Kubbeh Arnabia & Dill Lemon Chicken

بما انه شهر 2 هو شهر الحب ولاني بحبكم كتير رح يكون في هدية لاحد المشاركات ورح يكون السحب عشوائي ان شاء الله بعلن عنه بالبوست الجاي

هاد الشهر ناوية اني اكمل بموضوع الطبخ اد ما اقدر من المونة لانه مع البزنس وكل ما احاول اختصرشراء  مواد مش زابطة كتير بس اهو بحاول ونشوف سوا شو الاشياء اللي عملتها الاسبوع الماضي بالفيديو والصرف التقريبي اللي صرفته من بداية الشهر

المنيو اللي ببالي لهاد الشهر هي:

تشيلي

كبة ارنبية

دجاج بالشبت والليمون (دجاجة عندي من الفريزر)

(اجانا دجاج من مزارع جرش واكلناه على يومين)

معكرونة بالفطر والخضار (رح تنزل يوتيوب قريبا كجزء من فيلم فيه 3 وصفات)

3 انواع شوربة ناوية اعملهم فيديو

نوع شوربة ناوية اعملها للانستغرام

ششبرك (عندي شوي بالفريزر)

فري مطفى (رح احط الوصفة على الانستجرام ورح استخدم الفري اللي اجاني من مزارع جرش)

بيتزا 

سلطة خضراء (للبزنس)

سلطة تمر (للبزنس)

شوربة عدس بني مع خضار (للمدونة)

وصفتين للفيلم مع المعكرونة (فوق)

اطباق بالسمك لدورة الاسماك (يعدمني اليهود مش كاين يخلص تصويرها هالدورة)

للفطور والعشا والحلويات في اطباق رح اعملها لدورة جديدة باذن الله)

ملوخية (لازم)

وصفة اليوم فعليا رح تكون وصفتين للتعويض عن قلة البوستات مؤخرا

الوصفة الاولى كتير سهلة ولزيزة وهي وصفة الدجاج بالليمون والشبت

الدجاج بالليمون والشبت

المقادير:

دجاجة كاملة وزن كيلو مقطعة من النصف  (مفلطحة)
للنقع:
4 سن ثوم مهروس
1/4 كوب زيت زيتون
1/3 كوب شبت فريش مفروم وممكن ناشف حوالي 3ظ4 ملعقة طعام
عصير ليمونتين
ملح وفلفل اسود
للطبق النهائي:
4 حبات بطاطا وسط مقطع مكعبات
راس ثوم بقشره مفروط
المزيد من الشبت للتزيين

الطريقة:
ترفع ملعقتين طعام زيت من 1/4 الكوب للبطاطا وتخلط مع البطاطا والملح والفلفل الاسود
نفرك الدجاجة ببقية الزيت وبقية مقاديرالنقع ويفضل قبل بليلة
نضعها اما بمقلاة مثل التي اشتخدمها روعة لانه بتقدري تقلبي الدجاجة بدون ما تفتحي وتغلبي حالك لانها تستخدم على الجهتين او بصينية غير لاصقة نقلب بها الدجاجة لتتحمر ثم ندخلها الفرن على 180 مع البطاطا المفروكة
في حال استخدام هذه المقلاة فيمكن طبخها بالكامل على الغاز واضافة البطاطا والثوم قبل نضج الدجاجة بنصف ساعة
تقدم مع الارز والخبز الساخن والسلطة

الوصفة الثانية وهي وصفة الكبة الارنبية واللي في الي عندها وقفتين

الاولى:

الوصفة وصفة لبنانية لمحبي الحمضيات والطحينة ولما اقول حمضيات فانا اعني وبكل معنى الكلمة الاسم لانه الوصفة فيها عصير 3 انواع حمضيات واهمها الخشخاش واللي اله نكهة مميزة جدا وطعم فيو شوية مرار بس مرار محبب بالنسبة الي طبعا. الي ما عنده خشخاش ممكن انه يستعمل برتقال وليمون بس او كلمنتينا واللي بيحب الطعم حامض حلو وكثافة وعمق طعم الطحينة رح يحب هاي الوصفة 

الثانية

الوصفة بتحتاج شغل اذا بدكم تعملوا الكبة بس انا كان عندي 10 حبات بالفريزر واستعملتهم

الكبة الارنبية

المقادير:

كوب عصير برتقال

كوب  عصير خشخاش

3/4 كوب عصير ليمون

مرق دجاج او ماء حوالي 2 كوب (ممكن اضافة المزيد اذا كان الخليط سميك)

بصلة كبيرة مقطعة

ملعقة طعام زيت

3/4 كوب طحينة

10-12 حبة كبة

صنوبر او لوز مقلي للوجة

الطريقة:

نضع الزيت بقدر على التار ونضيف البصل ونقلب قليلا بدون ان تأخذ البصلة لون

نضيف الماء او المرق ونتركها لتغلي ثم تخفض الحرارة وتترك لتنضج 20 دقيقة وتطحن بالخلاط

بقدر كبير نضع كل المكونات ما عدا الكبة ونحرك بشكل مستمر وعلى نار متوسطة لتصل الى الغليان نتركها اتغلي عدة دقائق ثم تضاف الكبة المفرزة (اذا كانت الكبة طازجة يفضل شويها قليلا لتتشمع)

تترك لتنضج الكبة حوالي 10 دقائق مع التقليب بخفة لمنع التصاق الكبة بقاع القدر

تسكب وتزين وتقدم مع الارز