كعكة تري ليتشي...كعكة الحليب


مين منا ما بحب كعكة لزيزة مع الشاي؟ هلا الموضة كعكة الحليب ...ومع انها كهكة قديمة كتير بس لسبب ما بظن بعد ما الاتراك صاروا يعملوها واكلوها السياح من اهل الخليج والعرب فجأة اكتشفوها....هههه الكعكة مش تركية ابدا وانما مكسيكية بامتياز....عملتها قبل فترة على سناب تشات ...اللي ما بيتابعوني على سناب تشات ...اذا حبوا هي الكود بس جد صايرة نشيطة عليه وفي اشياء كتير ممكن تستفيدوا منها بحياتكم اليومية..

اليوم مثلا نضفنا البقع المستعصية من الدهون على الفرن باستخدام معجون من الكربونات والمي...فركته بفرشاية قديمة على البقع وتركته شي ساعة وبعدين فركت بسلكة وكله طلع وصار يوج وج...كيف بالله :)


اما الكعكة فاسمها Tre Leches  يعني 3 انواع حليب... او اذا بدكم تسموها كعكة الحليب زي ما هي موضة هلا...وبيحبوها بالزعفران بس ممكن تحطوا هيل او اي نكهة بدكم اياها..انا عملتها بالفانيلا ودمرت الدنيا بعدين وحطيت كراميل...دمرت الدنبا بشكل زاكي جدا :)

رح تعجبكم جدا...خلينا نبدأ بالوصفة



كعكة تري ليتشي...(كعكة الحليب)
للكعكة:
٥ بيض
إصبع زبدة
كوب سكر
١/٢ ١ كوب طحين
ملعقة صغيرة بيكنج باودر
٢ ملعقة كبيرة فانيلا بودرة او صغيرة فانيلا سائلة

لتشريب الكعكة :
علبة حليب مركز محلى
٢ كوب حليب
١/٢ ١ كوب حليب مبخر

للوجة:
كريما مخفوقة
اي زينة ترغبين بها من مكسرات او فواكة

الطريقة:
يسخن الفرن الى ١٨٠
يدهن قالب مستطيل
تخفق الزبدة والسكر لتصبح كريمية ويضاف البيض واحدة كل مرة مع الخفق وإضافة الفانيلا بالنهاية
يخلط الطحين والبيكنج باودر وينخل
يخلط مع المزيج السائل لدقيقة
تسكب بالصينية وتخبز من ٢٥-٣٠ دقيقة لتجتاز اختبار الكيك
تخلط مكونات التشريب
فور خروج الكعكة وهي ساخنة تثقب بالشوكة  وتشرب بالحليب بالتدريج
قد يبدو انها كمية كبيرة ولكنها ستتشربها
تبرد بحرارة الغرفة ثم بالثلاجة ٦ ساعات
تزين بالكريما المخفوقة واي شيء ترغبون به 




Comments

  1. Oh, you got so many good and easy dishes on your blog and I will love to follow you on snap chat for the great and amazing cooking recipes. Thank you for posting

    ReplyDelete
  2. من انجح الوصفات للكيكة التركية

    ReplyDelete

Post a Comment

Popular Posts