Chocolate Chia pudding and Arabic Stuffed Artichoke Hearts

حاسيين شهر 10 طوييييل؟ مو عارفة ليه حاسة انهخ اطول شهر مر علي....هههههه بجوز لاني عم بعمل تحدي الطبخ من المونة واللي لحد الان ماشي مع اني تهورت احيانا ورح تشوفوا بالفيديو

  

فزي ما شفتوا احنا ب 23 وانا على الحفة والحقيقة لسة ممتاز لانه فعليا مو سهل اني اشتغل ب 150 دينار وانا طلعت وشفت

 اشياء..للاسف اني ما بقاوم شراء الاكل والصحون واكسسوارات البيت هههههه

الاكلات اللي تم تغطيتها للان من المنيو

الاسبوع الاول

دجاج بالبطاطا والثوم الليمون  مع فريكة مفلفلة

بواقي مع سمبوسك من الفريزر (كان اليوم) 10/1

بيتزا

منسف

اكلة سمك (مشان الدورة)

بواقي كمان مرة

اسباجيتي بالخضار

الاسبوع الثاني

محشي ارضي شوكي مع ارز مقلقل بالخضار

اكلة سمك

اكلة سمك (مرتين)

كوسا محشي

تورتيلا محشي بالدجاج المقرمش

بواقي

لازانبا رولز

الاسبوع الثالث

اكلة سمك

غداء عند الاهل (بريسكت ودجاج اجنحة بالباربكيو صوص وسلطة تاكو ) عملناه السبت 10/5

دجاج مع خضار بكيس بالفرن

بواقي

برغر

شوربة عدس تركية

اعشاش اسباجيتي

الاسبوع الرابع

اكلة سمك

زهرة طبيخ

بواقي

اورزو بارمزان مع دجاج تندرز وسلطة

حراق اصبعه

ساندويشات شاورما دجاج

بواقي

اشياء جانبية

شوربة البازيلا والجرجير

جارلك بريد اكلناه مع الاسباجيتي

شوربة جزر بالبرتقال

حلويات ممكنة

تشيز كيك

باي

كيكة برتقال

مهلبية بجوز الهند

وصفات اليوم وصفات بدي اعترف ياعتراف لكل واحدة منها

وصفة الشيا بودينج بالشوكولاتة...

زي ما انتو عارفين اني مش تبعت الاكل الصحي واللي للاسف لهلا مش هاضمته... وتطبيقي لهالوصفة اثبتلي اني صح...بس مشان اكون صادقة مع نفسي انا اكلت شيا بودينج من محل مشهور هون وما عجبني ابدا فقررت اني اعمل اشي بالشوكواتنة بركي اغير رايي وللاسف نفس الشي...بس هاد لا يعني انه ممكن انتو ما تحبوه.... الناس اذواق وواضح انه في ناس بتحب الشيا بودينج...مش انا...بس لاني شريتها رح احاول اعمل وصفات تانية منها مش بودينج... وطبعا شكله كان روعة بس الطعم ما واتاني

ونشوف الطريقة

بودينج الشيا بالشوكولاتة

المقادير:

1/4 كوب حبوب الشيا

ملعقة طعام جنين القمح واذا ما بدكم ما تستعملوه بس زيدوا الشيا معلقة

ملعقة طعام كاكاو

2 ملعقة طعام عسل

1/2 كوب حليب اي نوع بتحبوا

1/2 كوب ماء

الطريقة:

تخلط كلها معا وتوضع بالثلاجة 45 دقيقة

تسكب بصحون التقديم وتزين باي شيء تحبوا ...انا استخدمت البيريز

وزي ما قلت الطعم اقل من عادي بالنسبة الي وزدت عسل لاني بحب الاشي حلو بس يمكن اذا انتو حبيتوا الشيا تحبوا هاي الوصفة

الوصفة الثانية هي لمحشي الارضي شوكي بصوص الليمون...انا حبيتوا جدا لاني بحب الارضي شوكي واستخدمت المفرز من السنبلة بس نصيحتي اذا بتجيبوا الفريش احسن ووقتها بتقشروه انتو وبتعملوه اطيب لانه بيحطوا الارضي شوكي بمي مع ليمون ليضل لونه منيح بس السنبلة شكلهم بيستعملوا ملح الليمون فطعمه ظاهر شوي

محشي الارضي شوكي باللحم والفطر

المقادير:

باكيت ارضي شوكي مفرز او 6 حبات فريش

200 غم لحمة مفرومة 

بصلة مفرومة ناعم

1/2 علبة فطر طازج مفروم ناعم

ملح وفلفل اسود

ملعقة صغيرة بهارات مشكلة (قرفة، بهار)

مرق دجاج حوالي كوب

ملعقة طعام زيت

لصوص الليمون:

ملعقة طعام زبدة

ملعقة طعام طحين

عصير ليمونتين

1/2 كوب مرق دجاج

الطريقة:

تعصج اللحمة مع البصل  والفطر بالزيت وتملح وتبهر

ترتب قطع الارضي شوكي بصينية

تحشة

يسكب المرق وتغلق بالالمنيوم

تدخل الى الفرن على 180 حوالي 1/2 ساعة ونتأكة من نضج الارضي شوكي

تحضر الصوص باذابة الزبدة بقدر على النار ويحمص الطحين قليلا ويضاف المرق وعصير الليمون وتحرك بسرعة لتسمك

تضاف على الصينية بشكل نوزعها جيدا وتترك لتطبخ بدون غطاء 10-15 دقيقة

يمكن اضافة المزيد من الليمون لمحبي الطعم الحامض

تقدم مع الارز وتزين بالبقدونس وممكن اضافة الصنوبر المقلي