هدية عيد الفصح من دار صلصال للتصميم ووصفة ترايفل القهوة السريع Silsal Design House Easter Give away and Quick coffee trifle recipe

English Version of the post is below


شو أسوأ اشي ممكن يصير وانتي عم تكتبي موضوع؟ تكتبيه وتخلصي وخلص وباللغتين كمان وتنزلي الصور وكله تمام وبعدين بوووم!!! ما في مقال!!! كيف ما بعرف بس جد شعور مش لطيف أبدا!! عمرها صارت فيكم؟ المشكلة انه بلوغر (اللي بكتب عليه للمدونة او المضيف للمدونة)  المفروض بخزن اول بأول والمصيبة الأكبر انه البوست طلع وانا متأكدة لاني حطيت الصور على بنترست من البوست فكيف ووين راح؟!! الله واعلم!!! 

ما في احلى من الربيع ببلادنا...انواع الزهور البرية والعشب الاخضر الرباني واللون الاخضر اليانع قبل ما تغطيه غبرة الصيف والسيارات ويصير على سكني بعدين...والدفا والسما الزرقاء ..ومستغربين اني بحب الربيع...جد احلى فصل بالسنة...



اول امبارح رحنا على البحر الميت على الساعة 11:30 طلعنا من البيت فصحللي اني اخلص الاشياء اللي لازم اخلصها على جدول التعزيل.
الانجازات لحد الان من 4/1
- حمام الاولاد كامل خلص
-خزاين الاولاد داخلي وخارجي والمكتب والكومودينا خلص
-شبابيك غرفة الضيوف كامل خلص
- حمام الضيوف ما عدا الخزاين داخلي لسة
- غسيل القرن خلص
- الممرات للمطبخ ومدخل البيت خلص

في ناس كتير بتفكر لانه عندي حد يساعدني انه الموضوع اسهل..اكيد بس بدي اياكم تعرفوا انها مستحيل تنظف زي ما بدي عشان هيك انا متولية امور التعزيل والطبخ طبعا وهي بتعمل بقية البيت عادي..فبيساعد اكيد بس انا اللي عم بعزل مش هي... الموضوع هو بس انكم تخصصوا ساعة او تنتين وتحاولوا تخلصوا المهمات فيها وكونوا منطقيين بانه المهمات مش اكتر من الوقت عشان ما تحبطوا...بتمنى تشاركوني النتائج

الهدف امبارح كان انه  نخلص غرفة الضيوف كامل ولكن للاسف ما زبط لانه مع وجود الاولاد بالبيت الامور ما بتمشي مثل ما الواحد بده ومنطقيا لانه هارون رح يعطل الاحد والاثنين فرح اعمل نقلة للبرنامج لاستأنفه يوم الثلاثاء ان شاء الله لانه حرام ما بدي اقضي الوقت بالتظيف وهو يصفي زهقان غير انه رح يشتغل فيي وما رح يخليني اعزل زي ما بدي...
يوم الثلاثاء بحط الجدول مرة تانية بشكل فيه التعديل بس مبسوطة اكيد بالانجازات اللي سويتها وكمان بالاشياء اللي راحت للتفريق والكبكبة...شعور بانك اخف ولا بعده..
المهم اني اخلص بشهر 4...ان شاء الله :)

قبل ما احكي عن وصفة اليوم بحب اقولكم انه دار صلصال للتصميم عمات كمان هدية لمتابعين المدونة وهي قسيمة شرائية بقيمة 50 دينار من منتجات دار صلصال للتصميم ولتفوزوا بالجائزة المطلوب منكم هو التالي:

- تروحوا على صفحتهم على الفيسبوك وتعملولها لايك (اذا مش عاملين اصلا)
دوروا على هاد البوست او الصورة


علقوا تحتها واعملوا تاغ ل 10 من اصدقائكم...واكتر حد بيجيب اصدقاء يعملوا لايك للصفحة ولتعليقه بيفوز بالقسيمة...بالتوفيق للجميع...

رح يتم الاعلان عن النتيجة يوم 4/10 ان شاء الله

وصفة اليوم هي طريقة سريعة لاستخدام بواقي الكيك وهي ترايفل القهوة السريع 

كيك بايت بتسقوه قهوة سريعة التحضير محلية بشوية سكر وبعدين فوقه فانيلا بودينغ (الوصفة ) وبعدين سكر محروق مطحون او مكسر وبتعيدوا الطبقات وبتنهوها بكريما وسكر محروق قطع

لعمل السكر المحروق:
١/٣ كوب ماء
٢/٣ كوب سكر
تخلط معا بقدر ستانلس ستيل وبدون تحريك على نار عالية ليبدأ يتغير لونه للذهبي بنرفع القدر وبنحركه بشكل دائري ليتوزع اللون وبنفرد على قطعة سيلكون او وق خبز بشكل عشوائي لتطلع عنا أشكال حلوة عشوائية بالسكر
لهاي الوصفة بنطحن جزء وجزء تاني منخليه لتزيين الوجه

وعمتها بصحن من دار صلصال للتصميم ممكن ما يخطر على بالكم استخدامه للترايفل بس حبيت انه شفاف...واله غطاء حلو كتير وبينفع لاحلى ضيافة بالاعياد وغيرها..


What is the worst thing that can happen to a writer, a blogger or anyone when writing an article using the latest technology? To find that your whole work I. Two languages has been wiped out. Usually blogger saves the draft, the thing that I don't understand is that I pinned the picture of the recipe from the post, do where did it go?! Spooky really !!!
Luckily it's Easter and not Halloween !!!

Speaking of Halloween, I am happy to announce Silsal's Design House 2nd give away for this blog's readers. To enter the competition here it goes:

Happy Easter from Silsal Design House! Win a JOD 50 gift voucher with www.silsal.com

All you have to do is:
- Find the below post on SDH’s page



 and write a comment tagging a minimum of 10 friends that don't already "like" SDH.

- The winner will be the one with the highest number of friends who liked the page!

Announcement of the winner on April 10.

Best of luck to all of you.  

Today's recipe is a quick coffee trifle which I made using leftover vanilla cake soaked with a bit of coffee made from instant then topped with vanilla pudding and crushed burnt sugar. Repeat the layers and top with whipping cream.

To make burnt sugar... Use a stainless steel pot (a heat conductor) add 2/3 cup of sugar and 1/3 cup of water, don't stir and cook over high heat till it starts to turn amber color. Swirl the pan around to give the whole mixture the same color and pour it over a silpat or a piece of parchment paper. You can go all crazy to make shapes like I did. I crushed some to use inside the trifle and some I left to decorate the top.

The trifle is so easy, please do make it. :) You can also use chocolate cake ..mmmmm




Comments

  1. يعطيكي العافيه منالو
    مرات التكنولوجيا بتغلب اكثر ما بتريح :)
    يسلموا ايديكي على الترايفل الرائع..طريقه مبدعه لاستغلال بواقي الكيك

    ReplyDelete
    Replies
    1. شكرًا يا احلى سوسن للطفك

      Delete
  2. يسلموا ايديكي
    بحب فيكي افكارك المبدعة وكيف انك بتحبي تستغلي وتعملي اشي جديد من الاشياء القديمة

    ReplyDelete
  3. تمت المشاركة بالمسابقة وان شاء الله بفوز معهم
    تصاميمهم بتجنننننننن وكلها ابداع

    ReplyDelete
  4. هل شاركتي صحيحة على صفحة Silsal Design House
    لانو موجود صورتين على صفحتهم
    وحدة منهم عرض والتانية الصورة غير كاملة ؟
    انا شاركت وعلقت تحت بوست العرض الذي يحمل نفس هذه الصورة

    ReplyDelete

Post a Comment

Popular Posts