شكشوكة Shakshuka


كتير مرات بنحكي يا الله الدنيا شو متغيرة ويا الله الناس شو صايرة سيئة وشو في يا ناس ليش هيك الكل متلئمن؟!!!  عبارات بنستعملها كتير ومرات انا بستعملها بس اخدت قرار انه هاد تعميم ظالم جدا... يعني صح في ناس بتضايق مرات بس ما بيصير نعمم...قبل كم يوم بوست صغير سألت فيه على دوا...ما بقدر اوصف شعوري بردود الفعل وتواصل الكل واستعدادهم للمساعدة....جد حسيت حالي بالف نعمة وخير...وجد لسة الدنيا بخير...وصدق سيدنا محمد صلى الله عليه وسلم لما قال "الخير في وفي امتي الى يوم الدين"

تسلموا جميعا لدعاؤكم وسؤالكم ورغبتكم بالمساعدة وتواصلكم بجد غمرتوني بحب كبير ما اله ثمن ... بتمنى اردلكم اياها بالافراح وانتو باحسن حال...

مع تغير الجو من بارد لحار بيزيد المرض...مستر هارون مفلوز ولوزه نازلة ...ولما الاولاد يمرضوا بتحسي حالك انه يا ريت انتي ولا همه..اولا لانك ام وتانيا لانه كتير اسهل تتحملي منهم وتواجهي المرض غير اديش بيجننوكي الله يخليهم...الله يشفي كل مريض...

ومع قعدة هارون بالبيت هالكم يوم من المدرسة يدوب عم بيصح الي اعمل اشي عشان هيك اليوم عملت شكشوكة للسرعة ولاخلص من كم حبة بندورة عندي مستويين شوي....والشكشوكة للي ما بيعرفها هي فعليا قلاية بندورة مع بيض عيون ...بتنفع فطور وغدا وعشا وهي اكلة اشتهرت فيها فلسطين وكتير من دول البحر المتوسط مع تغييرات بسيطة بطريقة الاعداد او البهارات.... هالاكلة بتذكرني كتير بايام زمان وجد اشي بيضحك لما شفت النتيجة النهائية للي عملته اليوم بالمقارنة مع ستي الله يرحمها واللي كانت تعمل صينية فيها بجوز 12 بيضة بدون مبالغة...بس الزمن تغير والنفس تغيرت...كنا ناكل ونسحب ولا حد مهتم لنصاحة او نحافة...هلا كله يدوب يدقر الصحن وخايف على كسماته هههههه
ستي الله يرحمها كانت تعمل نوعين حار وعادي للصغار وناكلهم مع الخبز السخن المخبوز طازة وانواع المخللات والزيتون...الله يرحمك يا رئيسة (هاد اسم ستي ام امي ههههه)



الشكشوكة اللي عملتها اليوم كانت زاكية كتير وهي طريقتي

الشكشوكة
المقادير:
3 ملاعق كبيرة زيت زيتون
بصلة كبيرة مفرومة شرائح
حبة فليفلة حمراء مقطعة شرائح رفيعة ومقسمة من النص
3 حبات ثوم مقطعة شرائح
5-6 حبات بندورة حمراء كبيرة مقشرة ومقطعة وسط
ملح، فلفل اسود
ملعقة صغيرة او اقل شوي قرفة
1/4 ملعقة صغيرة كمون
رشة سكر 
ملعقة صغيرة رب البندورة
3-4 بيضات 
بقدونس للتزيين

الطريقة:
في مقلاة كبيرة (ممكن تدخل الفرن (او صينية ) نضع زيت الزيتون
نقلب البصل ليذبل
نضيف الثوم والفليفلة ونقلب لتطرى قليلا
نضيف البندورة ونملح ونرش الفلفل الاسود ونقلب لتبدأ بالغليان والطبخ لمدة 5 دقائق على نار متوسطة
نضيف رشة السكر والقرفة والكمون ونغطيها 3/4 تغطية ونخفض الحرارة ونتركها لتطبخ من 5-7 دقائق
نضيف رب البندورة ونتركها 5 دقائق ونضبط الملح والفلفل الاسود
يفقس البيض فوق البندورة ونصيحتي انه تفقسي البيض بصحن كل واحدة لحال لتضمني انها ما تنكسر لانه جمالية المنظر انه البيضة تضل كاملة ( مش اخر الدنيا اذا ما طلعت عيون بس هي هيك احلى)
انا نقلت الصوص على قلايات صغاربتدخل الفرن وفقست بيضة على كل قلاية ورشيتها ملح وفلفل اسود ودخلتها الفرن ليستوي البيض بعد ما غطيتها بفويل بدون ما يضرب الالمنيوم البيض ويخرب المنظر
هلأ اديش بدك البيض يستوي بيعتمد على كيف بتحبوا البيض بس انا للتصوير خليته اقل استواءا من ما بنحب (لانه احلى الصفار يكون اصفر) بس بعدين رجعتها على الفرن لاستوت تماما.
زينيها بالبقدونس وقدميها مع الخبز والمخللات.



I am so grateful to have wonderful people in my life...people whom I can call family and friends though I haven't met many of them in person ...I needed a medication that I couldn't find in pharmacies around Jordan...all what it took is a post on facebook and the response was beyond amazing...I am so grateful and so blessed to have each one of you in my life..thank you for your responses, prayers and help...much love to each one of you...

Haroon has been home for a couple of days now, he is down with a flu...YES AGAIN!!! So when the little kiddo is home and he is sick..the amount of work that I can get done is pretty minimum. So today I had to make a very quick dish for lunch using up some over ripe tomatoes I had in the fridge...Shakshuka...if you have never heard of the dish it is a very authentic Palestinian and Mediterranean dish that many Arab countries cook with some differences in spices or prep method but the result is a dish with tasty tomato pepper sauce with whole eggs cooked with it. It can be served for breakfast (we tend to have very hearty breakfasts here in the Middle East) or for lunch or dinner...very versitile and easy to make...very economic and healthy...how can anyone beat that...

Once I took a look at the end result of my Shakshuka today, I couldn't help but to burst in laughter...memories flashing back of my Grand Mother's Shakshuka and the huge oven tray she would prepare her's in with literally around 12 eggs while mine was fairly mini sized compared to her's that fed the hungry crowds of her anticipating children and grand children...

I recall she prepared two versions, spicy and non spicy for the kiddos...we ate it with her homemade hot pita and lots of kinds of pickles and olives...mmmmm so good. So to make a long story short here is my take from memories of my Grandmother's Shakshuka



Shakshuka
Ingredients:
1 Large onion sliced
3 cloves of garlic, sliced
3 Tbsp extra virgin olive oil
1 red pepper thinly sliced and halved
5-6 tomatoes (red, sweet, large) skinned and chopped into med sized cubes
salt, pepper
1 tsp cinnamon
1/4 tsp cumin
a sprinkle of sugar
1 tsp tomato paste
3-4 eggs
chopped parsley for garnish

Directions:
In a large pan or tray that is suitable for the oven, heat oil and saute onions till softened
Add garlic and peppers, cook till tender
Add tomatoes and season with salt and pepper
Cook for 5 min over med heat then add spices and lower the heat
Cover (not all the way through and let it cook for few minutes
Add tomato paste and cook for more minutes till you get the consistency that you like.
Break eggs one at a time over the sauce (I suggest you do that separately in a bowl in order to make sure you don't break the yolk ..it is not the end of the world if you do but it would look nicer to have a whole pretty egg).
Season eggs and cover the pan with aluminum foil and cook in the oven at 180 for 5-10 min till you get to the form of cooking you prefer your eggs.

Here is mine and we truly enjoyed it. Please do try it and let me know how it went.










Comments

  1. حبيبتي منال وانابتطلع ع الصور حكيت ايدي وانا حامل وبتوحم بالك رح تطللع بايد البوبو صحن شكشوكه هههههه يسلم ايديكي وعينيكي ويمسيكي بانوار النبي

    ReplyDelete
    Replies
    1. ههههههه منار ان شاء الله لا هههه وان شاء الله بتقويم بالسلامة وبتضلي تعملي شكشوكة بتقولي بس 😘

      Delete
  2. رائعة منال تسلم ايديك يعني ما شاء الله حتى الشكشوكة طالعة من ايدك غير شكل منيح اني طابخة اليوم لحمة وبندورة والا كان ضليت اتشهون على هيك صحن بس بصراحة أنا بحبها مخلطة أكتر يعني البيض مع البندورة لأني أصلا ما بحب البيض العيون ومع هيك اشتهيت أمد ايدي عالصورة آكل لقمة وتسلم ايدك مرة تانية حبيبتي ....تهاني

    ReplyDelete
    Replies
    1. تسلمي يا تهاني كلك زوق :)

      Delete

Post a Comment

Popular Posts