Pumpkin Spice Latte

شهر جديد وتحدي الطبخ من المونة كمان مرة وهالمرة شد حزام على الاخر لانه الاهداف شوي اكبر وبدها تحويش اكثر... على الاغلب وقت اطول وتحديات مختلفة لتزبط الامور....ما رح اقولكم شو هي بس لوقتها ان شاء الله خير..

مبدئيا شو رايكم تشوفوا كيف خططت لوجبات الشهر وشو اشتريت لاول اسبوع وجائزة شهر 10 الكم...

ووجبات الشهر بشكل عام حسب الاسبوع ومش بالترتيب بالايام

الاسبوع الاول

دجاج بالبطاطا والثوم الليمون  مع فريكة مفلفلة

بواقي مع سمبوسك من الفريزر (كان اليوم) 10/1

بيتزا

منسف

اكلة سمك (مشان الدورة) ولأ لسة ما خلصت تصوير

بواقي كمان مرة

اسباجيتي بالخضار

الاسبوع الثاني

محشي ارضي شوكي مع ارز مقلقل بالخضار

اكلة سمك

اكلة سمك (مرتين)د

كوسا محشي

تورتيلا محشي بالدجاج المقرمش

بواقي

لازانبا رولز

الاسبوع الثالث

اكلة سمك

غداء عند الاهل (بريسكت ودجاج اجنحة بالباربكيو صوص وسلطة تاكو )

دجاج مع خضار بكيس بالفرن

بواقي

برغر

شوربة عدس تركية

اعشاش اسباجيتي

الاسبوع الرابع

اكلة سمك

زهرة طبيخ

بواقي

اورزو بارمزان مع دجاج تندرز وسلطة

حراق اصبعه

ساندويشات شاورما دجاج

بواقي

اشياء جانبية

شوربة البازيلا والجرجير

جارلك بريد

شوربة جزر بالبرتقال

حلويات ممكنة

تشيز كيك

باي

كيكة برتقال

مهلبية بجوز الهند

مبدئيا هاي الخطة وبالباسبوع الاول اموري تمام زي ما شفتوا بالفيديو

وصفة اليوم الها علاقة بمعشوقتي ...القهوة...اليوم هو اليوم العالمي للقهوة ومشان قرب الخريف قررت اعمل لاتية باليقطين والبهارات بتشهي

لتعملوا خليط بهارات باي اليقطين بالبيت

بهارات باي اليقطين

المقادير:

4 ملعقة صغيرة قرفة

2 ملعقة صغيرة من كل من كبش القرنفل جوزة الطيب مطحون

1 ملعقة صغيرة زنجبيل مطحون

لاتية باي اليقطين

المقادير:

2 كوب حليب

2 ملعقة صغيرة مسح من البهارات

باكيت فانيلا بودرة صغير او ملعقة صغيرة

سكر حسب الرغبة

4 ملاعق طعام يقطين مهروس (انا استخدمت المعلب)

قهوة امريكية 

كريما للوجة (اختياري)

الطريقة:

تسخن كل المقادير على النار ما عدا القهوة دون ان تغلي 

نسكب قهوة بالقدر الذي نحب (انا حطيت 1/3 كوب) والباقي خليط الحليب 

تزين بالكريما ورشة قرفة

اذا تركناها تبرد ممكن عمل ايس كوفي منها مع صوص كراميل اشي خرافي...