كعكة الشوكولاتة بدون بيض


كتير من الناس بتعاني من حساسيات مختلفة بالاكل...اشي من القمح، اشي من المكسرات، اشي من البيض..الخ واكيد مش ساهل دايما نلاقي وصفات مناسبة وتطلع زاكية اللي تناسب احتياجات الدايت لاصحاب الحساسيات...مشان هيك اذا لقيت وصفة وعجبتني اكيد رح اشاركمم فيها لتعم الفائدة..انا شخصيا عندي حساسية من البيض...مش حساسية فعلية بقدر ما هي حساسية من الزنخ وبحاول قدر الامكان اني اتجنب الوصفات اللي فيها بيض كتير...

وصفة اليوم هي لكعكة شوكولاتة تضاهي الكعكات اللي ببيض وكمان لونها حلو وطعمها شوكولاتة بامتياز


كعكة الشوكولاتة السهلة بدون بيض
المقادير:

1/2 1 كوب الطحين
كوب سكر
1/4 كوب كاكاو
1/2 ملعقة صغيرة ملح
ملعقة صغيرة كربونات الصوديوم
ملعقة صغيرة فانيلا
ملعقة صغيرة خل
1/3 كوب زيت
كوب ماء ساخن
1/2 كوب شوكولاتة شيبس (اختياري)

الطريقة:
يحمى الفرن الى  350 درجة (180 مئوي)
تدهن صينية مربعة 8 انش ب 8 انش (حوالي 20 سم) وتبطن بورق زبدة
تخلط المواد الجافة عدا السكر
تخفق بقية المواد عدا الماء
يضاف خليط الطحين للمواد السائلة
يضاف الماء مع الخفق
تسكب بالقالب وتخبز من 25-30 دقيقة لتجتاز اختبار الكيك






Comments

  1. منال ما في بيكنغ باودر بالوصفة ؟!

    ReplyDelete
  2. منال متأكدة من المقادير؟؟ لأني بعمل نفسها دايماً بس ملعقة كبيرة خل مش صغيرة وبتطلع شوكولاتة غامقة والكيكة بتجنن أحلى من اللي فيها بيض ومعتمداها لكل شي حتى بدون خفق بس بالملعقة توفير الجلي بس ياريت ألاقي مثلها بدون شوكولاتة

    ReplyDelete

Post a Comment

Popular Posts