Two ingredient Ice cream

بوست اليوم صيفي بامتياز وسهل وسريع واقتصادي جدا

كل اللي بدنا اياه كريما وحليب مركز محلى وبعدين انتو بتبدعوا باللي بدكم اياه لنعمل ايس كريم بتشهي وبدون الة للبوظة

الوصفة الاساسية

المقادير:

كوب كريما بنسبة دسم 32%

4 ملاعق طعام حليب مركز محلى

نكهات مختلفة رح اشرح عنها اكتر

تخفق الكريما والحليب ليصبح قوامها سميك وسط (شاهدي الفيديو) ويمكن عمل ذلك بالخفاقة اليديوة او الكهربائية او مرتبان زجاجي (مو بلاستيك) مبرد بالفريزر 1/2 ساعة قبل الخض (شاهدي الفيديو)

بس بيهمني اني اوضح وقبل ما تسألوني لاني متأكدة رح تسألوني عن الكريما واذا بيصير كريما بودرة او نباتية الجواب ممكن بس الطعم لا يقارن واعتقد انه احنا بنشتري البوظة الزاكية بسعر غالي بس كيف لو قدرنا نعملها بسعر اقل بالبيت ونعمل كل النكهات اللي ببالنا...تخيلي يجيكي ضيوف وتقوليلهم شو حابين بوظة وتعطيهم خيارات طويلة عريضة....اشي حلو كتير

النكهات المحتملة

-          ¼ -1/3 كوب فواكة بيرية (ممكن فراولة، بلوبري (ممكن حشوة التشيز كيك)، كرز، مانجا، بشر ليمون مع عصرة بسيطة ليمون

-          قهوة (ملعقة صغيرة نسكافية مذوبة بملعقة طعام ماء وممكن تزودوا

-          1/3 كوب شوكولاتة (نوع ممتاز مذاب)

-          لوتس او فستق حلبي از نيوتيلا (نضيف 1/3 كوب)

-          تشيز كيك (نضيف ¼ كوب بسكوت مطحون مفروك بالزبدة مع ¼ كوب من حشوات التشيز كيك وممكن اضافة 80 غم جبنة كريمية مع ملعقتين طعام سكر بودرة

-          فانيلا (انصح بعود فانيلا يفتح وتزال بذوره وتضاف

-          اوريو: 1/3 كوب اوريو مكسر

-          نعنع: ½ ملعقة صغيرة روح النعنع ولون اخضر

اما البوظة على العيدان الخشب فمقادير صوص التغطيس

200 غم شوكولاتة غامقة نوع جيد

200 غم شوكولاتة حليب نوع جيد

50 غم زيت جوز هند

تذاب جميعا وتخلط وتسكب بكأس عميقة وتغطس ويمكن وضع العيدان بعد ان تتصفى بشكل عامودي للحصول على تغطية جميلة من الجهتين وتعاد للفريزر لتجمد

مدة التخزين 

هاي البوظة بتضل ممتازة بعلبة محكمة الاغلاق 2-3 اشهر بالفريزر