Bulgar with yogurt and Purslane + Guacamole

 

امبارح وعلى الانستجرام تحديدا عبرت عن بعض الافكار اللي ببالي وسعيدة جدا بردود افعال متابعيني هناك واكيد اكتر بردود افعال بعض الزميلات بنفس المجال واللي شاركوني نفس المشاعر والافكار..

اللي قلته بشكل مختصر هو تعبير عن ظاهرة المتابعة الكبيرة والتفاعل الاكبر مع الكتير من ..خلينا نقول التفكير الضحل وسفاهف الامور لكتار من كبار المتواصلينعلى السوشال ميديا مقابل التفاعل المتواضع مع الناس اللي بتتعب كتير لتقدم محتوى مفيد....طبعا ما تفهموني غلط...حتى الترتيب لتقديم السخافاتاحيانا كتير برضه بيحتاج جهد... بس الموضوع فعليا اقتضى التنويه لعدة نقاط منها:

- اللي حكيته ما كان باي شكل هجوم على الناس اللي بيتابع هاي الحسابات ولا على اصحابها بقدر تسليط الضوء على ظاهرة كلكم اجمعتوا انها موجودة

- لو كان التفاعل مع اللي زيي بنفس القدر او على الاقل قريب من التفاعل مع الناس اللي بتقدم احيانا محتوى يصل على (ولا اشي للاسف) يمكن كان الامر اهون

- اللي حكيته امبارح ما كان باي شكل من الاشكال اعتراض على عدد متابعين لانه كتار منكم برضه سلط الضوء بردوده على عدة جوانب صحيحة 100% منها

1- متابعين الانستجرام اغلبهم اصغر سنا وبالتالي ممكن يميلوا لهاد النوع من المحتوى اكتر من المحتوى الجدي

2- كتير ناس بتشتري متابعين وهاد صحيح واكيد مش اشي منيح وفعليا اذا ما ضل الواحد يدفع بيروحوا

تركيزي زي ما شفتوا فوق على كلمة تفاعل وليس عدد...يعني تفاعل المتابعين الموجودين اصلا لو كان اقوى وافضل اكيد رح يكون اشي مشجع الي ولغيري من مقدمي المحتوى الجيد

وضروري اوضح للناس اللي بيتابعوني جديد وخاصة اللي قالولي انه المحتوى اللي بقدموا اكتر من رائع والا ما يوصل والا ما اصير...هههههه انه انا مش خلف الشهرة ابدا وبالعكس رفضتها باكتر من مكان تمسكا بمبادئي واللي كتير بيشوف انها بالية بجوز بهاد الزمن... لو فعليا الشهرة هي هدفي كان زمان كنت بهداك المكان...واني فعليا مؤمنة انه كلنا بناخد نصيبنا وانا جدا سعيدة بنصيبي من متابعين قد لا يكونوا باعداد مهولة بقدر نوعية المتابعة واللي اتمنى ان تستمر وان تكبر بتفاعلكم الراقي...

شكرا لكل كلامكم الحلو ولكل الدعم اللي غمرتوني فيه وتأكدوا انه وجود التقدير بحباة كل منا على اللي بيقدموا ما هو الا حاجة انسانية ربنا خلقها فينا...لانه فعليا مين فينا بيحب يقدم ويقدم ولا يتقدر...ما اظن انه في حد لهدرجة ملاك...كلنا بنحب تشعر بامتنان من حولنا النا وللي بنقدمه وهاد الشعور من شأنه انه يزيد الرغبة بتقديم المزيد....

نرجع لمواضيعنا وفيديو اليوم هو توثيق ل تاني 10 ايام من تحدي الطبخ من المونة هاد الشهر وشو طبخت واديه صرفت واعلان عن مسابقة شروطها كالتالي:

1- لازم المشارك يكون مشترك باليوتيوب وبالانستجرام

2- لازم يعمل لايك لهاد الفيديو وللبوست اللي فيه اعلان النسابقة على التنستحرام ويحط تعليق تحت هاد البوست

3- السحب على ال3 جوائز رح يكون ب 8/31 واعلانها حيكون على الانسنجرام

مش مطلوب عمل تاغ لاي شخص بس مشاركتكم للمسابقة والاكاونت لغيركم دائما مشكورين عليها

وصفة اليوم هي وصفة تركية اد ما اقول طيبة قليل...ما فيها لحمة بس مش نباتية لانه بتعتمد على استخدام اللبن او الشنينة واللي استخدمت فيه منتجات مصنع بيجنن ومحلي للالبان وهو ديري علا

مصنع لالبان النعاج الروعة صدقا قليلة عليها

وطبعا سبب اختياري للاكلة هو فعليا اني عم بتطبخ من المونة فحبيت استغل البرغل واللبن اللي اجاني هدية من المصنع وكمان اقدم اشي جديد الكم بظم انه مو ممكن يخطر على بالكم بس صدقا محبي اكلات البرغل ومحبي الطعم اللي فيو حموضة اللبن رح تعجبكم الاكلة جدا

وقبل ما ادخل بتفاصيل الاكلة بحب اذكر اني بهدول ال 10 ايام عملت الاكلات التالي واللي ممكن تضغطوا على اللينك للوصول المباشر

تشيلي

 ساندويشات شاورما لحم

البرغل بالبقلة والشنينة

 المقادير:

زيت زيتون

3 كوب بقلة مغسولة ومفرومة خشن )ممكن استخدام السبانخ او الجرجيراو الهندباء والخبيزة او خليط من الموجود عندكم بس البقلة اطيب 

بصلة مفرومة ناعم

حبة بندورة مفرومة ناعم

بصلتين خضر مفرومين 

مرق دجاج او ماء لطبخ البرغل حوالي 2-3 كوب

ملح وفلفل اسود

كاس لبن شنينة او لبن عيران او لبن شرب او 3/4 كوب لبن عادي مخلوط ب 1/4 كوب ماء

نعنع ناشف للوجة

الطريقة:

تقلب البصلة والبندورة بزيت الزيتون لتذبل

نضيف البرغل المغسول ونقلب

نضيف الملح والفلفل الاسود ومرق الدجاج وعندما تغلي نغطيها 3/4 تغطية ونخفض الحرارة ونتركها لتشارف حبوب البرغل على النضج

نضيف البقلة ونقلبها 10 دقائق

نضيف البصل الاخضر ونقلبها عدة دقائق ويجب ان يكون عناك القليل من السائل بالقدر (ما تكون ناشفة تماما) وفي هذا الحالة يمكن اضافة المرق...

الى حد هذة الخطوة الطبق نباتي بامتياز ولذيذ ولكن لجعله الذ نضيف الشنينة ونحرك ونتركها على نار منخفضة 5-10 دقائق ليمتص البرغل بعض الشنينة وليس لتنشف ولا تغطى

ترش بالنعنع الناشف وتقدم ساخنة او دافئة

لذيذة جدا ومفيدة

ومن الاشياء اللي عملتها كان الجواكمولي جنب التشيلي واللي هي عبارة عن حبتين افوكادو وحبة بندورة صغيرة وبصلة صغيرة وعصير ليمون وملح و1/4 كوب كزبرة خضراء ومفرومين ناعم او بالخلاط سوا