موس الرازبري الرخامي Raspberry Fool

English Version of the post is below

ثلج ثلج ثلج....تقريبا اغلب الاردن لابسة الحلة البيضاء مثل العروس...ان شاء الله كل ايامكم وقلوبكم بيضاء بنقاء الثلج...طبعا وانا ببصم بالعشرة انه كتير منكم مقضيينها بالمطبخ زي ما حكيت البوست الماضي...على الاقل من الصور اللي عم بشوفها على الفيس بوك الوضع شغل زيادة وزن على الآخر....بهالبردات بتحلى اللمة العائلية واكيد الاكل معها... الله يقويكم يا ستات...شو كان البطل  (يعني اكثر اشي عملته منو) بالاشياء اللي عملتوها؟ السحلب؟ البطاطا الحلوة؟ الكستناء؟ البوشار؟ شو؟...بحب اسمع منكم كيف قضيتوا السهرة...

انا صاحية من الساعة 5 وكان الثلج عم بينزل بكثافة بس الهدوء اللي برة مع فنجان القهوة الساخن وانا قاعدة بتفرج من الشباك ...شعور ما في مثله...سكينة وراحة...الله يديم السكينة علينا كلنا...

وبمناسبة الثلج و بما انه عندي رازبري طازج حبيت اعمل حلو سريع وابيض زي الثلج...ممكن اكيد تستعملوا اي نوع فواكة حسب الموسم ...ممكن فراولة..توت...دراق...مانجا...حسب المتوفر..الحلو ...مستعدين؟!!!! اسمه Raspberry fool هههههههه ليش Fool الحقيقة ما طلعت سبب التسمية بس والله العليم لانه اي Fool  بالمطبخ... ما بيعرف يطبخ (مع احترامي للكل..مش مقصودة ابدا بس هاد تحليلي) بيقدر يعمله...لانه مكونات بسيطة جدا بس شكل التقديم وخفة الخليط وسهولة الوصفة رح تخليكم تحبوه كتير وكمان رح يخلي ضيوفكم يحسوا حالهم بمطعم 5 نجوم..



لتقديمه انا اخترت هالمجموعة الراقية والحلوة من دار صلصال للتصميم...عندهم منتجات رائعة جدا وصحون خيالية...اذا حبيتوا تعرفوا عنهم اكتر زوروا موقعهم لتشوفوا المنتجات الحلوة...انا حبيت اقدم هاد حلو بكاسات الشاي (الاستكانات) كطريقة مختلفة لاستخدام الاستكانات..يعني مش بس للشاي...



 ولانه صعب بالعربي اسمية رازبري فول!!!! (يا خرابي...لتفكروه فول هههههه) قررت اسميه موس الرازبري الرخامي

موس الرازبري الرخامي
المقادير:
كوب رازبري مجمد ومسيح (بتلاقوه بسوبرماركت select وبكوزمو بس عادي استخدموا فراولة زي ما حكيت قبل)
3 ملاعق طعام سكر (او اكتر او اقل حسب الرغبة) الرازبري حامض فبدكم تراعوا اذا ما استخدمتوا رازبري تزبطوا كمية السكر
1/2 ملعقة صغيرة فانيلا
 1/2 1 كوب كريما سائلة مخفوقة (انا استعملت النباتية اللي فيها سكر...ممكن اي نوع كريما سائل او بودرة حسب الرغبة) مع ملعقة صغيرة من الفانيلا

الطريقة:
بالخلاط بنخلط الفانيلا والسكر والرازبري المسيح بالعصير اللي طلع منه بالخلاط وبنصفيه منيح من البزر
هلأ بنيجي للتقديم..
بعد خفق الكريما حطيها بكيس كريما او كيس نايلون عادي وقصي الطرف
حطي كمية (1/3) الكاسة كريما بعدين معلقة صغيرة رازبري صوص بعدين كريما بعدين رازبري صوص بعدين كريما
بس تخلصي كل الكمية جيبي عود خشب طويل ودخليه بالكاسة ونزلي وطلعي من فوق لتحت ليصير عندك الشكل الرخامي...زينيها بحبة رازبري طازجة :)
حطية بالثلاجة ساعة زمن وقديمه بهالصحون الحلوة...حلو رائع وسريع اذا اجاكي ضيوف فجأة..
الف صحة


English version of the post

Let it snow...let it snow...let it snow!!! I just love this song!!! So Jordan is wearing a white gown as we speak...snow is everywhere  around the country. I woke up at 5 am to enjoy my hot steaming cup of java while watching the snow falling from the window...what a serene feeling!!! I hope that all of your days will be as white and pure as the snow outside. And I bet that most of you  ladies are spending your time going back and forth between the kitchen and the living rooms serving your families a piece of love every time you come up with a new dish. It is cozy family time!! So enjoy it!!



I had Raspberries on hand, they are delicious and tangy and are so perfect for this light dessert. It is called Raspberry fool; my guess of why it was called that is because it is so easy that any fool can make it...apologies..no fools here.... :) especially if you take the time to decorate it and present it to your guests in a fancy way that will blow their minds away. I chose a nice set of tea glasses from Silsal Design House to serve mine. SDH have a wonderful collection of dishes; each dish is a master piece in an of it self; so imagine serving your cooked master piece in a master piece...the result is WOW!!!

So let's do this...here is the recipe...
Note: If you don't have Raspberries just use strawberries, mango, peach, what ever you have on hand. 



Raspberry Fool
Ingredients:
1 cup frozen raspberries, thawed and keep their juiced
3 Tbsp of sugar, you might need more depending on your taste buds or even less. The amount of sugar might differ if you decide to use another fruit. 
1/2 tsp vanilla
1 1/2 cups whipping cream whipped with 1 tsp of vanilla

Directions:
Mix raspberries, their juice, sugar and vanilla in a mixture till you have a smooth red delicious sauce. Run through a sieve to get rid of seeds.
Fill a pastry bag with whipped cream and now the assembly starts:
1/3 of the cup whipping cream, followed by 1 tsp raspberry sauce, then another 1/3 whipping cream then sauce then whipping cream (so you finish with whipping cream)
Now to get the marblazion look, you need to get a wooden skewer and run it up and down through your glass and viola..there you have it..Raspberry fool...Top with a fresh raspberry and refrigerate for an hour and serve cold. 
Enjoy!! 

Comments

  1. يسلم ايديك منال الحلو جدا رائع وزوجي العزيز رح ينبسط عليه بما انه من محبي الحلويات الباردة....بالنسبة للسؤال يمكن أكتر شي عملوه الناس الشاي ههههه بما انه بيمشي مع كل شي ودافي... طبعا انا ما عندي جواب لأني مش في الأردن وما عنا تلج...أعطونا شوي...بس عم تيجينا موجة برد ومطرت مبارح عالخفيف الحمدلله بلكي غسلت هالغبرة اللي ملية الجو...كنت حابة أعلق قبل بس النت عندي كان معلق...حبيت أحكيلك انه ماما الله يخليلي اياها بتعمل شوربة عدس بالتلج(يعني بتلم التلج نفسه من مكان نضيف جدا) وبتعمل فيه الشوربة بس ما أحكيلك عن الطعم سبحان الله بفرق جدا لهلأ نفسي أنزل عالأردن بالتلج عشان أرجع أدوق الشوربة مممم

    ReplyDelete
  2. ما احلى كلامك دائماً بحب اقرأ يلي بتكتبيه وانا رايقة عنجد كلام جميل الله يحميكي عزيزتي منال . ♡

    ReplyDelete

Post a Comment

Popular Posts