادة) بعد ما تندهن بالزبدة والطحين
نخلط مقادير القرفة ونضيفها بشكل عشوائي على الوجه ونحرك بالسكين لعمل شكل رخامي
تخبز على حرارة 175 من 25-30 دقيقة لتجتاز اختبار الكيك
تخلط مقادير الجليز وتسكب على وجه الكعكة وهي ساخنة
تقدم دافئة او باردة (وانا بفضل تدفوها بالمايكرويف شوي كتير ازكى)



English Version of the post

As part of my new year resolutions (unfortunately I haven't been know to keep my goals straight; hopefully this year is going to be different) is to become a minimalist...I need to lighten up a bit...weight wise?!! Yes for sure especially after the eating Marathon that has been going on since the snow storm in the past 3 days that started to take its tole on my hips..sigh!!! The price I have to pay for my love to cooking!!!! I also want to lighten up in terms of the stuff I own in my house. What with all that stuff that keeps piling up?!! I really don't know...another sigh!!! I hope that if I put and good plan and stick to it that I will be able to lighten up a bit...I need to make do with minimum stuff really..enough buying and let's share some of these goodies with people who need it...

I started by asking my two teens to clean up their rooms today..everything...clothes, toys, books, paper...etc. Everything needs to go into piles of 
1. I want it...so they tidy it up in the closet or toss it in the laundry if dirty or to be mended if needed or ironed...
2. Great condition but I don't want it (this will go to people in need)
3. Not so good so we toss it in the garbage or reuse as cleaning cloths or take some parts of it to use in crafts projects ...etc)
Books, paper and other stuff related to the 1st semester of school that ended recently was all packed in a box

I also decided to get rid of 7 thins in my house everyday...I will be sharing these with you in pictures on a daily basis starting tomorrow..I really need to do this as I do have so much stuff laying around the house with no use what so every..stuff can be recycled or donated for someone else...

Today's recipe is for the Cinnabon cake..so if you crave cinnamon rolls, don't know how to knead a dough or don't have the time to make some..this cake will satisfy your craving s for sure...it is easy to make...and don't judge me that it has 3 sticks of butter..oh yeah ..and don't ask me if you can substitute that with oil..it doesn't taste the same besides it is the same number of calories...as for price, yes butter is more expensive but if you go by my rule of buying things on sale, then this will be no problem...

Cinnabon Cake
Ingredients:
For the cake:
3 cups flour
1/4 tsp salt
4 tsp baking powder
1 cup sugar
2 eggs
2 tsp vanilla
1 1/2 cup milk
1 stick (100 g) butter, melted

For the cinnamon layer:
2 Tbsp flour
2 sticks of butter, room temp
1 cup brown sugar
1 Tbsp cinnamon

For glaze:
1 cup confectioner sugar
2-3 Tbsp milk
1 tsp vanilla

Directions:
Mix all cake ingredients together except for the butter, add it at the end.
Grease a pyrex dish and pour the batter inside
Mix the cinnamon layer ingredients and using a table spoon make dollops over the cake batter, swirl with a knife
Bake at 175 for 25-30 min till it passes the cake test
Mix the glaze ingredients and pour on top of the warm cake.
Serve warm or warm up pieces in the microwave before serving..
Enjoy!!!







Comments

  1. بتشهي بتشبه كيك القهوة تقريبآ 👍منال تصويرك يستوقفني دائمآ 👍👍👍فعلآ أكتر من رائع 👏👏

    ReplyDelete
  2. شكرًا ريم حبيبتي على متابعتك يا قمر 😘

    ReplyDelete
  3. يسلمو ايديكي جد بتشهي القرفه بالحلو بتخليه زاكي لو شو ما كان

    ReplyDelete
  4. تسمحيلي اصبح على اكثر انسان معطاااااااء عرفته وصدقا ما بجامل اللي بترد على كل استفسار ولو بسيط واللي بتوهب فنها دون مقابل واللي الناس حبتها لبساطتها واللي واللي كتير كتير بتعرفي منال صدقا رغم اني ما بعرفك شخصيا وبتمنى طبعا لكن دائما بدعيلك ..من فتره على فكره بعتت الك استفسار وجاوبتيني بكل اريحيه والشي اللي كنت من سنين مو عارفه شو سببه عرفت وصححته رغم انه قبل ما اتعرف بمدونتك بعتت لشيفات كتييييييير ومواقع طبخ ويكون ردهم انتي شوفي طريقتي بعمل الكيك بتعرفي شو الغلط عندك حكيت كتير بعرف ..كل هاد وانا بس بدي اصبح عليكي هههه صباحك ورد وياسمين وعطاء ..منار

    ReplyDelete
    Replies
    1. كلامك صحيح ١٠٠٪ حكيتي كل اللي نفسي احكي
      الله يسلم ايديك و يبارك بوقتك يا احلى منال

      Delete
  5. صباح الورد يا احلى منار .. شو بدي احلى من هيك صباح... تسلميلي ان شاء الله... الله يسعدك ويرضى عليكي 😘😘😘

    ReplyDelete
  6. صباح الخير و اللون الأبيض منال كيفك
    بعد ما نخلط مقادير الكعكة كلهم مندوب الزبدة و منضيفها

    ReplyDelete
  7. Replies
    1. شكرًا كتير حبيبتي
      بتفضلي الأسئلة يكونوا على المدونة او صفحة الفيس بوك؟؟ 😘

      Delete
  8. بفضل على المدونة 😘

    ReplyDelete
  9. يسلمو مدام منال ..كتير زاكية القرفة في اجواء البرد
    بالنسبة للزبدة اذا استخدمنا زبدة المرجرين بفرق في الطعم ؟؟

    ReplyDelete
  10. يسعد مساك عملت الوصفة و طلعت رائعة
    بس طبقة القرفة كانت جامدة شوي عادي؟
    الطعم خرافي كل أشي من إيدك بجنن شكرًا كتير

    ReplyDelete
  11. تسلم ايديك.حابة اسالك اذا في طريقة للتوفير بشراء الدجاج.متلا في دجاج بالجملة وأي أحسن تشتريه بالحصون ولا كامل.ما بلحق اشتري دجاج

    ReplyDelete
  12. ممكن مارجرين بس رح يؤثر على الهشاشة شوي بس ممكن

    ReplyDelete
  13. بدرية حبيبتي الف صحة وهنا وتسلمي يا قمر

    ReplyDelete
  14. حاضر يا رزان تابعي بوست قريب عن الموضوع

    ReplyDelete
  15. سعيدة بمشاركتك بدرية :*

    ReplyDelete
  16. كتير زاكية بس نزل خليط القرفة لتحت حسيت من الصورة عندك لازم يضل فوق أكتر بس طعمها خرافي القرفة بتقرش بتعبي المخ يسلمو ايديكي منال

    ReplyDelete
  17. كتير زاكية بس نزل خليط القرفة لتحت حسيت من الصورة عندك لازم يضل فوق أكتر بس طعمها خرافي القرفة بتقرش بتعبي المخ يسلمو ايديكي منال

    ReplyDelete
  18. تمام روان يمكن انت حركتها كتير بس هو المفروض يكون رخامي نسبيا

    ReplyDelete
  19. حبيبتي منال هلا بالنسبه لخليط القرفه بندوب الزبده ولا لا

    ReplyDelete
  20. لا ما بندوبه بحرارة الغرفة :)

    ReplyDelete

Post a Comment

Popular Posts