Hura'a Osbau'o

من هلا بقولكم انه هاد البوست اخد شهر بالتصوير ومن هلا بحذركم انه الفيديو طويل شوي وهاد اختصرت منه ديكور الممر كمان!!!! بس ان شاء الله انه بيعجبكم وبتلاقوه فيو افكار تحبوها


وهي ديكور بيتي البسيط بالموجود تقريبا لفصل الخريف مع العديد من المشاريع المنزلية..

واذا حبيتوا تطبعوا اي من الصور اللي شفتوها بالفيديو اللينك الها هون

وصفتنا اليوم وصفة اكلة بتحبوها كتير وخاصة بالجمعات وبتنطلب مني كتير...
ومع انها جزء من البزنس تبعي بس ما تغلى عليكم وهي مش اختراع بس بعض التكات اللي فيها بظن انها رح تعجبكم..
وبتعرفوني بحب اختصر جهد ووقت فرح تشوفوا الاختصارات اللي عملتها

نعم انه الحراق اصبعو يا جماعة وطبعا هي اكلة سورية مشهورة...



اول مرة اكلتها عند خالتي كان الها جارة مصرية بس متزوجة سوري وعايشة بالشام فترة طويلة اسمها ام حسن... وقررت تعمللنا الحراق اصبعو عند خالتي وانه الكل يجي ويساعد وفعلا اشتغلما على الاصول والعجين وطلعت بتشهي وهاد يوم وهداك يوم...كنت بصف ثامن وقتها...طبعا ماما حبيبتي صارت تعملوا ازكى من تبع ام حسن كمان...ومحسوبتكم لما راحت على كندا كان عمري 21 سنة اشتهيته فعملته بشكل مختصر والنتيجة روعة...
طبعا الاصول انه تنعجن عجينة تنضاف على العدس والعجينة عبارة عن طحين ومي وملح ...بتنعجن وبتتريح منيح وبتفرد رقيق وبتتقطع مربعات صغيرة وبتنضاف على العدس المسلوق مع ميته بالتدريج ولما تطفوا على السطح يعني استوت...في ناس بتستخدم المعكرونة وازبط اشي الفتوتشيني بس صراحة لاقيتها شوي بتعجن لما تبرد فالحل بالنسبة الي كان الخبز المقطع والنتيجة روعة



الحراق اصبعو
المقادير:
كوب عدس حب يسلق بالماؤ مع ملعقة طعام كمون 
2 رغيف صغير خبز عربي مقصقص مربعات صغيرة
1/2 باكيت تمر هندي منقوع لاستخراج 1/2 كوب مركز تمر هندي (هاد اللي رح يحمض الحراق اصبعه) ممكن تضيفوا ليمون بداله او معه
2 ضمة كزبرة مفرومة ناعم
راس ثوم كبير مهروس
2 بصلة يفضل حمراء مقطعة شرائح ومرشوشة بالحين ومقلية على دفعات بزيت غزير (هاد سر قرمشة البصل)
رمان
خبز مقلي للوجة (انا بستخدم التورتيلا لانه بيطلع اظرف بكتير من الخبز العربي كأنه عجينة مقلية مو خبز
1/3 كوب زيت زيتون
ملح 
1/4 كوب دبس رمان



الطريقة:
بعد نضج العدس نراعي ان يكون علية كمية جيدة من الماء (وسط)
نضيف الخبز المقطع ونقلب 
ملاحظة (بالعادة يضاف طحين مذوب مع مي (حوالي معلقة او 2 حسب كيف وضع الخليط مرق او سميك بس انا فعليا ما ضفت لانه الخبز سمك الخليط بدون الطحين)
نضيف التمر الهندي ونحرك ونضبط الملح والكمون ومقدار الحموضة
نأخذ 1/4 كمية الكزبرة ونضيفها للخليط
ونحك وكل هذا على نار هادئة 
(اذا كان الخليط سميك كتير نضيف ماء)
نحمي زيت الزيتون بمقلاة
نقلب الثوم
نضيف الكزبرة ونقلب
نضيف دبس الرمان ونضبط الملوحة والحموضة حسب الرغبة
نأخذ جزء حوالي الربع من الخليط ونقدح (الطشة) للحراق اصبعه) مع اضافة كل الزيت 
يسكب بصحن التقديم
يزين مثل الصورة بالبصل والخبز المقلي والرمان وخليط الكزبرة والثوم
بيشههههههي



وقدمته مع فجل وجرجير ومخلل و لبن عيران بالنعنع الطريقة بالرابط هون




Comments

Popular Posts