Sambosa dough used in 2 savory and 2 sweet dishes



برمضان شهر الخير بنضل دايما نشتري اشياء كل فكرنا رح نستعملها كلها وبيخلص الشهر الفضيل وبتضل الاشياء بعدين وبتلاقينا ما بنعرف شو نعمل فيها... زي شو؟ من اكتر هاي الاشياء هو التمر وعجينة السمبوسك
عشان هيك ولاني بخوض تحدي الطبخ من المونة ولانه عندي عجينة سمبوسك كتيير بالثلاجة حبيت اشارككم وصفتين حلو ووصفتين مالح باستخدام العجينة وواحدة منهم ممتازة اذا العجينة تكسرت او لزقت ببعض (يعني ما بتنفع ابدا للف)

صحن سبرينج رول هو طبق يغنيكم عن لف السبرينج رول ونفس الطعم ووجبة متكاملة وبيشهي واللي حابب يستخدم الحشوة للسبرينج رول العادي اكيد بيقدر



صحن السبرينج رول
المقادير:
عجينة سمبوسك مكسرة ومحمصة بالفرن لتصير مقرمشة 
للحشوة
ملعقة طعام زيت
250 غم لحم مفروم او دجاج مفروم 
بصلة مفرومة ناعم
حبة ثوم مهروس
ملعقة طعام زنجبيل مبشور
3 كوب ملفوف شرائح
كوب جزر مبشور
بصلة خضراء مقطعة شرائح
(ممكن تزيدو ملفوف احمر اذا حبيتوا)
2 - 3 ملعقة طعام صوبا صوص
ملعقة طعام زيت السمسم
ملح
فلفل اسود

للوجة:
سمسم محمص
صوص تشيلي او سيرارتشا او سويت اند سور

الطريقة:
تقلب اللحمة والبصل لينضج
ترش بالملح والفلفل الاسود
نضيف الخضار ما عدا البصل الاخضر والثوم والزنجبيل ونقلب ليذبل
نضيف البصل الخضر ونقلب دقيقة 
نضيف الصويا صوص والملح (لا نزيد بالملح) والفلفل الاسود وزيت السمسم
في صحن التقديم نضع قطع عجينة السميوسك المقرمشة وفوقها الحشوة ونرشها بالسمسم والصوص وتقدم

الطبق الثاني اللي عملتو اسمه المنتو الكذاب وهو طبق مشهور بالخليج



المنتو الكذاب
المقادير:
30-20 شريحة سمبوسك حسب حجم الصينية
الحشوة:
لحمة مفرومة مقلبة مع بصل وبهارات ويضاف لها البقدونس المفروم وممكن كزبرة
1/4 1 كوب مرق دجاج
للوجة
علبة قشطة
2 ملعقة اكل ممتلئة بالجبن الكاسات السائل
ملح وفلفل اسود
للوجة:
بقدونس مفروم

الطربقة:
تحشى قطع السمبوسك بالحشوة وتلف رول وتصف بصينية فرن مرشوشة بالزيت
يسكب علها مرق الدجاج
تخلط مكونات الوجة وتدهن على الوجة
تخبز على 180 حوالي 40 دقيقة ويحمر الوجة
ترش بالبقدونس وتقدم ساخنة

اما اطباق الحلو ففعليا لفيتها مثل السمبوسك واحدة حشيتها بحشوة فطير التفاح (بتلاقوا الرابط للحشوة هون) وقليتها وغطستها بسكر مع قرفة وقدمت معها صوص كراميل
والثانية حشيتها جبنة القطايق (كانت زايدة عندي ) وقليتها وغطستها بقطر ورشيتها بالفستق الحلبي

بتمنى يكون كل شي عجبكم وبانتظار تطبيقاتكم

Comments

Post a Comment

Popular Posts