اهم النقاط للتوفير بشراء اللحوم بانواعها ووصفة طاجن لسان العصفور How to save money when buying meat and Orzo Casserole

English Version of this post is below

اليوم رح يكون اول مقال بموضع التوفير لهاد الشهر ورح يكون موضوع مهم انطلب مني كتير وهو كيف نوفر بشراء اللحوم (سواء اللحوم الحمراء او الدجاج). الله يرحم ايام زمان بيقولي ابوي كان كيلو اللحمة ب 5 قروش...وطبعا مبلغ وقدره كتير ناس ما كانت تقدر عليه خاصة العائلات كان عددها كبير نسبيا ... طبعا اكيد في ناس بتربي دجاج وخرفان والخ بس انا اليوم بدي احكي عن الناس اللي زيي وزيك...ستات المدن العاملات وغير العاملات اللي ما بنربي دجاج ولا خرفان بالرغم من انه بالتأكيد هاد الاشي حلم (بالنسبة الي) اني اقدر اسكن بمكان اجيب فيه دجاج وخرفان وازرع بايدي واكل من خير الارض..الله كريم... 

نرجع لموضوعنا ...اهم الامور اللي لازم تاخديها بعين الاعتبار هي:
- اهل البيت (عيلتك) شو بيفضلوا؟ لحم خروف؟ بيف؟ دجاج؟ سمك؟ ببيتي احنا بنفضل اللحمة...اهلي بيحبوا الدجاج اكتر...فهاد امر مهم ناخده بعين الاعتبار
- اديش الميزانية الشهرية اللي انتي راصداها للحوم؟ طيب بلاش...خليني اعيد صياغة السؤال....كيف ممكن ترتبي طبخاتك بشكل منوع وموزع على ايام الاسبوع وبنفس الوقت حسب الميزانية؟ في الواقع هون مربط الفرس....يعني خليني اعطي مثال توضيحي...انا راصده 75 دينار بالشهر لعيلة من 5 افراد للحوم بشكل عام...لو بدي اشتغل بدون تخطيط رح اتجاوز ال 75 دينار بالراحة...ولما اقول بدون تخطيط يعني بدون ما اكون مرتبة امور قائمة الطعام الشهرية وماخدة الاسعار والاشياء اللي على العروض بعين الاعتبار...وهون بيجي التركيز على النقاط التالية اللي لازم تعمليها اذا بدك توفري 
1. لازم تكوني عاملة قائمة طعام تقريبية للشهر ومنوعة وترضي كل اطراف الاسرة وكمان يكون فيها مساحة لوصفات جديدة حاطة ببالك تجربيها (وصفة او 2 بالاسبوع) خاصة اذا بتحبي الطبخ عشان ما تحسي حالك انك مربطة بالميزانية ومش قادرة تجربي وصفات جديدة وبالتالي تصيري تتهوري (صدقيني من تجربة)....
حاولي
ببداية كل شهر اعملي فنجان قهوة واقعدي بهدوء مع دفتر وصفاتك والوصفات اللي كتبتيها على جنب لتجربيها....انت عارفة ببالك اديش الميزانية للحوم وعلى هالاساس بتكتبي اكلات الشهر....وقائمة اكلات الشهر مش اشي منزل (استغفر الله) يعني لازم يكون في مساحة لاي متغيرات او طوارئ منحكي عنها بعدين

2. اسعار اللحوم بشكل عام بالاردن تمتاز بانها متغيرة مع ثبات بعض الاسعار خاصة للحوم المجمدة وعلى هالاساس برضه بحكم خبرتك بالاسعار (واذا ما عند خبرة لازم تعملي واجب بانك تدوني اسعار اللحوم لشهر تقريبا ليصير عندك تصور عن السعر العام). الهدف من هالحكي هو لما يجي سوبرماركت كبير يعمل عرض على الدجاج مثلا ويكون الكيلو بسعر اقل من اللي بتشتريه عادة هون بتحطي ببالك انك تشتري كمية من الدجاج هاد الشهر مثلا اكتر من اللحمة اللي مش على العرض وبترتبي اكلات الشهر بانه تعتمد على الدجاج اكتر...
طيب هون ممكن تسأليني طيب مهي مرات بتكون العروض بنص الشهر وبالتالي انا اصلا صرت صارفة من ميزانية اللحوم من اول الشهر على شراء لحوم تانية ولما صار العرض على الدجاج مش باقي من ال 75 مثلا الا 15 دينار ولسة ضايل على الشهر 15 يوم واذا بدي اشتري كمية ما رح يكفي ال 15 دينار؟!!!! صح...بس قدامك خيارين:
الاول انك تلتزمي بقائمة الاكل اللي انت حطيتيها وصرتي شارية اللحوم وصارفة من الميزانية عل اساسها 
او
الثاني انك تاخدي مبلغ من المبلغ المرصود للمونة كل شهر (متذكرين ال 50 دينار اللي حكيت عنها واللي بشتري فيها اشياء على العروض؟!!!) هون ممكن تاخدي منها 20 دينار وتزيديهم على ال 15 بيصيروا 35 وبالتالي ممكن تشتري كمية من الدجاج واللي رح تكفيكي فعليا لجزء مرتب من الشهر الجاي وبتحطيها بالفريزر وبتساعدك تزفري لانك لسة رح يكون عندك 75 دينار تانية على بداية الشهر والفريزر مليان دجاج وبيسمحلك الموضوع تشتريلك قطعة لحمة غالية او سمك الشهر الجاي!!! ارجو اني وضحت النقطة واذا في اي تساؤل ما تترددوا...ونفس الاشي بينطبق على انواع اللحوم التانية

انا شخصيا بعمل بالاشي التاني يعني بشتري من المبلغ المخصص وبوفر...فالخيار الكم

هلأ للتوفير بشكل عام انتبهوا للنقاط التالية:
- الدجاج ارخص من اللحم الاحمر عادة والبيف ارخص من الخروف والخروف المستورد ارخص من البلدي...سلسة مهم نفهمها لما بدي اخطط الاكلات للشهر
- اللحم المجمد ارخص من الطازج ...لكن انا لا افضل ولا احب شراء اللحم المجمد سواءا اللحمة او الدجاج...السمك ممكن بس اللحمة والدجاج لأ...ومن تجربة...يعني ما بتفلسف...الدجاج المجمد بيطول ليستوي وصعب تقيمي منه ريحة الزنخ...هاي تجربتي...اللحوم المفرومة المجمدة بخاف منها لاني ما بعرف شو حاطين فيها لتكون بهالرخص...جد!!! لسة آكل عدس اذا مش قادرة اشتري لحمة طازجة ولا اكل مفرومة مجمدة ...وهاد اشي شخصي اكيد

- اللحمة كاملة مش مقطعة ارخص من المقطعة والمشفية والمسحبة...الخ (سواءا اللحمة او الدجاج) فاذا حابة توفري عادة العروض بتكون على الدجاج الكامل مثلا...جيبي وخصصي ساعة نظفيه وقطعية وسحبيه اللي بده تسحيب وغلفيه حسب الاكلات اللي ناوية تعمليها...واذا بتفكري مثلا لو اشتريت 10 دجاجات على العرض...شوفي اللي رح يطلع منهم اذا تقطعوا مثلا 8 قطع...10*8 = 80 قطعة دجاج منهم 
1. 20 جناح (هي اكلة ممكن تعملي وفي على المدونة عدة وصفات باجنجة الدجاج)
2. 20 صدر...اذا سحبتيهم بتخلي العظم على جنب وبترتبي عدد من الصدور حسب الاكلات اللي بدك تعمليها باكياس الفريزر
3. 20 فخدة دبوس برضة بيطلعوا طبختين
4. 20 جزء من الورك ممكن يدخلوا باكتر من طبخة
5. الرقاب والعظم اللي طلع كله رح تعملي منه طنجرة كبيييييرة من مرق الدجاج (في وصفة هون لمرق اساسي بدون بهارات بس مع مطيبات لتقدري تستعمليه باي اكلة عربية او اجنبية...العربية بتضيفي تابهارات والاجنبية بتخليه زي ما هو) و ممكن تفرزيه باكياس وتطلعي وقت ما بدك تستعمليه لشوربات او لفلفلة ارز...الخ حتى النتاتيف اللي ممكن تكون معلقة على العظم بعد السلق ممكن تطلعيها وتستعمليها بالشوربة لتصير وجبة كاملة..

الفيلية للستيك...اذا اشتريتها انتي كاملة ممكن تنظفيها وبعدين تقطعيها بالسمك اللي بدك اياه وبالراحة بتطلع طبختين مناح قطع ستيك والشقف الصغيرة ممكن لصيني او استروغونوف... وانا بفضل الفيليه لانه فش اشي اسوأ من قطعة ستيك بتعلك وقاسية...اذا حابيت توفروا بدكم تحسبوا حساب انه القطع الارخص بدها طبخ فترة اطول بكتير من الفيلية اللي يدوب يشم ريحة النار

بتكوني بهاي الحالة عملتي التالي:
1. وفرتي اجرة اللحام والتقطيع
2. قطعتي وقسمت الدجاج واللحمة زي ما انتي بدك وحسب ما بدك تطبخي

انا بكون بقمة السعادة والشعور بالرضا والانجاز لما بعمل هيك وعشان ما تنضغطي..رتبي موعد الشراء تكوني عارفة انه عندك ساعة تشتغلي بهالقصة بدون ضغوطات

- اخلطي البيف المفروم بالخروف المفروم للاكل خاصة العربي...بهاي الطريقة بتعملي التالي:
بتقللي نسبة الدهون لانه البيف اخف بالدهون
بتوفري لانه البيف ارخص من الخروف 

- كتري من اختيار الوصفات اللي بتعتمد على اللحم المفروم والدجاج المقطع بقائمة اكلاتك الشهرية...ليش؟ لانه ممكن تتمدد اكتر...يعني لما تعملي دجاج صيني او صينية معكرونة  فيها اللحمة المفرومة بتكون اكيد ارخص من كبسة عليها قطع دجاج مشوي او منسف بقطع اللحم...القصد مش انه تبطلوا تاكلوا هاي الاكلات...لأ ...القصد انه خلي الكلات اللي فيها لحمة مفرومة ودجاج مقطع الها نصيب اكبر بقائمة الطعام الشهرية

-فكري بشكل تعززي القيمة الغذائية للاكل باضافة عناصر تانية مثل الفطر والخضار لصوص المعكرونة مثلا ليحسوا انها مليانة مكونات بس مش كلها لحمة

- استغلي البواقي...مهم هاد الموضوع...عملت دجاج وزاد شقفة واحدة ما بتكفي حد...طيب الغدا بكرة بيتزا بعمل نوعين نوع خضار وواحدة بدجاج وباربكيو صوص...قلبت لحمة مفرومة وبصل وبهارات لتحشي مخشي وزاد شوي ما بيكفوا لاكلة كاملة..بكرة بحط بواقي المخشي وبعمل معكرونة باللبن مع اللحمة اللي زادت..


- لما تشتري لحم الخروف دائما خلي اللحام يخليلك العظم لتعملي عليه مرق...هيك بيدخل باكلات تانية وبتستفيدي اكتر ما يمكن من الخروف

- خصصي يومين بالاسبوع للاكل النباتي..اشي بيحبوا الكل...مرة مقالي وسلطات...مرة حبة رمانة وبواقي اكل من امبارح...مرة شوربة عدس واقراص سبانخ...مرة مجدرة...وهيك بتوفري منيح من استهلاك اللحوم والبقوليات مصدر ممتاز للبروتين بدون دهون كتير 

- تنسيش السمك ومشتقاته...هاد غالي بعرف بس مهم وفي انواع مجمدة ممتازة...حاولي يكون اله نصيب بالاسبوع حتى لو كان تونة او سردين...

- جربي فكرة فطور على الغدا (اذا عيلتك متقبلة) ...يعني تعملي فول وحمص واومليت..كانه وجبة فطور وقت الغدا...انا بطبق هاي الفكرة وقت الازمات لما ما في وقت للطبخ وبيحبوها العيلة عندي

- اللي بيحب الكبدة كمان تعتبر مصدر ممتاز لانك تحطي لحمة على الطاولة (احنا ما بنحبها صراحة)

خلاصة الكلام..
-اللحم الابيض ارخص من الاحمر فكتري منه بالمنيو
- قطعي اللحمة اللي بتجيبيها انتي بتوفري وبتكون عارفة شو بدك تعملي فيها وبتستفيدي من كل اشي من اللحم والعظم
- ترقبي العروض واستعملي جزء من مبلغ التموين لتشتري على العروض وتفرزيه
- اخلط لحم الخروف المفروم بالبيف لتقللي دهون وتوفري ماديا
- رتبي اكلاتك الشهرية بشكل صح تستفيدي منه بالموجود عندك اصلا وتستفيدي من العروض 
- اعملي وجبات تعتمد على اللحوم المفرومة والمقطعة اكتر من الاكلات الضخمة زي رز وجاج ومنسف
- خليكي نباتية يومين بالاسبوع
- اشتري الدجاج واللحمة الحمراء طازجة والسمك ممكن مفرز
- خصصي وقت للشغل بدون ضغوطات وانشغالات باشياء تانية مشان ما تكرهي الموضوع وفكري ايجابيا اديش عم بتوفري على عيلتك وبتطبخيلهم اكلات زاكية

نصيحة اخيرة....تذكري دايما انك اذا بتعملي كل اللي حكيناه فانت مدبرة وست بيت ممتازة ووفرت على عيلتك وبنفس الوقت طبختيلهم اكلات مفيدة ومنوعة ...يعني مش لانه ما في لحمة يعني مش منيح...المهم توازن العناصر الغذائية والتنوع..

طيب وصفة اليوم هي اكلة كتييير زاكية ورخيصة ورح يحبوها الكبار والصغار واللي هي طاجن لسان العصفور 





طاجن لسان العصفور
المقادير:
500 غم معكرونة لسان العصفور (اورزو)
½ كوب رب البندورة
2 كوب ماء
كوب مرق دجاج
بصلة مفرومة ناعم
250 غم لحم مفروم ناعم
ملح، فلفل اسود، قرفة، بهار
3 ملعقة طعام زبدة
¼ كوب بارمزان للوجة
بقدونس مفروم ناعم للزينة

الطريقة:
يذاب رب البندورة بالماء
توضع ملعقة طعام زبدة في مقلاة وتحمر البصلة لتذبل ويضاف اللحم ويقلب لينضج ويرش بالملح والفلفل والبهارات
توضع ملعقة زبدة في مقلاة واسعة وتحمص المعكرونة لتصبح ذهبية اللون ويضاف لهل وبحذر المرق وخايط رب البندورة بالماء واللحم المفروم
يدهن صحن خاص بالفرن ببقية الزيدة ويسكب الخليط ويغطى بورق المنيوم ويدخل للفرن على حرارة 175 من 20-25 دقيقة لتستوي المعكرونة وتشرب الماء
ترش بالجبنة والبقدونس المفروم.


English Version of the post


Today I will be talking about saving money and specifically about saving money when buying meat (white or red meat). I recall my dad telling me that the kg of meat was for 5 piasters in the good old days...I can only imagine...yet I can't forget that 5 piasters meant something unlike these days and many families could not   afford to buy meat especially that most families had many mouths to feed. I know that many people have the luxury to raise their own cattle and chicken  (and I literally mean it as I would love to do that). Today's post is for people who are like you and me, we are the city people who buy our meat from the supermarket or the local butcher.

So to go back to our topic here are the main things to take into consideration 
- Your family members,what kind of meat do they prefer? Lamb? Beef? Chicken? fish...etc..in my house we like red meats, my parents they like chicken more..so I tend to buy red meats while my mom stocks up on chicken
- What is the monthly budget you designated for meat? Let me rephrase... How can you plan your monthly meals in a way that ensure variety during the week and according to budget? In essence this is the main issue here...let me give you an example..I put 75 JDs a month for my family of 5 for meat to last all month long...If I were to cook without planning, I would easily surpass that number and go over budget...so here are the main things you need to work on:
1. You need to start a roughly monthly meal plan that has variety and satisfies all your family members where you will also get to try at least 2 new recipes every week (I am saying this because if you are like me and like to work new things in your diets, you would be hindered by budget if you didn't plan)
Try
At the beginning of every month make your self a nice cup of hot java and sit with your recipes and recipes you have been dying to try , take your budget for meat into consideration and start making that list that will be a time and money saver later one...trust me!!! And please..this is not a rigid plan that will not change..things happen and there should be some margin for changes once in a while should there be new offers or if you have guests over...etc.

2.  In Jordan meat prices in general tend to change quiet often though some frozen meat prices might stay the same and here comes the importance of you become familiar with prices. If you are not, start by writing down the prices of meat you buy for a month or so to have a better idea about meat prices in general. The idea behind this is that when you become familiar with prices you will know what is a good offer on chicken for example if the price of the kilo is lower than what you usually pay for, then you can buy more chicken than red meat that month and plan your meals accordingly.

 But you might ask me, what if the prices of chicken for example go down during the middle of the month and I already planned my monthly meals and already spent about 60 JDs from my 75 JDs budget for example; what do to do? 15 JDs are not going to buy me lots of chicken...My suggestion is that you can do one of two things
First option is to stick to your plan and don't buy the chicken on offer 
or
Second option is to take part of the money that you left for stock piling (50 JDs a month in my case) add it to the 15 and buy some chicken, clean and cut up and freeze...you will have enough chicken to work with next month without even spending a penny out of your 75 JDs budget...so next month you might buy an expensive piece of roast for a nice treat for the family ...Just a thought
I personally go with the 2nd option

Now to generally save money you need to realize:
- Chicken is cheaper than red meat usually, beef is cheaper than lamb, imported lamb is cheaper than local one...a chain of price that need to be understood when you plan your monthly meals
- Frozen is cheaper than fresh BUT I don't prefer buying frozen meats except for fish...I honestly didn't like the taste of frozen chicken ..it was too tough for my taste..as for cheap frozen minced meats..I am so worried what really is in them so they would be so cheap?!!! I'd rather eat a nice vegetarian meal of lentils than to eat that stuff...it is a matter of a personal choice...
- Buying a big cut of meat or a whole chicken is cheaper than buying cut up meat or boneless skinless chicken..so to save money buy in whole ...If you buy 10 whole chickens for example if they are on sale, go home and cut them up to 8 pieces per chicken then you will end up with 80 pieces of chicken...can you imagine what you can do with that...
1. 20 wings will make a great meal (there are many wings recipes on the blog)
2. 20 breasts that you can de-bone and skin for any meal or even cut up and freeze to find it ready when you need it
3. 20 drum sticks that can go into 2 main meals for a family like mind
4. 20 thighs that also can go in other meals as well
5. necks and other bones that allows you to make a huge pot of stock that you can freeze to make great wholesome soups or to cook rice. Even the bits and pieces on the bones can be used to add more meat into soups to end up with a full meal. 

Beef filet...if you buy a whole piece of filet, clean it and cut it to the thickness of your choice you will save the
 tip you will give to the butcher and you can make it easily into 2 main meals in addition to a stir fry meal from the bits and pieces..If you don't want to spend money on expensive filet then you can buy cheaper cuts of beef but be prepared to cook it for longer periods of time..
I feel so happy when I get such a job done...I just make sure that I pick a good time where I have no engagements of people to nag while doing all this work in the kitchen so I will enjoy it rather than dreading it and not doing it again.
  • Mix ground beef with ground lamb specially in cooking Middle Eastern meals...this way you
Minimize the fat content as beef is leaner than lamb
Save money as beef is cheaper than lamb
  • Plan more meals that depend on ground beef and cut up chicken in your monthly menu...why? Simple because this way you stretch your money ...so when you make a chicken stir fry or a pasta casserole using ground beef...it is much cheaper than cooking a whole chicken or lamb shanks...the idea is not to stop cooking these lovely favorite family meals but rather to dedicate a bigger chunk of your monthly menu for the cheaper meal
  • Think of a way to enrich and add more nutrition to your meals like adding more veggies to your pasta sauce so it feels like full of goodness at a cheaper price
  •  Use leftovers...so you roasted a chicken and you ended up with one piece that is not enough for any one...tomorrow I would make pizza...one vegetarian and a bbq chicken pizza using the one piece left. 
  • When buying lamb from the butcher, make sure you ask him to keep the bones for you, make a great lamb stock to use in cooking soups, rice pilafs and other meals. This is to make sure you benefit from every part of the animal that you paid for
  • Be vegetarian two days a week. Cook something that every one will like. Salads, pastas...etc. Beans are a great source of protein that you can benefit from at the fraction of the cost of meat..this will save you a lot of money
  • Don't forget seafood...it is important and expensive...I know!!! but try to at least have one meal a week even if it is tuna or sardines
  • Try the idea of "Breakfast for lunch or dinner" . By this I mean make omelets, hash browns, foul , hummus rather than buying and cooking with meat...my family do enjoy these once a month.
  • If you like the inner organs of animals like kidneys or liver, then that is also a good choice to include on your menu (in my family we don't eat this)
In conclusion:
- White meat is cheaper than red meat, so take that into consideration when you are planning your menu
- Buy meat as a whole (whole chicken, whole leg of lamb...etc) do the cutting and cleaning your self. This will save you money and will help you to plan your meals
- Watch out for offers at your local supermarket and use some of the stockpiling stash to stock up on meat when on sale.
- Mix ground beef with ground lamb to stretch the quantity, save money and for less fat content
- Plan your monthly menu in a way that you will benefit from what you already have on hand and what is on offer
- Make means that uses ground meat and cut up pieces of meat rather than big and whole pieces
- Plan vegetarian meals at least 2 times a week
- Buy chicken and meat fresh and you can buy frozen fish if fresh is too expensive
- Plan sometime to work on this where there are no interruptions or stress so you would enjoy the process of saving money while feeding your family well more than dreading it and consequently it will become a habit.  

One last piece of advice..Remember that by planning all the above you are a great mom and wife who saved your family money while ensuring a variety of nutritious meals...It is not about meat ..its is about a balanced diet..

Today's recipe is




Orzo casserole
Ingredients:
500 gram orzo pasta
1/2 cup tomato paste
2 cups water
1 cup chicken stock
1 minced onion
250 gram minced beef
salt, pepper
1/2 tsp all spice
1/2 tsp cinnamon
3 Tbsp butter
1/4 cup Parmesan cheese
Minced parsley for garnish

Directions:
Mix tomato paste with water
Put one Tbsp of butter in a frying pan and saute onion till translucent. Add meat and cook till cooked through, add salt, pepper and spices.
In another pan, add another table spoon of butter and toast pasta till golden brown, carefully add the chicken stock and tomato water mixture, then add the ground meat.
Butter your casserole dish and add the mixture, cover with aluminum foil and bake in the oven at 175 for 20-25 min till pasta is cooked through
Sprinkle with cheese and parsley...






Comments

  1. شكرا الك ست منال على المقال الرائع واللي راح تكون نصائحها مفيده للجميع
    وانا بقراء المقال حسين انه بيحكي عني
    انا عندي ميزانيه مخصصه للشهر
    ولكن بعض مرات ممكن الاقي عروض على قطع مميزه من اللحوم بتكون عاده مكلفه مثل الفيله والروز بيف وغيرها بشتري كميه بتكون زياده عن حاجتي لكني بوفرها في الشهر القادم
    وممكن استعملها في عزيمه مفاجئه
    اقرب مثال قبل فتره مريت على مخل بيع اسماك وعاده فيله السلمون ٢١ دينار الكيلو
    كان في عرض على سمك السلمون الكامل الكيلو ٩ دنانير اخد السمكه كامله وعملتها فيله وفي النهايه طلعت موفره بالكيلو ٦ دنانير (طبعا راح على الفريزر)
    انا طولت عليكم
    بس في النهايه عندي نصيحه انه الواحد يصاحب اللحام والسماك وبياخد نوعيه ممتازه

    ReplyDelete
  2. نصيحة ممتازة سوزان وشكرا لمشاركتك دائماً

    ReplyDelete
  3. أماني العقادJanuary 17, 2015 at 11:24 AM

    يعني شو بدي اقول غير شكرا للظروف اللي عرفتنا عليكي، وماشاء الله شو انتي شاطرة، مدبرة وبتحمسيني لافكارك. بشد على ايدك وبشكرك بشدة���������������� ولا تحرمينا من أفكارك ومدونتك.

    ReplyDelete
  4. حبيبتي أماني شكرًا لزوقك يا قمر ولطفك

    ReplyDelete
  5. قد ما احكي ماراح اوفيكي حقك يسلمو عكل النصائح المفيده لكل ست بيت ويسلمو بالاكتر عالوصفات السهله والزاكيه

    ReplyDelete
  6. تسلمي راميا على كلامك اللطيف

    ReplyDelete
  7. مرحبا منال أنا معك بنقطة العروض والمونة لو حتى خزانة في المطبخ أو ركن صغير احنا بالغربة ما عندنا مجال نطلع دايما فدايما بكتب النواقص أول بأول على ورقة معلقة عالتلاجة وكل شهر أو حسب الأغراض وأهميتهم بننزل نشتري وقبل ما ندخل السوق بتصفح البروشور تبعهم شو فيه عروض وبشتري اللي بناسبني زي مثلا علب البندورة مش الصلصة مرات العرض عليها بكون أوفر من البندورة الطازة وطبعا أسهل للطبيخ بس افتحي وافرمي وكمان نقطة الدجاج المبرد أفضل من المجمد بتذكر جارتي الله يسهل عليها كل ما أبعتلها صحن تسألني كيف بنظف الجاج وشو النوعية وكيف طريقة الطبخ وبالآخر طلعت ما بتشتري الا مجمد وفعلا دايما الجاج عندها بكون لحمته تشد وبتحسيه قديم واللحمة المفرومة أكيد بنبعد عن المجمد ما هو يادوب الطازة والواحد عارف يتأكد منها

    ReplyDelete

Post a Comment

Popular Posts